11/02/2026
بسم الله والحمد لله
نفسك تلبسي النقاب؟؟
هاك حبة النصائح دي عساها تعينك
أول شئ الإخلاص يا جميلة
إنتقبي لوجه الله، ما عشان صحبتك منتقبة أو إنت حلوة بالنقاب أو الشمس وكده
خلي هدفك الأول طاعة أمر الله والستر واحتسبي الأجر🌸
أبعدي عن الفساتين بالطرح والألوان الشاذة والزركشة
العبايات بشروط الحجاب الصحيحة = ستر
حجاب يعني يحجب الزينة ؛ فما ينفع يكون هو نفسه زينة
ولو إشتريتي خمار أو كاب يبقى يا بختك وح تعيشي أجمل ستر 🌸
جوينتاتك أهم شئ يا غالية
لو بتظهري عيونك ما تزينيها
فتحة النقاب ما تكون كبيرة
صورك صورك حتى لو بالنقاب ما ترفعيها ربنا يرضى عنك ويبارك فيك
أدعي ربنا بالثبات وأعرفي إنك ح تواجهي إنتقادات من الحواليك وبعض التشجيع
خلي شعارك (رضا الله فوق كل شئ)
ما تشتغلي بكلام الناس وما تتأثري بتعليقاتهم السيئة
كلام الناس أرميه وراء ضهرك
أخدي منه البنفعك والباقي لا
والدعاء الدعاء
أوصيك بالدعاء
ربنا يفرحنا بيك قريب ويثبتك ؛ بتقوليها لمنو ؟ تاقيها 🌸
