Ms couture

Ms couture نقدم خدمة الخياطة
لا قيمة للعمل السهل الغير متقن
🦋أثر الفراشة لايرى أثر لا يزول 🌱
متوقفة عن العمل حاليا

🧵 قماش المولتون | Molletonكثير نخيطو تصميم مليح ✂️لكن النتيجة ما تكونش كيما تمنّينا ❌والسبب غالبا: القماش ما يناسبش الاس...
14/01/2026

🧵 قماش المولتون | Molleton
كثير نخيطو تصميم مليح ✂️
لكن النتيجة ما تكونش كيما تمنّينا ❌
والسبب غالبا: القماش ما يناسبش الاستعمال
اليوم نحكيو على قماش شتوي عملي وسهل 👇
🔹 المولتون
قماش شتوي ناعم، دافئ، ومريح
يستعمل في:
✔️ بيجامات شتوية
✔️ ملابس منزلية
✔️ أطقم رياضية
✔️ ملابس أطفال
✨ مزاياه
دافئ ومريح
سهل الخياطة
مناسب للمبتدئات
ممتاز للأطفال
سعره معقول
⚠️ عيوبه
بعض الأنواع توبر
ما يصلحش للملابس الرسمية
الجودة الرديئة تهبط مع الغسيل
✂️ كيفاش نخيطو المولتون؟
غسل القماش قبل القص
غرزة مستقيمة عادية
طول غرزة متوسط
إبرة عادية
كيّ بحرارة متوسطة من الجهة الملساء
🧠 نصيحة ✔️ أفضل اختيار للتعلّم
✔️ ممتاز لملابس الأطفال
❌ ما يناسبش التصاميم الضيقة أو الأنيقة بزاف
تحبو نكملو: 🔹 أقمشة شتوية أخرى

🦋 Ms Couture – أثر الفراشة لا يزول
#الخياطة










🧵 قماش الكاشمير | Cachemireكثير منا يتحمّس للتصميم ✂️لكن النتيجة ما تطلعش كيما حابين ❌والسبب غالبًا: اختيار قماش ما يناس...
08/01/2026

🧵 قماش الكاشمير | Cachemire
كثير منا يتحمّس للتصميم ✂️
لكن النتيجة ما تطلعش كيما حابين ❌
والسبب غالبًا: اختيار قماش ما يناسبش التصميم
اليوم نحكيو على واحد من أشهر الأقمشة الشتوية 👇
🔹 الكاشمير
قماش شتوي دافئ، ناعم، وأنيق
يستعمل بزاف في: ✔️ المعاطف
✔️ الكابات
✔️ الفساتين الشتوية
✔️ السراويل الواسعة
✨ مزاياه
دافئ ومريح
يعطي شكل فخم
ما يشفش
مناسب للقصّات الكلاسيك
⚠️ عيوبه
بعض الأنواع توبّر
الحواف تتنسّل
الثقيل منه يتعب الماكينة
الرخيص يهبط شكله بسرعة
✂️ كيفاش نخيطو الكاشمير (مهم للمبتدئات)
✔️ قبل القص
خلي القماش يرتاح
قصّي بمقص حاد
ما تجرّيش القماش
✔️ أثناء الخياطة
غرزة مستقيمة عادية
طول غرزة متوسط
الخياطة ببطء
إبرة متوسطة أو سميكة شوية
✔️ الحواف
لازم تنظيف (سردلة أو ثنية مزدوجة)
لأنه يتنسّل
✔️ الكيّ
حرارة متوسطة
قطعة قماش فوقه
بلا ضغط قوي
🔍 كيف نعرفو الكاشمير المليح؟
ناعم وما يهرش
ما يطيّحش وبر بزاف
يرجع لشكله بعد العصر
وزنه متوازن
🧠 نصيحة خياطة ❌ ما يصلحش للتصاميم الضيقة بزاف
✅ يطلع رائع في القصّات الواسعة والبسيطة
نكمّلو بأقمشة شتوية أخرى خطوة بخطوة؟
قوليلي في التعليقات 👇
🦋 Ms Couture – أثر الفراشة لا يزول

