04/06/2021
UBUKUMI NI IKI?
Ubukumi ni igihe c’agaciro kanini mu buzima bw’umukobwa, ariko umukobwa atihaye agaciro mugihe c’ubukumi bwiwe agereranywa n’akazu ka sugumwe rusangi kuko uwo ari we wese afise umusonga akagira n’ubushobozi bwo kuriha araza akinjira agasigayo umwanda unuka.
Ubukumi bugereranywa n’infungurwa ziteguwe neza zigashirwa mw’isorori nziza zigafundikirwa iyo bish*tse abarengana bose bakaza bagafundurura umwe wese agashiramwo ikiyiko akigendera uwuzozifungura ubwanyuma azosanga zamaze kugasha.
Twobugereranya
kandi n’imbombo ya jojo : uwuyikuye muri karya gapapuro arumva ko ifise uburyohe akiyirya. Ariko haheze umwanya akiyirya irashika igihe ita uburyohe bwose agaheza akayicira. Ibaze nawe umuntu yorya jojo uwundi yaciye, yoyisangana uburyohe ?
Ibaze nawe: NINDE YIPFUZA GUFUNGURA IBIGASHE, IVYATAYE UBURYOHE ?
Agaciro umwigeme yihaye mugihe c’ubukumi bwiwe ntaco yokagereranya mugihe c’ubuzima bwiwe bwose.
Umuhungu iyo akundana n’abakobwa benshi usanga bamutera amashurwe ngo arahambaye, n’umunyamayeri canke ngo n’umuhinga mukuresha ariko umukobwa iyo akundanye n’abahungu benshi bamwita imaraya
Ibaze nawe: NINDE MUHUNGU YIPFUZA KUBANA N’IMARAYA?
Mwigeme mugihe c’ubukumi bwawe ubaha ico uri co wongere wubahe n’umubiri wawe ureke kuwumara uburyohe. Kwambara impuzu zitaguhesha agaciro ni kimwe mubigukwegera iyo ngeso.
Mwigeme ibaze uko wokwiyumva mugihe bokubwira ko mama wawe yahora ari imaraya hama nawe nimba udashobora kwiyubaha utume wubaha uruvyaro rwawe ruzoza kuko iyo niyonzira yonyene yogukingira urunganwe ruzoza izo ngeso mbi.
Ncuti murantunge nimba haraho noba nakoresheje imvugo ndenza rugero kuko intumbero yanje si iyo gutyoza abigeme ahubwo niyo kubahanura abo bishobokera bagahinduka.
Nagira nsabe kandi abo izi mpanuro zigirira ikimazi ntibareke kubigaragaza muri commentaire kuko biradutera intege zo kubandanya twandika.
