V I C I • ვ ი ც ი

08/03/2026

👌🇺🇸🇬🇪

‼️როგორ უნდა გააშუქოს მედიამ ფემიცი და სექსუალური ძალადობა ისე, რომ მსხვერპლი “თავიდან არ მოკლას”?! ვიწყებთ მთავარი ღერძით: ძალადობა კონტენტი არ არის. სხვისი ტრავმა რეიტინგის ასაწევი მასალა არ არის.!წაიკითხეთ გზამკვლევი იმაზე,თუ როგორ უნდა ილაპარაკოს მედიამ ფემიციდსა და სექსუალურ ძალადობაზე სენსაციის შექმნის გარეშე და არ უგულვებელყოს, ადამიანის ღირსება, უსაფრთხოება და დაიცვას სამართლებრივი ზღვარი. დავიწყოთ იმით, რომ ეს არ არის „ოჯახური დრამა“, „ეჭვიანობის ნიადაგზე მომხდარი ამბავი“ ან „სიყვარულის გამო ჩადენილი დანაშაული“. ასეთი სიტყვები ძალადობას თითქოს ემოციურ ახსნას აძლევს და პასუხისმგებლობას აბნევს. რეალობა მარტივია: ძალადობა არის არჩევანი და მასზე პასუხისმგებელია ის, ვინც ძალადობს.

📍უმნიშვნელოვანესია!!!თუ გამოძიება ჯერ დასრულებული არ არის, მედიამ უნდა ილაპარაკოს სამართლებრივად ზუსტად: „საქმეზე გამოძიება მიმდინარეობს“, „პირი ბრალდებულია“, „არსებული ინფორმაციით“. მაგრამ სიფრთხილე არ ნიშნავს იმას, რომ ძალადობა უნდა გაბათილდეს ან დაზარალებული ადამიანი ეჭვქვეშ დადგეს.
არ არის საჭირო მსჯელობა იმაზე, რა ეცვა ადამიანს, სად იყო, რა ეროვნების, რეგიონის, კანის ფერის, ასაკის, აი თუ რატომ არ წავიდა ადრე, რატომ შეხვდა ვინმეს ან რატომ არ თქვა მაშინვე. ეს კითხვები დანაშაულის არსს არ ხსნის. ისინი ყურადღებას მოძალადისმი ქმედებიდან დაზარალებულ ადამიანზე გადააქვს.არ უნდა გასაჯაროვდეს დანაშაულის გრაფიკული დეტალები, მეთოდი, იარაღი ან ისეთი ინფორმაცია, რომელიც სხვებისთვის ტრავმული ან საშიში შეიძლება იყოს. საზოგადოების ინფორმირება არ ნიშნავს ტრავმის სანახაობად ქცევას.დაიმახსოვრეთ. სექსუალურ ძალადობაზე საუბრისას უნდა გვახსოვდეს, რომ არ არსებობს „სწორი“ რეაქცია. შოკი, დუმილი, დაგვიანებული მიმართვა, დამაბნეველი მონათხრობი ან ამბის სხვადასხვაგვარად მოყოლა ტრავმის ბუნებრივი რეაქცია შეიძლება იყოს.
მედიის საქმე არ არის ამ რეაქციების შეფასება. მისი საქმეა ფაქტების გადამოწმება და ზიანის შემცირება.! დაუდასტურებელი ინფორმაცია არ აქციოთ კამათის მიზეზად, ცირკად,სანახაობად. სოლიდარობა ნიშნავს, რომ ადამიანის უსაფრთხოება ყოველთვის უფრო მაღლა დგას ვიდრე თქვენს პოსტებზე და ვუდეოს ნახვებზე

