02/11/2020
Օծանելիքը անտեսանելի, բայց կարևոր «զարդ» է: Առանց դրա, տեսքը կարծես ամբողջական չէ: Իվ Սեն Լորանն ասել է. «Նույնիսկ ամենից նրբաճաշակ հագուստը ունի առնվազն մեկ կաթիլ օծանելիքի կարիք»: Օծանելիքը նման է այցեքարտի: Եթե դուք օգտագործում եք նույն բույրը, ապա շուտով Ձեզ կճանաչեն դրանով և կկապեն դրա հետ: Եթե ցանկանում եք, որ սիրած բույրը օրվա ընթացքում հնարավորինս երկար ուղեկցի ձեզ, ապա կարող եք կիրառել հետևյալ հնարքները:
🌸Բուրմունքի ընտրությունը
Կարևոր է հասկանալ, որ օծանելիքները տարբեր են: Դրանք տարբերվում է ոչ միայն ապրանքանիշով, այլև օծման յուղերի խտության աստիճանով: Կախված բույրի ինտենսիվությունից և կայունությունից առանձնացվում են հետևյալ տեսակները՝ օծանելիքներ, օծանելիքի ջուր, հարդարաջուր, օդեկոլոն և այլ օծանելիքների միջոցներ:
🌸Օծանելիք (Parfum) -ը օծանելիքի առավել խտացված, կայուն և թանկարժեք տեսակ է: Նրա մեջ բուրավետ նյութերի բաղադրությունը 20-30% է: Օծանելիքներն ունեն արտահայտված հիմնական, հանգուցային նոտաներ: Խորհուրդ է տրվում օգտագործել ձմռանը և երեկոյան ժամերին:
🌸Օծանելիքի ջուրը (Eau de Parfum) ավելի պարզ օծանելիք է՝ վառ արտահայտված միջին նոտաներով, սակայն կայունությամբ գրեթե չի զիջում օծանելիքին: Օծանելիքի ջուրը երբեմն կոչվում է ցերեկային օծանելիք, քանի որ այն իդեալական է օրվա ընթացքում օգտագործելու համար: Բուրավետ նյութերի պարունակությունը 12-20% է:
🌸Հարդարաջուրը (Eau de Toilette) օծանելիքի թեթև տեսակ է, որի վերին նոտաները լավ են զգացվում: Հոտավետ նյութերը 8-ից 10% -են կազմում: Հարդարաջուրը համեմատաբար ավելի քիչ կայուն է: Բույրը զգալու համար պետք է այն օգտագործել օրական մի քանի անգամ:
🌸Օդեկոլոնը (Eau de Cologne) ամենաթույլ բուրմունքն է: Բուրավետ նյութերի բովանդակությունը կազմում է 3-8%: Այս օծանելիքն օգտագործում են հիմնականում տղամարդիկ:
🌸Հոտավետ նյութերի պարունակությունը անուշաբույր այլ միջոցներում (դեզոդորանտներ, լոսյոններ և այլն) 3% -ից պակաս է: Նրանց բուրմունքը հազիվ է զգացվում:
🌸Հոտի երկարատևության վրա ազդում է օծանելիքի փունջը: Մուսկատային, շիպրային և փայտային բույրերը ավելի կայուն են, քան թե ծաղկային, ցիտրուսային կամ ծովային բույրերը:
🌸Օծանելիքի ընտրության ժամանակ պետք է հաշվի առնել նրա տեսակը և բաղադրությունը:
🌸Օգտագործման կանոնները
🌸Հոտի կայունությունը կախված է նաև օծանելիքի օգտագործման ձևից, կամ ավելի ճիշտ նրանից, թե որտեղ և ինչպես է այն օգտագործվում:
🌸Մարմնի որ հատվածում պետք է ցանել օծանելիքը
🌸Երբ անկրկնելի Կոկո Շանելին հարցրեցին, թե որտեղ պետք է ցանել օծանելիքը, նա պատասխանեց. «Այնտեղ, ուր որ ուզում ես քեզ համբուրեն»:
🌸Իրականում օծանելիքը պետք է ցանել դաստակի վրա, ականջի հետևի հատվածում, արմունկի ծալվածքի վրա, պարանոցին և ծնկի ծալվածքի վրա:
🌸Սրանք, այսպես կոչված, զարկերակային կետերն են: Այս մասերում արյունատար անոթները մոտ են մաշկին և այդ մասերում ջերմաստիճանը փոքր-ինչ բարձր է: Այս ամենը նպաստում է բուրմունքների արտահայտմանն ու տարածմանը:
🌸Ուշադրություն, խոսքը վերաբերվում է միայն օծանելիքներին: Դրանք որպես կանոն թողարկվում են սրվակներում, որոնք խցանի վրա ունեն ապակե ձողիկ: Ի դեպ, օծանելիքը պետք է ցանել այդ ձողիկի միջոցով, այլ ոչ թե մատների բարձիկներով: Անուշ բուրելու համար յուրաքանչյուր կետի համար պետք է ընդամենը մեկ կաթիլ օծանելիք:
🌸Օծանելիքի ջուրը և հարդարաջուրը սովորաբար վաճառվում են աերոզոլների տեսքով: Եթե դուք օգտագործում եք դրանք, ապա պարզապես ցանեք դրանք ձեր դիմաց և կանգնեք բուրմունքի «ամպի» տակ: Ջուրը ավելի պակաս խտություն ունի, ուստի գործողությունը կարելի է կրկնել մի քանի անգամ:
