Soft & Chic

18/01/2026

16/01/2026

القطعة الثانية فستان أكارو أحمر بتفاصيل مميزة و تبطين بالكامل♥️

الفستان الي في الصورة يلبس 6سنوات جاهز للبيع
المهتمة تتواصل معي عبر الخاص نعطيها القياسات تاعه

❌بخصوص طلبيات العيد مانيش نحكم نخيط الطلبيات السابقة الي مازالو عندي وفقط شكرا على التفهم

15/01/2026

وبعد فترة من الانقطاع عن النشر(لأسباب الضغط في الطلبيات و أخرى شخصية)
رجعتلكم بهاد التُحفة الي عندي مدة ملي خدمتو وماصورتوش
تفاصيل مميزة و تبطين بالكامل💙

الفستان الي في الصورة يلبس 6سنوات جاهز للبيع
المهتمة تتواصل معي عبر الخاص نعطيها القياسات تاعه

❌بخصوص طلبيات العيد مانيش نحكم نخيط الطلبيات السابقة الي مازالو عندي وفقط شكرا على التفهم

09/11/2025

الأمهات الجميلات 💕
وأنا نحضّر لأفكار فساتين العيد، حبيت نسقسيكم ونتبادل الآراء شوي 🌸

كيفاه تتخيلو فستان العيد لبنوتتكم هاد العام؟
تحبّوه بالدانتيلات ولمسة فيكتورية فيها نفخة؟
ولا ستايل شيك، راقي وخفيف يناسب الحركة و مريح أكثر؟ ✨

وبما أنّ الجو راح يكون فيه شوية برد، واش هي الأقمشة اللي تشوفوها مناسبة أكثر؟
مخمل؟ دان جابوناز ؟ ولا بوتشامو…

أعطوني افكاركم كأمهات وزيد فتحت خاصية الصور في التعليقات 📸
تقدرو تشاركونا الألوان أو الموديلات اللي تعجبكم أكثر،
باش نستلهم من أذواقكم الجميلة 💖

08/11/2025

✨ فستان خاص بطلبية زبونة راقية

🍒 تصميم ناعم بلون أحمر بوردو من قماش البوتشامو تويل الفخم، مبطن كامل باش يعطيه شكل أنيق ومريح، مزين بياقة بيضاء وأزرار من اللؤلؤ، ومع أكمام مكشكشة زادتو لمسة طفولية راقية 🤍

صراحة كي كملته قلت بيني وبين نفسي: "واش هاذ الجمال الهادي , بسيط لكن يسرّ العين" وانتوما واش جا في بالكم كي شفتوه ؟

06/11/2025

🌷 مرات نحسو بالفرحة في تفاصيل صغيرة…
من مدة وانا نحوس على ياقات بيضاء فينتاج، قطعة بسيطة لكن فيها روح الماضي ولمسة من الأناقة

كانت غايبة على السوق الجزائري ، وكنت كل مرة نقول “ان شاء الله يجي نهار ونلقاها ” ✨
واليوم الحمد لله لقيتها 😍

وفرتهالنا صفحة ALMAS BATNA
بإلإضافة إلى ياقات فاخرة جاهزة

حسّيت كيما اللي لقا آخر تفصيلة تكمل الحلم
استناو الجمال الجاي، جاية تصاميم ناعمة، من القلب وإليه 💕

05/11/2025

تشفاو الفستان اللي شاركت صورتو آخر مرة؟ شوفو معايا الطريقة خطورة بخطوة
تشوفوه بسيط هكا😅 بصح كي تبدي تخدميه تلقاي فيه شحال من مرحلة صغيرة

‏

05/11/2025

🧵✨ بزاف ناس كي يشوفو القماش المخطط ولا الأكارو ، على طول يجي فبالهم “آه هذا تاع مناديل المطبخ ولا مئزر المدرسة 😅"
بصح الحقيقة؟ راه يقدر يولي "تحفة" كي يتخاط بطريقة أنيقة
تقدري طلعي بيه فستان بنّوتة ناعم، فيه لمسة فرنسية، براءة وأناقة في نفس الوقت

تصوري فستان شتوي بسيط بالأكارو مع شرائط مخمليّة وياقة بيضاء😍

في “Soft & Chic” نحب نبدلو النظرة الكلاسيكية للأقمشة و نصنعو منها شيء أنيق و مميز* 😍

📸 استني الموديل الجديد بالقماش هذا، رايح يغيّر نظرتك ليه

09/10/2025

ألطف فستان لفصل الخريف😍🍁🍂

طلبية تاع زبونة من قماش الكراب باربي مبطن بالكامل مع ياقة وفيونكة مخمل وتنورة بكسرات
نحطلكم صورة الموديل الأصلي في التعليقات
خلولي رايكم ❤️

السعر :3800 دج

🌷softandchicbrand

08/10/2025

صباح الخير غالياتي
الكواليس الأقرب لقلبي❤️
العودة إلى الإبداع 😍
واش رايكم قولولي تحبو نشارككم فيديو تطبيق هاذ الفستان؟

04/10/2025

صباح البدايات الجديدة
قريبا العودة للنشر ان شاء الله ❤️
دعواتكم🕊️

31/07/2025

"يا رب أيام رحبة كلّها خير"🌱

جيتكم بعد مدة من فقدان الشغف للمهنة والتصوير والنشر 😩(نحتاج تشجيعكم للعودة)

فستان سامبل طفولي طلبية زبونتي الوفية من قماش الكوتون غازي الغني عن التعريف شفتوه شحال أنيق ؟🥹

ان شاء الله راح نحاول نولي أقوى من قبل وراني نحضرلكم مفاجآت عن قريب ان شاء الله😍

‏