ინფლუენსერებო, არც ვიცი სწორად როგორ მოგმართოთ. ყველას ყველას!!თუ სადმე რამე ასეთ სენსიტუყრ თემაზე წერთ. პოსტის ან ვიდეოს ბოლოს უნდა მიუთითოთ დახმარების გზა.
ბევრი გაიფიქრებს რომ მე ამას ამერიკიდან ვწერ და აქ ძალადობის დონე ნაკლებია. არა. ძალადობას არც ასაკი, არც ეკონომიური მდგომარეობა თუ სხვა რამ არ განსაზღვრავს!
აშშ CDC ის 2023 და 2024 წლების ეროვნული მონაცემებით, ქალების 45.1 პროცენტს ცხოვრების განმავლობაში სექსუალური ძალადობის რომელიმე ფორმა გამოუცდია.
მთავარია გახსოვდეთ!დახმარება არსებობს
🇬🇪საქართველოში: 112 (დაუყონებლივი)
116 006 ქალთა მიმართ და ოჯახში ძალადობის შემთხვევაში. ხაზი უფასოა, ანონიმური და 24 საათიანი.
🇺🇸აშშ ში: 911თუ არსებობს სიცოცხლის ან სხეულის დაუყოვნებელი საფრთხე. ასევე 800 799 7233
ოჯახში ძალადობის ეროვნული ცხელი ხაზი.
ნიუ იორკში: 800 621 4673 . 24 საათიანი!
📌 გზამკვლევი მომზადებულია ლგბტქი+ თემთან და გენდერულად განპირობებული ძალადობის მსხვერპლებთან მომუშავე, ტრავმაზე ინფორმირებული ფსიქოსოციალური სპეციალისტის მიერ.(კონსტანტინე სვანიძე) #ძალადობა #ფემიციდი #ტელევიზია #ქალი #ემიგრაცია #მენტალურიჯანმრთელობა #მხარდაჭერა

07/06/2026

🗓️20 ივლისს.📢სპეციალისტები საუბრობენ! ემიგრანტი ქალები, ტოქსიკური ურთიერთობები და უსაფრთხოებისკენ გადადგმული პირველი პრაქტიკული ნაბიჯები! ზოგჯერ ძალადობა არ ტოვებს ნაკაწრს, სისხლს ან ხილულ მტკიცებულებას. სამაგიეეროდ ის ყოველდღე, ნელ ნელა ართმევს ადამიანს სიმშვიდეს, თავდაჯერებას, თავისუფლებასა და საკუთარ ხმას, სანამ ერთ დღეს არ მიხვდება, რომ საკუთარ ცხოვრებას ვეღარ მართავს.ძალადობა შეიძლება იმალებოდეს მუდმივ კონტროლში, დამცირებაში, ფინანსურ შეზღუდვაში, იზოლაციაში, შანტაჟში..

🫴 ყველაზე რთული სწორედ იმის გაცნობიერებაა, რომ ის, რაც ყოველდღიურობად იქცა, ძალადობაა. განსაკუთრებით მაშინ, როცა ადამიანი ემიგრანტია, უცხო ქვეყანაში ცხოვრობს, ენობრივი ბარიერი აქვს, ფინანსურად დამოკიდებულია, ოჯახის მხარდაჭერას მოკლებულია ან ეშინია, რომ არ დაუჯერებენ.ქვეყნის შეცვლა ყოველთვის არ ნიშნავს უსაფრთხოების პოვნას. ზოგჯერ ადამიანი ახალ მისამართზე გადადის, მაგრამ ძველი შიში, კონტროლი და ტკივილი მაინც თან მიჰყვება.

20 ივლისს, 19:00 საათზე, ნიუ იორკის დროით, VICI Team გიწვევთ Facebook Live-ზე.

