16/10/2026
كاين نوعية تدخل للاباج، تسقسي على مودال، تتفرج فيه مليح، وكي تسمع السعر تقولك: «واش خدمتيه بذهب؟» 🙄
حبيبتي، لا ما خدمتوش بذهب، بصح حتى خدمتي ماشي ببلاش! 🤌🏻🧵
ورا هاد المودال كاين قماش، خيط، قياس، قص، خياطة، تصحيح، تعب وسوايع خدمة… وكاين إنسانة تعبت بعينيها ويديها باش تخرجلك حاجة تشرفها وتشرفك.
ماشي كي تشوفي المودال واجد تحسبيه جا وحدو! 😏
والله ماشي المشكل تقولي السعر غالي عليك، كل واحد وقدرتو، بصح المشكل كي تحاولي تنقصي من قيمة تعب إنسانة بكلمة استهزاء!
لي ما يناسبهاش السعر، بكل احترام ربي يسهل عليها، بصح لي ما تعرفش قيمة الصنعة، ما عندهاش الحق تحقر تعب الناس.
الخياطة حرفة، ماشي صدقة! والتعب عندو حق، واليد لي تخدم تستاهل التقدير. ✂️❤️
