28/04/2026
اللہ تعالیٰ حافظ صاحب کی حفاظت فرمائے آمین
یہ تلاوت سن کر ماضی یاد آجاتا ہے
اجتماعات کے موقع پر یا جب آپ کی رہائش مرکز میں ہوتی تھی تو اکثر مرکز میں آتے رہتے تھے مغرب عشاء اور فجر کی جماعت خود کرواتے، انتہائی سادہ اور پرسوز انداز میں تلاوت کرتے مرکز میں آپ کی آواز سے عجیب سماں بندھ جاتا اور کبھی تو قنوت بھی کرواتے سبحان اللہ عجیب،پرلطف منظر ہوتا ہے
باری تعالیٰ وہ رونقیں دوبارہ نصیب فرمائے
مسجد ام القریٰ میں فجر کی نماز پڑھانے کے بعد عموما اشراق تک مصلے پر بیٹھے رہتے ہمارے شیخ بھٹوی صاحب رحمہ اللہ بھی ساتھ بیٹھ جاتے
دونوں بزرگ نہایت ہی خوشگوار موڈ میں باتیں کرتے رہتے
بھٹوی صاحب رحمہ اللہ بروقت کلاس میں تشریف لانے کے بہت پابند تھے کبھی لیٹ نہ ہوتے تھے ہاں جس دن بڑے حافظ صاحب تشریف لاتے تو کبھی کلاس میں تاخیر سے پہنچتے
ایک دن ہم نے سوال کیا کہ استاد محترم جس دن امیر صاحب آتے ہیں تو اس دن کبھی آپ لیٹ ہو جاتے ہیں
کہنے لگے
یہ سوچ کر ان کے پاس بیٹھا رہتا ہوں کہ اس مجاہد سے دنیا کفر ڈرتی ہے تو ہمیں چند لمحے قریب بیٹھنے کی سعادت مل جائے
بھٹوی صاحب رحمہ اللہ کا انداز تدریس بھی بہت کمال کا تھا بارعب شخصیت تھے لیکن اس کے ساتھ ساتھ انتہائی دلچسپ اور پرکشش بھی تھے
اپنا رعب بھی قائم رکھنا اور ہنسی مزاح کے ساتھ طلبہ کے لیے دلچسپ اور جاذب بننا
یہ بڑے فن کی بات ہے
آپ کا سبق اتنا دلچسپ ہوتا تھا کہ ہمارا دل ہوتا کہ اس پیریڈ کا وقت اور زیادہ ہو جائے
بلکہ کبھی وقت پورا ہونے پر اٹھنے لگتے تو ہم خود ہی کہہ دیتے کہ استاد محترم بیٹھے رہیں
ایسے استاد کا مل جانا بڑے نصیب کی بات ہے
رحمہ اللہ رحمۃ واسعۃ
__________________________اسٹیٹس___________________________
شیخ محترم فضیلۃ الشیخ عمران محمدی صاحب عفالله عنه