📌ჩვენ გვეყოლება განსაკუთრებული სტუმარი
თეა ფანჩულიძე, ფსიქოლოგი და ფსიქოთერაპევტი, მრავალწლიანი გამოცდილებით ქალებთან, ტრავმის გამოცდილების მქონე ადამიანებთან და მაღალი მოწყვლადობის ჯგუფებთან მუშაობის მიმართულებით.
🖊️შეხვედრის ფასილიტატორი.კონსტანტინე სვანიძე, LGBTQI+ თემთან და გენდერული ნიშნით ტრავმაზე ინფორმირებული ფსიქოსოციალური შეფასების სპეციალისტი.
ლაივში ვისაუბრებთ:
• ძალადობის უხილავ ფორმებსა და იმ ნიშნებზე, რომლებიც ხშირად ნორმალურ ურთიერთობად გვესახება
• ტოქსიკურ ურთიერთობებზე, კონტროლზე, მანიპულაციასა და ემოციურ ზეწოლაზე
• იმაზე, რატომ უჭირთ ბევრ ქალს საკუთარი თავის დაცვა, ხმის ამოღება და დახმარების თხოვნა
• მიგრაციის, მარტოობისა და სისტემისადმი უნდობლობის გავლენაზე
• ყოველდღიურ, მარტივ და პრაქტიკულ ნაბიჯებზე, რომლებიც ადამიანს უსაფრთხოებისა და სტაბილურობის განცდის, ასევე საკუთარი ძალის დაბრუნებაში ეხმარება. გამვიხილავთ იმის მნიშვნელობას. თუ რატომ არავის უნდა უწევდეს საკუთარი ტკივილის საჯაროდ დამტკიცება, რათა მხარდაჭერა დაიმსახუროს.
🗓️არ გამოტოვოთ,ვიღაცისთვის ეს შეიძლება მათი უსაფრთხოებისკენ პირველი ნაბიჯი გახდეს.

07/02/2026

მეტი დეტალი მალე… #ფრაიდი #არაძალადობას #ამერიკა #ფსიქოლოგია #ქორწინება #ქალთაუფლებები #ოჯახურიძალადობა #თავშესაფარი #პროფესიონალი #იმიგრაცია #ქეისები

07/01/2026

😮 It’s official… according to highly reliable sources Pride Month has been extended until next June. 🏳️‍🌈🏳️‍⚧️🇺🇸🇬🇪

See you next month… and the month after that. 🌈😂

06/27/2026

‼️განცხადება Brooklyn Pride-ს პოსტზე.ვიდეო, სადაც ადამიანები მშვიდად, ღიად და ბედნიერად ზეიმობდნენ საკუთარ ცხოვრებას, ეს უნდა ყოფილიყო სიხარულის, თავისუფლებისა და ხილვადობის ვიდეო. სამწუხაროდ, კომენტარებში დაიწერა აგრესიული, ჰომოფობიური და ზოგ შემთხვევაში სიცოცხლისა და უსაფრთხოების წინააღმდეგ მიმართული კომენტარები/მუქარები. განსაკუთრებით მძიმეა იმის დანახვა, რომ ასეთი სიძულვილი მოდის ადამიანების ნაწილიდან, რომლებიც თავად ცხოვრობენ ამერიკის შეერთებულ შტატებში, მათ შორის ნიუ იორკში.

⚠️ყველა კომენტარი, სქრინი, პროფილი, ბმული შენახულია. ნებისმიერი მასალა, რომელიც შეიცავს მუქარას, მიზანმიმართულ შევიწროებას, უსაფრთხოების რისკს ან ძალადობის წახალისებას, დაუყონებლიც გადაეგზავნება პლატფორმებს, შესაბამის უწყებებს, იურიდიულ და ადვოკატირების ორგანიზაციებს.
ჩვენ არავის ვემუქრებით. ჩვენ არავის ვდევნით. ჩვენ არავის ცხოვრებაში ვიჭრებით. არცერთ ადამიანს არ აქვს უფლება, ჩვენი წევრების, ჩვენი მეგობრების ან Pride-ში მონაწილე ადამიანების უსაფრთხოება საფრთხის ქვეშ დააყენოს. ამის დრო დასრულდა. ენით აღუწერელი სიძულვილის კომენტარები კიდევ ერთხელ გვახსენებს რეალობას: LGBTQI+ ადამიანების უსაფრთხოება ავტომატურად დაცული არ ხდება მხოლოდ იმიტომ, რომ ისინი ნიუ იორკში ან ამერიკაში ცხოვრობენ. ბევრმა ჩვენგანმა უკვე გამოიარა ტრავმა, დევნა, სირცხვილი, ძალადობა და იძულებითი სიჩუმე. ამიტომ ონლაინ სიძულვილი ჩვენთვის უბრალოდ „კომენტარი“ არ არის. ის შეიძლება იყოს რეალური ტრიგერი, შიში და უსაფრთხოების საფრთხე.