🌸Ինչպես ցանել օծանելիքը
Մարդկանց մեծամասնությունը օծանելիքը ցանում է ամենավերջում, երբ արդեն հագնված է, կամ նույնիսկ տնից դուրս գալուց առաջ: Ցավոք, բուրմունքն այդպես երկար չի մնա: Հագուստը լավ է կլանում հոտը, բայց վատ է վերադարձնում: Ընդ որում ոչ միայն օծանելիքը, այլ նաև շրջապատի բոլոր հոտերը: Բացի այդ, եթե դուք ցանեք օծանելիքը հագուստի վրա, հատկապես բաց գույն ունեցող հագուստի վրա, վտանգ կա, որ նրա վրա կմնան հետքեր և բծեր:
🌸Օգտագործեք օծանելիքն անմիջապես ցնցուղից կամ լոգանքից հետո: Մաքուր, տաք մաշկը ներծծում է բուրմունքը ինչպես սպունգը՝ ջուրը: Միևնույն ժամանակ, մաշկի խոնավեցումը մեծ նշանակություն ունի: Եթե դուք ունեք ճարպոտ մաշկ, ապա անհանգստանալու կարիք չկա, բայց եթե Ձեր մաշկը չոր է կամ նորմալ, ապա մաշկը պետք է խոնավեցվի, որպեսզի օծանելիքը պահպանվի երկար ժամանակով:
🌸Այս նպատակների համար լավագույնն այն է, որ մարմնի լոսյոնն ընտրեք բումունքների նույն շարքից, ինչպես օծանելիքը: Շատ արտադրողներ օծանելիքի շարքը համալրում են միևնույն բույրի մի շարք խնամքի միջոցների արտադրանքներով: Այս պարագայում Ձեր օծանելիքը չի «հակասում» լոսյոնների կամ հակաքրտինքային միջոցների բույրերին: Եթե ձեր օծանելիքը չունի «ուղեկիցներ», ապա օգտագործեք առանց հոտի չեզոք միջոցներ:
🌸Եթե չեք հասցրել ցնցուղ ընդունել դուրս գալուց առաջ, ապա զարկերակային կետերին քսեք վազելին, և նոր միայն օծանելիքը ցանեք նրանց վրա: Նման հիմքը «կամրացնի» բուրմունքը և այն երկար կպահպանվի:
🌸Խոստովանեք, որ Դուք օծանելիքը ցանում եք Ձեր դաստակների վրա և շփում դրանք միմյանց: Դա սխալ է: Ցանկացած բուրմունք բազմաշերտ է: Նախ բացահայտվում են վերին նոտաները (բառացիորեն առաջին 5-15 րոպեների ընթացքում), ապա սկսում են «հնչել» միջին և վերջում բազային նոտաները: Եթե դաստակները շփեք, այդ գործընթացը կկոտրվի և բույրը կկորցնի իր անհատականությունը: Այնպես որ, պարզապես թողեք, որպեսզի օծանելիքը չորանա:
🥰Մի քանի այլ հնարքներ
Եզրափակելով, նշենք ևս մի քանի հնարքներ, որոնք թույլ կտան Ձեզ զգալ և նվիրել Ձեր սիրած բույրը շրջապատին առավելագույն տևողությամբ:
Մի կաթիլ օծանելիք կամ օծանելիքի ջուր ցանեք սանրի վրա և սանրվեք: Մազերը հիանալի կերպով պահպանում են օծանելիքի բույերը. Գլխի յուրաքանչյուր պտույտից հետո կզագցվի հաճելի բուրմունք:
Խոնավացրեք բամբակյա սկավառակը Ձեր սիրած օծանելիքով և դրեք այն Ձեր պայուսակի մեջ կամ գրպանում: Սա կուժեղացնի բուրմունքը և կստեղծի անուշահոտ աուրա ոչ միայն Ձեր, այլ նաև Ձեր իրերի շուրջը:
Օծանելիքը ճիշտ պահպանեք: Հետևեք պիտանելիության ժամկետին և մի թողեք այն լոգարանում: Այնտեղ չափազանց տաք է և խոնավ: Ավելի լավ է պահել օծանելիքը տուփի մեջ, որում գնել եք, այդպես այն կպաշտպանեք արևի լույսից:
Օծանելիքը նման է մոմի լուսարձակմանը, այն կարող է պարուրել Ձեզ և Ձեր կերպարին հաղորդել կախարդանք: Սակայն բույրերը խորամանկ են: Եթե դուք օգտագործում եք նույն օծանելիքը երկար ժամանակ, Ձեր հոտառությունը կարող է ընտելանալ նրան և Ձեզ կսկսի թվալ, թե յուրաքանչյուր նոր շշի բուրմունքն ավելի ու ավելի պակաս կայուն է դառնում: Միևնույն ժամանակ, պետք չէ մոռանալ, որ եթե օծանելիքը համապատասխանում է Ձեզ, ապա Դուք այն չեք զգում: Իսկ եթե Դուք «լսում եք» օծանելիքը, ապա դա Ձեզ համար չէ, կամ դուք չափից շատ եք ցանել այն: Այս դեպքում անհարմար կլինի ոչ միայն Ձեր, այլև ուրիշների համար:
🤗🤩