🧵 قماش المخملVelours او القطيفة … كيفاش نتعاملو معاه؟المخمل واحد من أجمل الأقمشة الشتوية، ناعم وراقي، يعطي أي تصميم لمسة...
06/01/2026

🧵 قماش المخملVelours او القطيفة … كيفاش نتعاملو معاه؟
المخمل واحد من أجمل الأقمشة الشتوية، ناعم وراقي، يعطي أي تصميم لمسة فخامة
لكن، إذا ما تعرفناش عليه، يقدر يخيّب الخدمة ❌
🔹 واش هو المخمل؟
قماش ناعم وناصع
عندو وبرة (شعيرات) صغيرة تعكس الضوء
دافئ ومناسب للشتاء

🔹 استعمالاتو
✔ فساتين سهرة وملابس شتوية
✔ ملابس أطفال
✔ جاكيتات وصديريات
✔ ديكور (وسائد وبطانيات)

🔹 مزائه
✅ دافئ وناعم
✅ يعطي مظهر فاخر
✅ يلبس مريح
✅ مناسب للشتاء

🔹 عيوبه
❌ يظهر فيه أي خطأ في الخياطة
❌ يتزلق تحت الماكينة
❌ الوبرة تتغير إذا ما تحكّمش
❌ صعيب شوية للمبتدئات

🔹 أنواعه
Velours coton → ثقيل، شتوي
Velours polyester → أخف وأسهل
Velours stretch → فيه مطاط، يحتاج خبرة
Velours ras → قصير الوبرة، مناسب للمبتدئات
Velours panne → لمعان عالي، للسهرات
🔹 كيفاش نميّزو الجيد من الرديء؟
✔ لون يتغيّر طبيعي باليد
✔ يرجع لوضعه الأصلي بعد الشد
✔ الوبرة ما تتساقطش
✔ الإبرة ما تتركش أثر كبير
🔹 نصائح الخياطة
✂️ القص: دائماً مع اتجاه الوبرة، قطعة قطعة
🪡 الإبرة: عادية 80/12، لو stretch استعملي إبرة خاصة او الرجل الخاصة بالاقمشة المطاطية
🧵 الخياطة: غرزة مستقيمة، ببطء، ما تشديش القماش
🔥 الكي: من الخلف، مع قطعة قماش فوقه، بالبخار
🔹 نصيحة Ms couture للمبتدئات
ابدئي بمخمل الثقيل باش تتعلّمي بسهولة، وتجنبي الخفيف في البداية
💡 خلاصة:
المخمل يعطي نتائج راقية وفخمة، لكنه يحتاج صبر ودقة… لو فهمتيه صح، راح يخدمك في كل تصميم شتوي ✨🦋




🧵 قماش الفلانال… نفهموه ببساطة قبل ما نخيطو بيهكاين مشكل تتعرضلو بزاف خياطات 👇❌ نختارو قماش يعجبنا❌ نخيطو❌ والنتيجة ما ت...
05/01/2026

🧵 قماش الفلانال… نفهموه ببساطة قبل ما نخيطو بيه
كاين مشكل تتعرضلو بزاف خياطات 👇
❌ نختارو قماش يعجبنا
❌ نخيطو
❌ والنتيجة ما تجيش كيما حبينا
السبب؟
➡️ القماش ما يناسبش التصميم
➡️ أو ما عرفناش كيفاش نتعاملو معاه
اليوم نهدرو على الفلانال بطريقة بسيطة 👇
🔹 واش هو قماش الفلانال؟
فلانال = قماش دافئ ناعم فيه وبر خفيف
يستعمل بزاف في الشتاء وملابس الراحة
🔹 واش يستعمل فيه؟
✔ ملابس الأطفال
✔ بيجامات
✔ قمصان شتوية
✔ ملابس بيت

🔹 أنواع الفلانال (ببساطة)