მადლობას ვუხდით ყველას, ვინც
კომენტარებში სოლიდარობა გამოხატა. ეს მხარდაჭერა გვახსენებს, რომ მარტო არ ვართ.
ამ ეტაპზე ჩვენი წევრების მენტალური ჯანმრთელობა და ფიზიკური უსაფრთხოება ყველაზე მნიშვნელოვანია. ჩვენ გავაგრძელებთ თანამშრომლობას ნიუ იორკის შესაბამის ორგანიზაციებთან, ადვოკატებთან, პარალეგალებთან, უფლებადამცველებთან და გადაწყვეტილების მიმღებ პირებთან, რათა მათ იცოდნენ, რა რეალურ შიშს აწყდება ქართული LGBTQI+ საზოგადოება, მათ შორის ამერიკის შეერთებულ შტატებშიც კი.
როგორც ხედავთ ხილვადობას მწარე ფასი აქვს და ეს ვნახეთ…. თუმცა ეს არ გაგვაჩუმებს.სიყვარული ყოველთვის გაიმარჯვებს.და სიძულვილს პასუხისმგებლობა ყოველთვის მოჰყვება.
🏳️‍🌈🏳️‍⚧️🇺🇸🇬🇪

06/18/2026

დღეს VICI Team-იმ მონაწილეობა მიიღო ნიუ იორკის შტატის მიერ ორგანიზებულ მნიშვნელოვან შეხვედრაზე, რომელიც LGBTQI+ თემში გენდერული ძალადობის, ტრავმის გავლენისა და მხარდამჭერი სერვისების შესახებ იყო.

ჩვენთვის მნიშვნელოვანია მუდმივად ვადევნოთ თვალი სახელმწიფო უწყებების, გადაწყვეტილების მიმღები ორგანიზაციების მიერ დაგეგმილ ტრენინგებს, ვებინარებსა და საგანმანათლებლო პროგრამებს. ქალაქი, შტატი და საერთაშორისო პარტნიორები უამრავ სასარგებლო რესურსსა და ცოდნას გვთავაზობენ. სწორედ ამიტომ ვიყენებთ ყველა შესაძლებლობას, ვიყოთ პროფესიული და სამუშაო ჯგუფების ნაწილი, რათა ჩვენს საზოგადოებას ყოველთვის მაღალი ხარისხის, თანამედროვე და ინფორმირებული მომსახურება შევთავაზოთ. 🤝 VICI Team LLC მზად არის უფასო კონსულტაციისთვის ჩვენიღირებულებებია: ემპათია, კონფიდენციალურობა, სიზუსტე და მაღალი პროფესიული სტანდარტი. სწორედ ამ ღირებულებებზე დაფუძნებულ სერვისებს გთავაზობთ :
🧠 ფსიქოსოციალური შეფასება
🛂 იმიგრაციის პროცესების ორგანიზება
⚖️ პარალეგალური მხარდაჭერა
📑 ნოტარიული მომსახურება
🌐 სერტიფიცირებული თარგმნა
🤝 რეფერალი ადგილობრივ ორგანიზაციებთან
📩 [email protected]
📞 929 664 1050 | 929 745 5218 | 646 702 0329VICI Team LLC შეგახსენებთ არ გასცემს იურიდიულ რჩევებს #ამერიკაში #საემიგრაციო #ქართველიემიგრანტები

06/15/2026

📌აშშ-ის თავშესაფრის სამართალში არსებობს სპეციალური სამართლებრივი ფორმულა, რომელსაც დღემდე იყენებენ საიმიგრაციო მოსამართლეები და თავშესაფრის ოფიცრები. მას Matter of Mogharrabi ეწოდება.

