01/02/2024
من أقوال إحدى الخياطات
سلام عليكم و رحمة الله و بركاته حابة نطرق لوحد الموضوع و حابة نوضح فيه بعض النقاط للبنات و للنساء و للحراير : 1/ثمن خياطة الخياطة لحاجة و تعبها عليه هو حقها ماهيش محتومة انها تنقصلك من ثمن تعبها لانك انت الكتان غالي و السلعة غالية لازم الخياطة تنقص باش يبلس السعب لانو كيما مول القماش فاتح يسترزق و مول السلعة الحرج و العقاش يسترزق هي ايضا تسترزق 2/ مودال سامبل ماشي ماعنه مودال ما فيهش العقاش فقط كاين دي مودال ما فيهمش لا عقاش لا حرج لكن صعاب في لخياطة مالڨري يبان سامبل لكن ماهوش و كون ما تتقنوش الخياطة يبانو فيه الديفوات 3/ الخياطة لا تحقق الاحلام هي مجرد خياطة الوغ كي يكون لاطاي تاعك مربع و تقولك الخياطة ختي ما تخرجش عليك دي الروبة ولا ذا المودال ما تقوليلهاش لالا ديريه و خرجيهولي لانو جسم عارضة الازياء لي تجيبيلها لافوطو تاعها موش كيما جسمك 4/ كي توري للخياطة مودال و تقولك يهز ثلاث ميطرات و نص ما تقوليلهاش ديريه غير بزوج و نص اقتاصدي لانو هذا ماشي ملح راح تنقصيه في طبخة هاذا كتان وكل مودال و كفايتو 5/ قبل ما تقولو الخياطات يغليو اتفكرو بلي اللخر في لعباد في الجزاير راه يخلص تيريسيتي غالي و خلي تعب انها ترسملك باطرو على جالك و كاين لي تخلي ولادها و كاين لي تفوت غداها و كاين لي تفوت عرس ما تروحوش الوغ كون ما جاتش محتومة تسترزق ما تخيطش في الاخير اختي و امي و صديقتي ما تاكلوش عرق الناس لانو يبانلكم في دنيا بلي حشيتيهالها و خيطتلك رخيس و ما غلاتش عليك و هي في قلبها ما سمحتلكش غدوة عند ربي تتحاسبو
