Cotton&Yarn

17/09/2026

15/09/2026

تحریر!!! سید مدبر شاہ
15ستمبر 2026

پاکستانی کاٹن مارکیٹ میں مضبوط ڈیمانڈ

​ نیویارک کاٹن مارکیٹ دسمبر کنٹریکٹ 151 پوائنٹس کی کمی کے ساتھ 84.55 سینٹ فی پاؤنڈ پر بند ہوا (دو دنوں میں مجموعی طور پر 367 پوائنٹس کی کمی)۔
​کاروباری سیشن کے دوران دسمبر کنٹریکٹ 84.36 سینٹ کی نچلی ترین سطح پر آیا، جو کہ 17 اگست کے بعد سب سے کم ترین ریٹ ہے

​ دسمبر کنٹریکٹ اپنے 10، 20 اور 40 روزہ موونگ ایوریج سے نیچے بند ہوا ہے، جو تکنیکی اعتبار سے مارکیٹ میں دباؤ کی نشاندہی کرتا ہے۔

​حجم اور اوپن انٹرسٹ: کل تجارتی حجم 64,121 کنٹریکٹس رہا، جبکہ اوپن انٹرسٹ 325 کنٹریکٹس کی کمی کے ساتھ 380,251 رہا

​ چینی کاٹن کو دیکھتے ہیں جہاں چین کے زِنگ ژو کموڈٹی ایکسچینج (ZCE) پر کپاس کے جنوری معاہدے میں مسلسل چوتھے روز گراوٹ دیکھی گئی۔ پچھلے 9 سیشنز میں ZCE میں 5.2 فیصد جبکہ امریکی ICE میں 9.2 فیصد کمی آ چکی ہے

چین کے ریاستی کاٹن ذخائر کی 41 نیلامیوں میں سے 40ویں بار تمام مال بک گیا (99.9% فروخت کا تناسب)۔ 14 ستمبر کو 8,017 ٹن (تقریباً 35,274 بیلز) کپاس نیلام ہوئی

​اب ہم امریکی فصل کی تازہ ترین صورتحال پر نظر ڈالتے ہیں جہاں
​ٹینڈے کھلنے کی رفتار (Bolls Opening): 15 اہم ریاستوں میں ٹینڈے کھلنے کی شرح 57 فیصد تک پہنچ گئی ہے، جو کہ 5 سالہ اوسط (48%) کے مقابلے میں کافی تیز ہے۔
​کپاس چنائی کا عمل 8 فیصد مکمل ہو چکا ہے، جو کہ 5 سالہ اوسط (8%) کے بالکل برابر ہے۔
​فصل کی حالت (Crop Condition): فصل کی مجموعی حالت میں معمولی بہتری آئی ہے۔ 36 فیصد فصل اچھی سے بہترین (Good to Excellent: 30% Good, 6% Excellent) حالت میں بتائی گئی ہے، جو پچھلے ہفتے 34 فیصد تھی۔

​دیگر مارکیٹس کی صورتحال
​خام تیل میں تیزی: سعودی توانائی کی تنصیبات پر حملوں اور آبنائے ہرمز سے متعلق مذاکرات ملتوی ہونے کی وجہ سے خام تیل 1.34 ڈالر اضافے کے ساتھ 101.39 ڈالر فی بیرل تک پہنچ گیا۔
​
تیل کی قیمتوں میں اضافے اور مہنگائی کے خدشات کی وجہ سے امریکی اسٹاک مارکیٹس (Dow, S&P, Nasdaq) میں 0.3% سے 0.6% کمی واقع ہوئی،

سونا اور چاندی 5 ہفتوں کی نچلی ترین سطح پر آ گئے

​فیڈرل ریزرو: امریکی مرکزی بینک (Fed) کا دو روزہ اجلاس شروع ہو رہا ہے، جس میں مارکیٹ کی توقعات کے مطابق شرحِ سود میں 25 بیسس پوائنٹس (0.25%) کا اضافہ متوقع ہے جو کاٹن مارکیٹ پر اثر ڈالے گا

پاکستان کی مقامی مارکیٹ میں مضبوط ڈیمانڈ نے استحکام بنایا ہوا ہے 19000 سے 19700تک کام ہوئے ہیں
ختم شد

11/09/2026

تحریر!!! سید مدبر شاہ
11ستمبر 2026

کاٹن زلف لہرائے اپنے محبوب خام تیل کے پیچھے بھاگ رہی ہے
​
کل نیویارک کاٹن مارکیٹ میں ​31 اگست کے بعد پہلی بار تمام کاٹن فیوچر معاہدوں میں مجموعی اضافہ دیکھا گیا ہے
​دسمبر 2026 کنٹریکٹ 88.22 سینٹ فی پاؤنڈ پر بند ہوا (94 پوائنٹس کا اضافہ)۔ یہ مسلسل دوسرا دن تھا جب قیمتوں میں بہتری آئی، جس سے دو سیشنز میں کل 190 پوائنٹس کا فائدہ ہوا۔
​ٹیکنکل طور پر دسمبر کنٹریکٹ اپنی 20 روزہ موونگ ایوریج (88.13) سے اوپر بند ہوا، جو کہ مارکیٹ میں تیزی (Bulls) رحجان کو ظاہر کرتا ہے تاہم قلیل مدتی برتری ابھی بھی فروخت کنندگان (Bears) کے پاس ہے