1987 წელს ირანელი სტუდენტის, მოჰარაბის საქმემ აშშ-ის საიმიგრაციო სამართლის ისტორია შეცვალა.
მოჰარაბი ამტკიცებდა, რომ სამშობლოში დაბრუნების შემთხვევაში მას პოლიტიკური შეხედულებების გამო საფრთხე ემუქრებოდა. პრობლემა ის იყო, რომ მას ჯერ არ დაეპატიმრებინათ, არ ეცემათ და არ მოეკლათ.
მაშინ გაჩნდა მნიშვნელოვანი კითხვა:

❓ უნდა დაელოდოს თუ არა ადამიანი ყველაზე საშინელ მოვლენას, სანამ დაცვას მიიღებს?

აშშ-ის საიმიგრაციო სასამართლომ უპასუხა: არა.

სწორედ ამ საქმეში ჩამოყალიბდა პრინციპი, რომ თავშესაფრის მოთხოვნისას საკმარისი არ არის მხოლოდ შიში.Board of Immigration Appeals (BIA) -Matter of Mogharrabi.

ბევრს ჰგონია, რომ თავშესაფრის მისაღებად ადამიანს მხოლოდ პოლიციის ცნობები, ფოტოები, ვიდეოები ან სხვა მტკიცებულებები უნდა ჰქინდეს. სინამდვილეში, კანონი იყენებს შკალას და სხვანაირად აბრუნებს მთლიან პროცესს. შეიძლება არც ცრემლი, არც 700 ცნობა არ წარმოადგენდეს არაფერს თუკი ისტორია ზუსტად ამ 4 პრიციპიდან არის შორს.... გამოყენებულია 10% ალბათობის თერია( 👉და იქნებოდა თუ არა იგივე სიტუაციაში მყოფი გონივრული ადამიანი ასევე შეშინებული, როგორიც თქვენ?📌 შემდეგ ვიდეოში განვიხილავთ, როგორ მუშაობს Mogharrabi-ის ტესტი პრაქტიკაში და როგორ იყენებენ მას თავშესაფრის ოფიცრები და მოსამართლეები რეალურ საქმეებში.
🤝 VICI Team LLC მზად არის უფასო კონსულტაციისთვის ჩვენიღირებულებებია: ემპათია, კონფიდენციალურობა, სიზუსტე და მაღალი პროფესიული სტანდარტი. სწორედ ამ ღირებულებებზე დაფუძნებულ სერვისებს გთავაზობთ :
🧠 ფსიქოსოციალური შეფასება
🛂 იმიგრაციის პროცესების ორგანიზება
⚖️ პარალეგალური მხარდაჭერა
📑 ნოტარიული მომსახურება
🌐 სერტიფიცირებული თარგმნა
🤝 რეფერალი ადგილობრივ ორგანიზაციებთან
📩 [email protected]
📞 929 664 1050 | 929 745 5218 | 646 702 0329VICI Team LLC შეგახსენებთ არ გასცემს იურიდიულ რჩევებს #ამერიკაში #საემიგრაციო #ქართველიემიგრანტები

06/12/2026

🏳️‍🌈🇬🇪 Brooklyn Pride 2026! Unsilenced Georgians! რეგისტრაცია ოფიციალურად დასრულდა.
🎉 შაბათს ჩვენთან ერთად იქნებიან ადამიანები, რომლებიც აღარ ელოდებიან, რომ ვინმე სხვა იბრძოლებს მათი თავისუფლებისთვის. ვხედავთ ადამიანებს, რომლებიც ნაბიჯ-ნაბიჯ აშენებენ საკუთარ თავისუფალ ამერიკულ ოცნებას, ჩვენ კი მათ გვერდით ვართ🇺🇸❤️🌈

გასული და მიმდინარე წელი VICI Team-ისთვის იყო ადვოკატირების და თანამშრომლობის წელი. ყოველდღიურად ვმუშაობთ ადგილობრივ, ეროვნულ და საერთაშორისო ორგანიზაციებთან, სათემო ლიდერებთან, პროფესიონალებთან და გადაწყვეტილებების მიმღებ სტრუქტურებთან, რათა ჩვენი საზოგადოების ხმა მკაფიოდ ისმოდეს იქ, სადაც გადაწყვეტილებები მიიღება. 🤝