1️⃣ فلانال قطني
✔ مريح
✔ ما يعرّقش
❌ ينكمش إذا ما تغسلش
➡️ الأفضل للأطفال

2️⃣ فلانال مخلوط (قطن + بوليستر)
✔ سهل الخياطة
✔ أقل مشاكل
➡️ مليح للمبتدئات

3️⃣ فلانال بوليستر
❌ يعرّق
❌ يتوبر
➡️ غير مفضّل

🔹 كيفاش نميزو الفلانال المليح؟
✔ نلمسوه: ناعم = مليح
✔ نشوفو الوبر: خفيف ومنتظم
✔ نثنيوه: يرجع كيما كان
✔ نغسلو قطعة صغيرة قبل القص
⚠️ الرخيص بزاف غالبا يخيب
🔹 كيفاش نخيطو الفلانال؟ (مهم للمبتدئات)
🪡 الإبرة: عادية أو متوسطة
🧵 الخيط: قطن أو بوليستر
✂️ القص: قصي على مهل (القماش يزلق شوية)
📏 الباترون: ما نضيقوش بزاف
🧺 مهم: الغسل قبل القص باش ما ينكمشش بعد

🔹 عيوب الفلانال ❌ ينكمش
❌ يطلع الوبر
❌ يتقل شوية في الخياطة

🔹 مزاياه
✔ دافئ
✔ مريح
✔ محبوب عند الأطفال
✔ يعطي قطعة مريحة وناعمة
🎯 الخلاصة مش كل قماش يصلح لكل تصميم
ومش كل فلانال نفس الجودة
لما نفهمو القماش: ✔ الخياطة تسهل
✔ النتيجة تفرح
✔ الزبونة ترجع 🦋
إذا حبيتو:
🔸 نكملوا بسلسلة أقمشة
🔸 كل مرة قماش
🔸 وبأسلوب سهل للمبتدئات
قولو لي في التعليقات 👇



#الفلانال

🎓🧵اليوم ...وأنا أقرأ منشورا لأستاذة معروفة في مجال التربية Abir Boumahammed عادت بي الذاكرة إلى أطروحتي التي أنجزتها قب...
01/07/2025

🎓🧵
اليوم ...وأنا أقرأ منشورا لأستاذة معروفة في مجال التربية Abir Boumahammed عادت بي الذاكرة إلى أطروحتي التي أنجزتها قبل خمس سنوات حول سيميولوجيا الألوان في الإعلان الموجه للأطفال.
تأملت كثيرا… كيف يمكن لخامة قماش أو رسمة شخصية كرتونية أن تؤثر في أعماق تفكير الطفل دون أن ننتبه؟

أكتب هذا اليوم كرسالة لكل أم:
🧒💭
ما يلبسه طفلك ليس مجرد قطعة قماش…
بل بيئة مرئية يومية
تتسلل إلى خياله
وتشكل تصوراته عن نفسه وعن العالم من حوله

🔸 الألوان الصاخبة والرسومات المزدحمة والشخصيات الكرتونية المتكررة
قد تشتت تركيز الطفل
وترسخ بداخله صورة نمطية عن الجمال القوة والسلوك
بل وتؤثر على قيمه:
الاجتماعية الأسرية الأخلاقية وحتى الدينية

☝️ وحتى إن لم يقلد هذه الشخصيات مباشرة فإنها تبقى حاضرة في ذهنه
كـ"مرجع صامت" يوجه ذوقه اختياراته ونظرته للأشياء

✂️ وكنت – بصراحة – كثيرا ما أدخل في نقاشات مع الأمهات اللي يجوني للخياطة ويطلبوا مني نختار لهم أقمشة مليئة بالألوان والرسومات لأن أطفال يحبوا هكذا....
نفس الشيء مع بناتي دايما يكون صراع بين واش يعجبهم و واش يخدمهم
لكن ديما نحب نقولهم:
"كل ما هو بسيط… جميل."