​ کل اوپن انٹرسٹ 1,116 کم ہو کر 379,289 کنٹریکٹس پر آ گیا

​
​خام تیل کی قیمتوں میں مسلسل آٹھویں دن زبردست تیزی رہی۔ اکتوبر کنٹریکٹ بڑھ کر $102.48 فی بیرل پر بند ہوا۔ اس کی بڑی وجہ خلیج ہرمز کے قریب کشیدگی اور سپلائی میں رکاوٹ کے خدشات ہیں اس نے بھی کاٹن مارکیٹ کو سہارا دیا

​چین کی مارکیٹ: ژینگ ژو کموڈٹی ایکسچینج (ZCE) پر کاٹن کی قیمتوں میں مسلسل گراوٹ دیکھی گئی چائنا اسٹیٹ ریزرو کی نیلامی مسلسل 39ویں دن مکمل طور پر فروخت ہوئی جس میں خریدی گئی کاٹن میں 52 فیصد امریکی اور بقیہ برازیلین کاٹن تھی چین کی مارکیٹ نے توانائی قیمتوں میں اضافہ کو منفی دیکھا

​امریکی معیشت پر فوکس کریں تو اگست کے پروڈیوسر پرائس انڈیکس (PPI) میں ہول سیل مہنگائی 0.4 فیصد بڑھی، جبکہ امریکی اسٹاک مارکیٹ (Dow، S&P، Nasdaq) میں گراوٹ رہی

​ آن کال (Cotton On-Call) پوزیشن
​غیر طے شدہ آن کال سیلز (Unfixed Call Sales) 314 کی کمی کے ساتھ 79,814 کنٹریکٹس رہیں۔
​غیر طے شدہ آن کال پرچیزز (Unfixed Call Purchases) 970 کی کمی کے بعد 65,989 کنٹریکٹس رہیں۔ مسلسل پانچویں ہفتے آن کال سیلز کی تعداد خریداری کے حجم سے زیادہ رہی
آج 11ستمبر کو یو ایس ڈی اے کی ماہانہ کھپت اور پیداوار رپورٹ آئے گی یہ زیادہ اہم اس لئے ہے کہ
کاٹن پیدا کرنے والے لگ بھگ تمام ممالک میں چنائی کا سیزن چل رہا ہے
اگر ہم مقامی کاٹن مارکیٹ کو دیکھیں تو وہاں 200کی تیزی رہی پنجاب میں 19700تک کام آئے 19800کی آواز بھی تھی جو کنفرم نہیں ہوئی
بلوچی کاٹن 20200 سے 20300تک رہی
مقامی مارکیٹ میں طاقتور ڈیمانڈ موجود ہے جس سے اندازہ ہے کہ مارکیٹ مستحکم رہے گی
ختم شد

10/09/2026

تحریر!!! سید مدبر شاہ
10ستمبر 2026

حاضر ڈلیوری کی اہمیت

نیویارک کاٹن ​دسمبر کا سب سے فعال معاہدہ (Dec-26) 96 پوائنٹس اضافے کے بعد 87.28 سینٹس پر بند ہوا، جس سے مسلسل پانچ سیشنز سے جاری مندی کا سلسلہ رک گیا

​مارکیٹ کا تجارتی حجم (Volume) 46,659 معاہدے رہا، جو معقول ہونے کے باوجود پچھلے نو سیشنز کی سب سے کم ترین سطح ہے

​اوپن انٹرسٹ 1,820 معاہدوں کے اضافے سے 380,405 تک پہنچ گیا، جو تاریخ کی ساتویں سب سے بڑی سطح ہے

​
​امریکی کراپ پروگریس رپورٹ کے مطابق امریکی کپاس کی فصل کے حالات مزید خراب ہوئے ہیں۔ جمعہ کو متوقع USDA کی سپلائی و ڈیمانڈ رپورٹ سے پہلے تاجر اپنی پوزیشنز کا جائزہ لے رہے ہیں۔

​چینی ZCE کاٹن فیوچرز میں گزشتہ چھ سیشنز میں پانچویں بار کمی دیکھی گئی (مجموعی طور پر 2.5% کی گراوٹ)۔ چین کے اسٹیٹ ریزرو کی مسلسل 38ویں نیلامی میں تمام مال فروخت ہوا، جس میں مجموعی فروخت 304,743 ٹن تک پہنچ گئی ہے (جس میں 52% امریکی کپاس شامل ہے)