ეს არის შეხსენება, რომ ხილვადობას აქვს ფასი. დუმილსაც აქვს ფასი. და საბოლოოდ, თითოეული ადამიანი თავად ირჩევს მისთვის ღირებულს.
☀️ახლა კი დროა ცოტა შევისვენოთ ავივსოთ სიყვარულით, პატივისცემით და ერთად აღვნიშნოთ ყველაფერი, რაც უკვე შევძელით. შევხვდებით შაბათს. 🏳️‍🌈🇬🇪✨
VICI Team💜 Visible. Inclusive. Courageous.Impactful. VICI TEAM პროფესიონალები შენს მხარეს
💼 მხარდაჭერა | 🌍 ცნობიერება | 🏛️ განვითარება
Vici Team LLC არ იძლევა იურიდიულ კონსულტაციებს.📩 [email protected]
📞 929 664 1050📞 929 745 5218📞 646 702 0329
#ფრაიდი #თავისუფლება #ამერიკაში

06/10/2026

🏳️‍🌈 მზად ხარ შაბათისთვის?მცირე, მაგრამ მნიშვნელოვანი შეხსენება: ფრაიდზე მონაწილეობის რეგისტრაცია იხურება ხუთშაბათს, 6:00 PM-ზე.Pride-ის წესებიდან გამომდინარე, ჯგუფში დამატება აღარ იქნება შესაძლებელი. ჩვენი მონაწილეობა ოფიციალურად არის დარეგისტრირებული და მივყვებით ყველა ინტრუქციას.

⚠️ (ინფორმაცია კომენტარში) რეგისტრაციის გავლის შემდეგ მიიღებ ზუსტ ლოკაციას, დროსა და ყველა საჭირო ინფორმაციას. ასევე ღონისძიების ფარგლებში გვექნება Reflection Meeting, Pride-ის ისტორიისა და მნიშვნელობის განხილვა, გაიცემა მონაწილეობის სერტიფიკატი და შემდეგ ერთად შევუერთდებით Brooklyn Pride-ის მთავარ მსვლელობას.

🏳️‍🌈 ასევე გვინდა შეგახსენოთ, რომ LGBTQI+ მხოლოდ გეი და ლესბოსელი ადამიანები არ არიან. ეს არის ფართო და მრავალფეროვანი საზოგადოება, რომელიც აერთიანებს განსხვავებული გამოცდილების, იდენტობისა და ისტორიის მქონე ადამიანებს.და თუ LGBTQI+ თემის წევრი საერთოდ არ ხარ, მაგრამ გჯერა თანასწორობის, თავისუფლებისა და ადამიანების პატივისცემის, გელოდებით.
VICI TEAM პროფესიონალები შენს მხარეს
💼 მხარდაჭერა | 🌍 ცნობიერება | 🏛️ განვითარება
Vici Team LLC არ იძლევა იურიდიულ კონსულტაციებს.📩 [email protected]
📞 929 664 1050📞 929 745 5218📞 646 702 0329
#ფრაიდი #თავისუფლება #ამერიკაში

06/04/2026

🙌🏳️‍🌈🇬🇪🇺🇸ამაზე ჩვენ დიდი ხანია ვწერდით…
როგორც ხედავთ, ბოლო პერიოდში აღარავის ვთხოვთ Pride-ში მონაწილეობას. აღარავის ვუხსნით, რატომ არის მნიშვნელოვანი ხილვადობა, ღირსება, თავისუფლება და საკუთარი თავის მიღება.საბედნიეროდ, დადგა დრო, როცა ვერავინ იბრძოლებს თქვენი თავისუფლებისთვის თქვენს ნაცვლად.ეს თქვენი არჩევანია.

და ყველა არჩევანს თავისი ფასი აქვს.

ფასი აქვს დუმილსაც და თავისუფლებასაც.

🏳️‍🌈ჩვენ ბევრჯერ ავხსენით, რა არის Pride და რატომ აქვს მნიშვნელობა LGBTQI+ ადამიანებისთვის შექმნილ სივრცეებს, ღონისძიებებსა და საზოგადოებრივ ჩართულობას.

