𝐇𝐚𝐟𝐬𝐚 𝐜𝐨𝐥𝐥𝐞𝐜𝐭𝐢𝐨𝐧

23/06/2026

كاين خلل فالفيسبوك؟

22/06/2026

باذن الله تعالى رح ندير حاجة بزاف بزاف بزاف مفيدة منظنش كاينة وحدة مراحش تعجبها، حتى اللي ميحبونيش رح يحبوها باذن الله، فكرة فريدة جدا من نوعها في بلادنا ، في رايكم وش هي؟
(الفكرة للنساء فقط)
هيا جربو برك في رايكم وش هي؟ اللي تقدر تخمن عندها فليكسي 50الف😁

22/06/2026

فرض فجائي، لماذا لا يُعتبر هذا اللباس شرعيا رغم أنه فضفاض ؟
ووش نقدرو نعدلو فيه بش يولي شرعي؟

22/06/2026

📝كاينة قاعدة بسيطة لازم تعرفها كل مسلمة :
(الحجاب الشرعي ليس له شكل معين لكن له شروط محددة لابد من توفرها ليكون شرعيّا يرضي الله)
بمعنى : 👇🏿
📝 كل من تبتغي لباسا شرعياّ سواءا كان جلباباّ أو عباءة لابد أن تحرص على تحقيق جميع شروطه الكاملة وإلا خرج لباسها عن المقصود مهما كان نوعه ومهما كان اسمه.
📝كيفاش؟ :
✔️ كاين اللي تلبس عباءة كتف، فنحكم عليه أنه لباس شرعي وكاين اللي تلبس نفس عباءة الكتف لكن واضح أنه ليس شرعيا لأن المشكلة ليست في عباءة الكتف في حد ذاتها ، وانما هل حققت الستر الكامل و الكافي؟
،بالعامية اسكو اللي زدتيه معاها من فوق مفصلك ولا لا؟ وهل هذا اللباس حققلك الستر أم لا؟
مثلا خمار صغير أو شال ملفوف على الاكتاف والصدر مستحيل يحقق الستر الكامل كيما كون تلبسيها مع إسدال أو خمار مربع وفوقه ستار عريض وطويل وساتر للصدر والاكتاف وباقي الجسد ، وانت ادرى بنفسك وبالبنية الجسدية ديالك وما يناسبها، طبعا هذا لمن كانت تسعى فعلا الى مرضاة الله قبل وبعد اي شيء،أما اللي تتبع غير فواش ترتاح وواش ره ترند هذيك حاجة اخرى.

✔️في نفس الوقت كاين اللي تلبس جلباب قطعة واحدة مثلا ولا تلبس ستار وبنيتها الجسدية تبقى بارزة من فوق الجلباب، منطقة الصدر والاكتاف تبقى غير مستورة حتى وتكون الفصالة شرعية، فهذ الحالة الجلباب لا يحقق لها الستر فكان لزاما عليها أن تبحث عن ما يسترها أتم الستر سواءا كان عباءة كتف بإسدال او موديلات شرعية اخرى من موديلات الجلابيب مثل حجاب واسدال مربع أو فراشة شرعي، جلباب قطعتين مربع. جلباب قطعتين فراشة.عباءة رأس .خمار ونقاب وفوقه خمار كويتي،... وكاين اللي تلبس جلباب قطعة واحدة ويسترها تماما ويناسبها تلبسو عادي.
✅ فالعبرة اذن بما يحقق الستر. لكن ملازمش يكون هذ الكلام مجرد كلام ونتهاونو حتى يروح الحجاب الشرعي ويندثر حتى مسمى نلبس اللي نرتاح فيه المهم واسع لأن مفهوم الواسع عندنا يختلف، كاين اللي تقلك راني لابسة واسع و مستور وهي كي تشوفي فيها تلقايه لاصق عليها. والله المستعان

21/06/2026

من أفخم ما يمكن أن ترتديه المسلمة الحريصة على سترها «الستار الملكي»
✔️حنين
✔️بارد
✔️قماشه من افخم أقمشة الليزر
✔️تتنفسي بسهولة
✔️عملاق يعني ساتر
✔️فضفاض
✔️فيه تندة عملية
✔️ نقابو طويل وساتر
✔️يستر الذراعين
✔️فيه ازرار تساعدك تلبسيه حتى مع عباءة او حجاب
✔️ميديرش قرون
✔️قوة
✔️تحفة
✔️يهبل
✅اشريه على ضمانتي♡ هذا خاص غير بالفئة اللي تحب الستر تاع الصح مشي نص نص.