🎗️ لهذا أنصحك من قلبي
اختاري لطفلك الأقمشة الناعمة المتوازنة بصريا
اللي تريح باله وتغرس فيه ذوقا نقيّا وراحة نفسية حقيقية

🌿
خلي البساطة ترافق طفلك وتكون جزء من وعيه الجمالي

— Ms couture

🦋


21/06/2025

💎 فستان مستوحى من الأناقة السماوية 💎
حين تجتمع البساطة مع الفخامة… النتيجة تكون هكذا

🔹 هذا الفستان السماوي الراقي مستوحى من تصميم ناعم تم اختياره بعناية من طرف الزبونة،
وتم تنفيذ الخياطة بدقة وعناية في مشغل Ms couture، حيث التفاصيل تأخذ وقتها لتظهر كما يجب.

🔸 القماش: كريب جوليا الخفيف
🔸 الزينة: خطوط فضية براقة تزيد من أناقة القصة
🔸 لمسة الكشكشة النازلة من الكتف إلى الخصر… هي سر التميز في هذا الموديل

📌 التصميم منقول، لكن اللمسة والإنجاز من Ms couture
لأننا نُترجم الذوق إلى خياطة 💙

🧵
#خياطةجزائرية

19/06/2025

🚨 لحظة رعب عند الخيّاطة 😂🧵

كي تكوني تخدمي ، مركّزة، والدنيا زاهية…
وفجأة 👀 تكتشفي بلي الخيط تبدّل لونو من تحت!!
والفستان ولى فيه خياطة من لون آخر 😩

⏳ والكارثة الكبرى؟ تكوني في آخر لحظة، الوقت مش لصالحك، والزبونة راهي تستناك 😬

سؤال :

🔹 تخليه خاطيك من تحت وتهدري مع روحك: "ما يبانش، ربي يستر"؟ 😅
🔹 ولا تفكي وتولي تعمري الكانات وتخدمي وأنتي تقولي: "علاه يا دنيا؟ علاه؟" 😂

🎭 إحساسك وقتها؟ نوبة ضحك هستيرية؟ ولا تحسي روحك بطلة تراجيديا؟ 🤯

يلااا شاركوني هاذ اللحظة المجنونة 😜👇
#فضفضيلي

بسم الله توكلت على الله 🦋 "أثر الفراشة لا يزول"فستان من بين القطع اللي خيطتها في وقت كنت فيه شبه متوقفة عن الخياطة…التصو...
17/06/2025

بسم الله توكلت على الله

🦋 "أثر الفراشة لا يزول"

فستان من بين القطع اللي خيطتها في وقت كنت فيه شبه متوقفة عن الخياطة…
التصوير كان قليل، والجهد موزع بين البيت، الأطفال، والتعب… لكن بعض الزبونات الوفيات كانوا سبب رجوعي، ولو جزئيًا، للمقص والإبرة ✂️☘️

كاين لي جات لعندي للدار، وكاين لي منقدرش نرفض طلبها لأنها فعلاً تستاهل.
ورغم صعوبة الظروف، نخدم على قد ما نقدر ونشد عدد محدود، باش نضمن الجودة والتركيز… لأن الخياطة بالنسبة لي مش مجرد عمل، هي فن وأمانة.

🎀 الفستان في الصورة مثال بسيط على شغلي وقت ما نلقى الوقت والطاقة
خياطة بتفاصيل دقيقة، وبلمسة أنثوية ناعمة...
شكراً من القلب لكل وحدة فهمت وضعي، وصبرت، ودعمتني 💕🍀




#تصميمي



🦋هي لمسة من قلب أم "بين الوردي وLavender، تبقى أميرتك هي الأجمل" Ms Couture – أثر الفراشة لا يزول
16/06/2025

🦋هي لمسة من قلب أم
"بين الوردي وLavender، تبقى أميرتك هي الأجمل"

Ms Couture – أثر الفراشة لا يزول

🎭 من خياطة الفساتين... إلى خياطة الأعصاب! 😂الفترة لي فاتت؟ نقدر نسميها "موسم الضغط العالي"!كنت نحس روحي كي طنجرة على نار...
14/06/2025