13 ივნისს, Brooklyn Pride-ის დღეს, სანამ ოფიციალურ Pride-ს შევუერთდებით, 17 მაისის რეფლექსიასთან ერთად მოგიყვებით Stonewall-ის აჯანყების ისტორიას, რომელმაც მსოფლიო LGBTQI+ ისტორია შეცვალა.

დიახ, ეს ყველაფერი ნიუ იორკიდან დაიწყო.

მოგიყვებით ადამიანებზე, რომლებიც კარგავდნენ სამსახურს, მეგობრებს, სახლს, უსაფრთხოებას და ზოგჯერ სიცოცხლესაც კი, თუმცა საკუთარ ფერებს არ მალავდნენ.

🙌არ გეგონოთ, რომ ნიუ იორკმა ეს თავისუფლება მარტივად მიიღო.

სწორედ ამიტომ არის Pride-ის თვე მნიშვნელოვანი მეტროს მემანქანისთვის, მასწავლებლისთვის, ექიმისთვის, მეხანძრისთვის, მოსამართლისთვის, ქალაქის საბჭოს წევრისთვის და იმ ათასობით ადამიანისთვის, ვინც იცის, რას ნიშნავს დისკრიმინაცია, შიში, დევნა და გადარჩენა.

🌈თუ ამ გამოცდილებას არ ეკუთვნი, შეიძლება ბოლომდე ვერასოდეს გაიგო მისი მნიშვნელობა.

და ეს ნორმალურია.

მაგრამ თუ დღეს ნიუ იორკში თავისუფლად ცხოვრობ, გახსოვდეს, რომ ვიღაცამ ამ თავისუფლებისთვის ძალიან მაღალი ფასი გადაიხადა.

🇺🇸🏳️‍🌈🗽დღეს გვქონდა ოფიციალური Pride-ის მოსამზადებელი შეხვედრა და მონაწილეობასთან დაკავშირებული დეტალები უკვე განსაზღვრულია.

ადგილები შეზღუდულია და მხოლოდ რამდენიმე ადგილი დარჩა.

გთხოვთ, ნუ განაწყენდებით, თუ თქვენი განაცხადის მიღებას ვეღარ შევძლებთ.

ეს არ იქნება ის ფორმატი, სადაც ადგილზე მოსვლა და დაუგეგმავად შემოერთება შესაძლებელი იქნება.Pride-ში მონაწილეობას აქვს თავისი წესები, პასუხისმგებლობა და წინასწარი ორგანიზება.ზუსტი მისამართი და შეხვედრის დეტალები მხოლოდ რეგისტრირებულ მონაწილეებს გაეგზავნებათ.

🏳️‍🌈📅 შეგახსენებთ შეხვედრის მიზანია, ქართულენოვან LGBTQI+ ადამიანებსა და მათ მხარდამჭერებს ჰქონდეთ უსაფრთხო, პატივისცემაზე დაფუძნებული, სოლიდარული მხარდაჭერის სივრცე —სადაც შევძლებთ ვისაუბროთ ხილვადობაზე, ღირსებაზე, ემოციურ გამძლეობაზე და იმ გზაზე, რომელიც ბევრმა ჩვენგანმა მარტო გამოიარა.

✊🇬🇪 რეფლექსიის შემდეგ ერთად,შევუერთდებით Brooklyn Pride-ის მთავარ პარადს.
🎓Reflection Meeting-ის ყველა მონაწილე მიიღებს მონაწილეობის სერთიფიკატს.

💵 მონაწილეობის საფასური: $100
გადახდა Zelle-ით:
📞 (929) 664-1050 · VICI Team LLC
🤝 ორგანიზატორები
Ertoba · ერთობა & VICI Team LLC · ვიცი
📩 [email protected]
📞 929 664 1050 · 929 745 5218 · 646 702 0329
⚠️ ადგილები შეზღუდულია. წინასწარი რეგისტრაცია აუცილებელია.წარმატებები ყველას! #ამერიკაში #არგვეშინია #არვიმალებით #გეიქეისი #ლგბტქ #საემიგრაციო #სამართალი #ფრაიდი #ჩვენარგვეშინია #ქართველიემიგრანტები