28/01/2024
الحمد الله تربّيت في الخير ، موش معناها غاطس في الفلوس و ندز فيها بالركبة لا ، أما الحمد الله عشت أعز عيشة و عملت كل شئ و خذيت وقتي بالباهي ، مانيش جيعان كي نشم يديا نشبع وكي نشوف الناس في نعمة مانحسدش وما نبغضش ، تربيت نقول صحة و محلاك وربي يبارك و يزيد ،
تربيت نعمل إلي نحب عليه و مانيش نادم على شيء ، تربيت كي نشوف عباد في محنة نعاون من غير ما نستغل ظروف الناس و نعطي من غير ما نستنى ، عمري ما حسبت معا حد خاطر هاكا كيفاش تربيت .
تربيت نفرح لغيري و نستنا فرحتي من عند ربي ، تربيت القلب صافي و العين كبيرة و النفس عزيزة والخشم بلاّر كان يطيح يتكسّر و الحمد الله .. ❤️
