Հագուստ բոլորին/Clothes for all

16/12/2016

02/03/2016

Հարգելի՛ նվիրատուներ, գործընկերներ ու աջակիցներ,
շնորհակալություն հայտնելով բոլորիդ, տեղեկացնում ենք, որ Հագուստ բոլորին ծրագիրն այլևս ավարտված է ու մետաղական պահարանը տեղափոխվել է Սիրահարների այգու տարածքից…

Շնորհակալություն ու երախտագիտություն ենք հայտնում բոլորին, ովքեր աջակցեցին այս գաղափարը, սիրեցին ու մասնակցեցին ծրագրին ու խոսեցին ծրագրի մասին…

Մենք նախապատսարստում ենք ավելի փոքրիկ հաշվետվություն ծրագրի ընթացքի ու արդյունքների մասին, որը նույնպես կտեղադրենք սույն էջում…

Հատուկ շնորհակալություն Awesome Foundation Yerevan-ին և Boghossian Gardens-ին ծրագրի ողջ ընթացքում շարունակական աջակցություն ու խորհրդատվություն ցուցաբերելու համար։

19/02/2016

Հարգելի՛ նվիրատուներ, ևս մեկ անգամ շնորհակալություն ենք հայտնում Ձեր պատրաստակամության, աջակցության, բարին գործելու ցանկության համար: Ձեր նվիրաբերած հագուստը, կոշիկները, խաղալիքները անչափ անհրաժեշտ էին հայրուրավոր ընտանիքներին: «Հագուստ բոլորին» ծրագիրը մեծ հաջողություն ունեցավ, քանի որ թե՛ նվիրատուները և թե՛ նրանց նվիրած հագուստների կարիքն ունեցողների քանակը անչափ մեծ էր: Մյուս կողմից ցանկանում ենք շնորհակալություն հայտնել Պողոսյան պարտեզներ հիմնադրամին իրենց սրտացավ վերաբերմունքի ու աջակցության համար: Այժմ բոլոր նվիատուներին ցանկանում եմ հայտնել, որ պահարանը Սիրահարների այգում կմնա մինչ փետրվարի 26-ը:

13/10/2015

17/09/2015

Սիրելի նվիրատուներ, «Հագուստ բոլորին» ծրագիրը ընդլայնել է իր աշխարհագրությունն ու մեծացրել կարիքավորների շրջանակը. այժմ Ձեր տրամադրած հագուտով մենք ոչ միայն օգնում ենք Տավուշի մարզի անապահով ընտանիքներին, այլև, համագործակցելով Եղեգնաձորի «Youth bank» -ի և Եղեգնաձորի ՔԵ Կենտրոնի « Պահանջատեր հասարակություն» երիտասարդների հետ, աջակցում ենք Վայոց Ձորի կարիքավոր ընտանիքներին: Այս ամենի հետ համատեղ մենք համագործակցում ենք նաև Women's Support Center - Yerevan, Armenia - ի հետ և Ձեր նվիրաբերած հագուստով օգնում բռնության ենթարկված կանանց:

06/09/2015

05/09/2015

Մեր փոքրիկ շահառուները նույնպես գոհ են հեռանում, նրանց բոլորին էլ մի քանի խաղալիք է բաժին հասնում

05/09/2015

Մեզ հասցեագրված նամակները

30/08/2015

Այս անգամ մեր գրասենյակ էին եկել Հաղարծին գյուղի բնակիչներ, ովքեր բերել էին փաստաթղթեր, որոնք վկայում էին իրենց՝ համակարգում գրանցված լինելու և ընտանիքում հաշմանդամների առակայության փաստը: Նշեմ միայն, որ ես փաստաթղթեր չեմ պահանջում, քանի որ ինքս ունեմ ցուցակներ, որտեղ նշված են ծայրահեղ անապահով ընտանիքներն իրենց կոորդինատներով:

23/08/2015

Սիրելի Նվիրատուներ, հագուստը փաթեթավորեք, հետո միայն գցեք պահարանի մեջ: Առանձին հագուստը շատ դժվար է մեկիկ-մեկիկ հանել պահարանից: Շնորհակալություն...

22/08/2015

Հագուստի հանձման նախնական սցենարը կտրուկ փոխվեց, երբ անապահով ընտանիքի անդամները մեր՝ ըստ տարիքային և սեռային պատկանելիության տեսակավորած հագուստը որոշեցին կրկին ընտրության ենթարկել, արդյունքում ամբողջ գործընթացը քաոսի վերածվեց