14/09/2022
منقووولة
حابة نفرع قلبي قبل مايدي ربي امانتو حنا نساء خاوة 4 انا مرت وسطاني او عندي نساء سلافي 3 مشتركين معايا في سحر حكاية بدات عندها سنين مهم مرت سلفنا كبير انسانة تعبد ربي مكاش صلاة تعديها مكاش تراويح مارحتوش مام في مناسبات كي كانو ولادها ينجحو بمعدلات ممتازة او ديرمناسبات في دارها ديرهم بطبع وشان حتى معازيم كي يروحو ولا نتلاقاو يبقاو يشكرو فيها غير هيا ومام كي ماتو عجوزتي وشيخي ماتو راضين عليهم ومفضلينهم وحنا لا مام في عراس يكبروها يدوها تحني للعروس وحنا لا مام عايلتي يموتو عليها ويذكروها غير بلخير خويا كان حايدخل للحبس هو ومرتو تالمو عندها نفوذ هيا وراجلها خرجوهم مي هكداك نكرهوها نحقدو عليها علاه غير هيا لي تبان بيها بولادها علاه غير هيا لي عندها فيلا تحسبيها صال ديفات تالمو كبيرة وصلت بينا تالمو شايفة روحها سحرنها في ولادها او من سحر مرضت هيا وراجلها او ولادها درانالهم سحر ذكورة انحراف او بنات يبور او كي حنا ولادنا زوجو وتخطبو في اي محضر من مناسباتنا نعايروها بولادها تقطن وتروح وحد نهار سمعتني سلفتي اخت زوج نبهدل فيها بلمعاني معجبهاش حال خالاتها حتى راحت وحكمتني في بيت كلمة من كلمة هزت يدها وعطاتني طريحة قاتلي مادارتلك غير حاجة مليحة ولاه تقابليها بشر وحق يوم حق لا بتي ليوم هنا نقول لخويا يطلقك وراجلي يسمع كلمتها كي جاء وقالتلو حكمني هرسني بطريحة بعتني لدار مواليا وطلقني في ليل دخلة وليدي من ذاك نهار وانا غير بسحور بسحور هبلتهاوحد نهار سمعنا بمرت سلفي لي معانا في سحور قاعدة تطلع في روح وتعيط باسم هاذيك جابوهالها حكاتلها قاتلها سامحيني هلكتك بسحور ماكونتش قادرة نلحقك في اي حاجة ديرها حسدتك مافاد فيك ولو سحرتك انا او نساء سلافك لخرين سحرناك او حيطينالك سحور تحت تراب عجوزتنا راه في مقبرة فلانية وعترفتلها بكلش وماتت ضوك هاذيك هجرت كامل ولاية هيا وراجلها قاطعنا وقاطع مواليه ولي يروح ليه يحاوزو ويبدل بلاصة لي راه ساكن فيها حاليا وحنا مرت سلفي طلقها رجالها وبناتها طلقوهم رجالهم وانا ولادي طلقو كامل ذكورة تاعي حاكمين طريق انحراف كبير من نساء ماينوض ومتوسط نساء وشراب وصغير لادروق بناتي عادو يخدمو دع.ارة وانا كل يوم ندي ضرب من ولادي حاليا مريضة بكونسار دماغ على حساب كلام طبيب مبقاليش ونموت لانو كلاني كامل مهم هاذي حكايتي