​ مہنگائی اور معاشی خدشات کے باعث امریکی اسٹاک مارکیٹ (Dow, S&P, Nasdaq) میں گراوٹ رہی، جبکہ خام تیل (Crude) کی قیمتیں 3.2% بڑھ کر 96.05 ڈالر فی بیرل پر پہنچ گئیں
اس نے بھی کاٹن مارکیٹ کو سہارا دیا

​اب ہم مقامی کاٹن مارکیٹ کو دیکھتے ہیں جہاں کپاس کی مضبوط قیمتوں نے جنرز کو زیادہ نیچے سیل نہیں کرنے دیا ملوں کی ڈیمانڈ خاصی مضبوط رہی اور ملک کے ہر اسٹیشن پر روئی فروخت ہوئی 19000 سے 19600 تک کام ہوئے مارکیٹ میں اہم ایشو ڈلیوری کا ہے اب جب کسی اسٹیشن کا ریٹ آتا ہے تو یہ سوال بھی ایک دوسرے سے پوچھا جاتا ہے یہ حاضر ڈلیوری کا ریٹ ہے یا تاخیر والی ڈلیوری کا؟؟
کاٹن میں استحکام ہے اور ڈیمانڈ قائم ہے
ختم شد

10/09/2026

Keep an eye on two USDA reports expected over the next 24 hours: the Weekly U.S. Cotton Sales Report and the Monthly Cotton Production & Consumption Report.
These reports are likely to play a key role in determining the direction of the cotton market.

Mudabbir Shah

05/09/2026

تحریر!!! سید مدبر شاہ
05ستمبر 2026

کاٹن کے گرد اتنا اندھیرا نہیں ہے

​نیویارک کاٹن میں پچھلے 7 ہفتوں میں پہلی بار ہفتہ وار مندی دیکھی گئی۔ دسمبر کنٹریکٹ ہفتے کے دوران 505 پوائنٹس (5.5 فیصد) گر کر 86.33 سینٹ فی پاؤنڈ پر بند ہوا۔
​
دسمبر کاٹن 10 روزہ اور 20 روزہ متحرک اوسط (Moving Averages) سے نیچے بند ہوئی ہے۔ ہفتہ وار چارٹ پر مندی کا اشارہ (Outside-week-to-the-downside) دیکھا گیا ہے، جس سے مارکیٹ پر مندی والے (Bears) حاوی نظر آ رہے ہیں۔
​​تاریخی تجارتی حجم سال 2026 میں اوسط یومیہ حجم 71,170 کنٹریکٹس تک پہنچ چکا ہے، جو کہ پچھلے تمام سالوں سے کہیں زیادہ ہے۔
​اوپن انٹرسٹ مارکیٹ میں اوپن انٹرسٹ 379,116 کنٹریکٹس پر برقرار ہے، جو تاریخی لحاظ سے غیر معمولی طور پر بلند سطح ہے۔
​
​ امریکہ میں روزگار کی مضبوط رپورٹ (162,000 نئی ملازمتیں اور 4.1% بے روزگاری) کے باعث ڈالر انڈیکس مضبوط ہوا اور فیڈرل ریزرو کی جانب سے شرح سود بڑھانے کے امکانات بڑھ گئے

​توانائی بحران: امریکہ اور ایران کے درمیان کشیدگی کے باعث خام تیل میں ہفتہ وار 9.7 فیصد کا بڑا اضافہ دیکھا گیا، جس سے مہنگائی کے خدشات بڑھے ہیں

​چین کی مارکیٹ: ژینگ ژو کاٹن فیوچرز میں اس ہفتے 2.2 فیصد کمی آئی۔ تاہم چین کے سرکاری ذخائر کی نیلامی مسلسل 35ویں بار مکمل طور پر فروخت رہی

​7 ستمبر: لیبر ڈے (Labor Day) کے باعث ICE کاٹن مارکیٹ سوموار ک بند رہے گی اب نیویارک مارکیٹ 8ستمبر منگل کے روز اوپن ہو گی

​11 ستمبر کو (USDA) کی اہم عالمی سپلائی و ڈیمانڈ رپورٹ (WASDE) آئے گی جو مارکیٹ پر اثر انداز ہو گی
​24 ستمبر کو اکتوبر کنٹریکٹ کی پہلی نوٹس کی تاریخ (First Notice Day)
ہے
مقامی کاٹن مارکیٹ میں کاروباری حجم کم رہا ملیں مارکیٹ کو خاصا کمزور دیکھ رہی ہیں جبکہ جنرز زمینی حقائق میں پھنس گئے ہیں کمزور ارائیول بنولہ اور کھل بنولہ ٹیکس پر ایف بی آر کی سختیاں جینگ آپریشنل کو کمزور کر رہے ہیں
ختم شد