🎭 من خياطة الفساتين... إلى خياطة الأعصاب! 😂

الفترة لي فاتت؟ نقدر نسميها "موسم الضغط العالي"!
كنت نحس روحي كي طنجرة على نار، بلا صفارة، وبلا فص ثوم 😅

🔹 شدّيت طلبيات بكل نية، بصح لقيت روحي داخلة في ماراطون خياطة بلا حذاء رياضي!
🔸 وحدة شدت الطلبية من العيد الكبير، والقماش حب يجي غير قبل العيد بسمانتيْن!
🔸 وحدة دارت الطلبية واختفت كي الشبح 👻
🔸 وحدة القماش تاعها دار إضراب على الموديل، واضطرينا نبدلو
🔸 وحدة تقول شديت دورها وطولت… بصح كانت الظروف تقطع الطريق كل مرة
🔸 وحدة مرضت وماقدرتش تجي… ربي يشفيها 💗
وزيد على هذا، حتى أنا مريضة وسورجي حب يرتاح بلا سابق إنذار!

أنا نحب نخيط بروحي وبروحي وبروحي، يعني نعطي الوقت للتفاصيل، نخيط على رواقي باش نخرج خدمة تعجبني وتعجب الزبونة
والنتيجة؟ فستان واحد نقدر نقعد فيه يوم… يومين… ولا حتى أسبوع إذا فيه كرانيش زايدين 😂
وفي الأخير بعض الطلبيات اضطرّيت نأجلها لبعد العيد، وماكانش ساهل نحاول نرضي الكل

بس الحمد لله… خرجت من دوّامة التعب... بصعوبة… بس خرجت! 💪

---

💬 وقلت بالمناسبة نشارككم فستان عجبني بزاف بزاف
ورحت للذكاء الاصطناعي بكل ثقة وقلتلو:
“ديرلي صورة الفستان على مانكة وفي ورشة تعكس التعب لي عشتو”

🌪 طبعًا هو دار روحو ذكي، كل مرة يخرجلي صورة ويغلط في التفاصيل (وأنا نحب التفصيل بدقة!)
ونبقى نقول له:
– لا مش هكا!
– لا مش هاكدا!
حتى هو تعب مني وقاللي: "خذي هاذي وسلكيني!"
والمفاجأة؟ الصورة طلعت رائعة حرفيًا!😅😒

وصدقوني، نهار كنت نخيط هذ الفستان…
بناتي كانو يطيرو فوق راسي، وأنا نغرز بالخيط ونغلي بالداخل!

📸👇 الصورة والفستان في التعليقات... قولولي رأيكم، وبوسة كبيرة لكل زبونة تفهمت التعب والضغط 💕




تحبّو تعرفو علاه سميت صفحتي MS Couture؟ممكن يبانلكم اسم عادي متداول... بصح لا راهو محمّل بالذكريات بالشغف وبداية رحلة ما...
20/04/2025

تحبّو تعرفو علاه سميت صفحتي MS Couture؟
ممكن يبانلكم اسم عادي متداول... بصح لا راهو محمّل بالذكريات بالشغف وبداية رحلة ما كانتش سهلة.
خلي نحكيلكم منين بديت، من الطفولة، من أول غرزة خيطتها لباربي صغيرة جابها لي بابا الله يرحمو، ومن أول مرة شدّيت فيها الإبرة والخيط وأنا نحلم نخلق شي يلبس الجمال والذوق.
"MS" ماهيش مجرد حروف، راهي تحمل اسمي، وتحمل مساري... و"Couture" هي الطريقة لي نخيط بيها الحلم، نخليه يتجسد في فستان، في قطعة فنية، في فرحة زبونة.
هكا كانت البداية... وحكايتي مازالت تتخيط غرزة غرزة.

Ms couture

Adresse

الصحن الاول في ولاية الوادي
El Oued

Site Web

Notifications

Soyez le premier à savoir et laissez-nous vous envoyer un courriel lorsque Ms couture publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type