21/06/2026

اغلب الاخوات اللي علقو فالمنشور السابق كي سقسيت على ظاهرة استبدال الاخوات للجلباب بعباءة كتف ونقاب وخمار قالو العباءة خير مالجلباب و كي تتلبس العباءة مع الخمار والنقاب رح تحقق الشروط الشرعية. طبعاً من الناحية العملية عندكم حق العباءة مريحة خير مالجلباب لكن جوابكم عام ويقدر يفهم خطأ ، لازم نحددو كيفاش لازم تتلبس بش تولي شرعية.
✔️ لاحظو الصور هذو ((عباءة كتف وخمار ونقاب)) وهذو اللي سقسيتكم عليهم، شفتوهم كيفاش يجو 👇🏿
هل هذا يحقق الشروط الشرعية للستر حقيقة؟
👀 شوفو مليح في منطقة الكتفين راهي مفصلة تفصيل عكس الجلباب اللي صح يوجع احيانا فالراس بصح ميفصلش الكتفين خاصة كي يتلبس مع ستار ..
✔️صح الحجاب الشرعي ليس له شكل معين ولكن له مواصفات شرعية واضحة ومن ضمنها« أن لا يصف حجم الاعضاء ومعالم الجسد.» هل هذا متحقق في الصور؟ لا معنتها لازم اضافات اخرى مالفوق بش يتحقق الستر فيها.

وهنا نديرو مقارنة بسيطة بين ماهو في الصور وبين الجلباب الشرعي الساتر والمفصل بطريقة شرعية :
«اللي تلبس جلباب شرعي حقيقة ماتعرفيهاش عجوزة ماتعرفيها صغيرة ماتعرفيها رقيقة ولا سمينة خاصة اللي تلبس فوقو ستار وذلك من كثرة ماهو فضفاض ويخفي اي زينة ». لكن اللي تلبس العباءة بهذ الشكل راهي تبان حتى لاطاي تاعها غير من تحجيم كتافها!! فكيف لها ان تستوفي الشروط الشرعية اذا تلبست بهذ الطريقة؟ خاصة كاين اللي تكون سمينة .
✔️نرجعو الآن للعباءة في حد ذاتها 👇🏿
✅« المشكل مهوش في عباءة الكتف في حد ذاتها وانما راهو معامن تتلبس مالفوق بش تكون شرعية تستوفي جميع الشروط.»
✅ اذا تلبست مع اسدال طويل وساتر لا يصف جسدك اكيد رح تكون العباءة هنا ساترة مثلها مثل الجلباب ومريحة مالفوق.
✅ كذلك الحال لو لبست خمار وزدتي ستااار عريض وطويل أو مقفول ويبقى فضفاض فهو شرعي بصح بشرط يبقى فضفاض على جميع الاحوال مشي تجي نسمة خفيفة الستار يرجع اللور ويبقى الخمار لافّك.
❌ أما بش تلبسوها بخمار كيما فالصور ملفوف على الجسد لفّ يفصل تماماً وفوقو نقاب، مستحيل تحقق الستر المطلوب للمسلمة .
✔️أنا عن نفسي كنت أفضل ألم الرأس على أني نغلف نفسي بما هو موضح في الصور. واليوم حتى كي نلبس عباءة كتف احيانا ضروري نلبس فوقها ما يسترني بنفس ستر الجلباب وإلا مستحيل نلبسها بالطريقة هاذي.. نسأل الله الثبات.
واسألوا اهل الذكر إن كنتم لا تعلمون.

21/06/2026

وش رايكم في ظاهرة استغناء أغلب الأخوات عن الجلباب بأنواعه واستبداله بعباءة كتف وخمار ونقاب؟
هل هذا البديل يحقق جميع شروط اللباس الشرعي؟

20/06/2026

العودة إلى الهدايا الجميلة ♡ ،الستار اللي فالصورة هدية لوحدة فيكم (ستار متوسط مروحتين سواءا هذا أو بني اختياري ) 🫀🎁
✔️بما أني نبعث الطلبيات كل سبت ، رح يكون عندنا فائزة منكم كل سبت بمنتج من منتجاتي إذا وفقنا الله عز وجل، واللي زعفتو عليا كي منديرش منشورات علنية على اللي نخيرهم يربحو من صفحتي مايكون غير خاطركم منا وجاي كل جمعة كاين منشور فائزة.
📝 بالنسبة للاخت اللي كانت تشارك بزاف منشوراتنا فليقروب ردي عليا فالخاص فضلا راني راسلتك من حسابي الشخصي 4مرات ومقدرتش نبعثلك مالصفحة😓

📜 خلونا فوائد شرعية وأذكار يستفيد منها المارة واحتسبن الاجر بش تكون صدقة جارية عليكن@أبرز المعجبين

20/06/2026

نصيحة للنساء

20/06/2026