Rano fashion designer

08/06/2026

ياغورت القرعة في المنزل اليكم المقادير وطريقة التحضير
ريتلة حليب شكارة نقسمو على زوج نص نحطو فوق نار ونص نخليه.
نص لي خليناها نضيفلو تلات مغارف سكر وعلبة ياووغت فورت الجامد مش ممزوج وعطر لي حبيتيه ليمون فرولة موز... الخ
لحليب لي حطيناه على نار كي تشوفيه حيغلي طفي عليه وفرغيه فوق لحليب لاول نفرغو في بوخت مونجي نغطيه ونزيد نغطيه بطرشونة خشينةنشعل لفور نخليه يسخن شوية نطفيه وندهل لعلبة للفور ونخليه ست سوايع يكون وجد وبصحتكم ندخلو لثلاجة نخليه يبرد وكي تاع برا يجي تقيل صحتكم

07/06/2026

وصفة كرونطيطا (كرنتيكا) بنينة وسهلة:

المقادير
كأس حمص مرحي بودرا
4 كيسان ماء
زوج بيضات
تلات ملاعق كبار زيت
ملح
فلفل أكحل
شوية كمون

الطريقة
1. في إناء خلطي فارينة الحمص مع الماء شوية بشوية حتى يروح كامل التكتل. زيدي الملح والفلفل الأكحل والزيت.ومبعد زيدي البيض واخلطي مليح. فرغيه في صينية مدهونة بالزيت.
6. دخليه لفران سخون نص ساعة كي طيب حمريها من فوق
تتقدم سخونة مع:
الكمون الهريسة
بالصحة والراحة

07/06/2026

لاكريم(ڨلاص) صنع منزلي نص ليترا حليب 🥛بارد تلات مغارف سكر نصف ملعقة صغيرة مثبت لاكريم (خمسلاف تجيبلك الله يبارك) ملعقتين حليب لحظة بودرة نخلط جيدا ونضيف تلات ملاعق كبار بومبي شانتيي ونطلعهم بلباتور نقسم الخليط نصفين
ندير لكل نصف لاروم تاع اي ذوق حاباتو موز او فرولة... الخ
فرغوه في بورت مونجي وندخلوه للمجمد وبصحتكم

07/06/2026

تحلية الكرمال بلموز اليكي المقادير وطريقة التحضير
في غيسيبيون ظيري اي بسكوي عندك ارحيه مليح وضيفيلو تلات مغارف كبار زبدة خلطيهم جيدا وروحي دبريه في المول الاسطوري ودركي عليه ب الملعقة
من جهة اخرى نحضر الكريمة
كاس ونص حليب مع ملعقة كبيرة فلان كراميل وملعقة كبيرة مملوؤة جيدا نشاء نخلط كلش بارد في بارد ونحطوه فوق نار مع التحريك المستمر حتى يثقل القوام تاعنا ونفرغو مباشرتا فوق البيسكوي.
كي يشد روحو شوية حطي فوقو شرائح الموز
من جهة اخرى نحضر الكراميل
في غلاية ديري نصف كاس سكر ديريه فوق النار حتى يدوب.
في كاس ديري نص كاس ماء مع ملعقة كبيرة نشاء ونخلط بلملعقة كي دوب داك سكر فرغو فوقو داك الماء وبقاي تحركي وفرغيه مباشرتا فوق الموز داك دخليه لتلاجة نص ساعة وبصحتكم شهية طيبة مع السلامة

07/06/2026

06/06/2026

#متقبة أو #مذكر #لقهوة #العصر

المكونات

3كؤوس تشيشة متوسطة
كأس خليط بين السكن والزيت
حوالي كأس إلا ربع حليب (ممكن أقل)
ملعقة صغيرة غير مملوءة ملح
ملعقة كبيرة سكر
ربع ملعقة صغيرة خميرة الحلويات

طريقة التحضير

في إناء نضع السميد المتوسط نضيف عليه السكر والملح وخميرة الحلوى نخلط المواد الجافة مع بعض تم نضيف الدهون نبسس جيدا حتى تتجانس كل المكونات نع بعض
نجيب الحليب ونطم العجينة المهم مش عجينة يعني تتلم مليح برك

نطيبها وصايي

انا نكتب و وائل يبكي قالي ارفديني 🫢

حلويات ومملحات أم وائل

06/06/2026

تفاعلو فضلا بطاطا كوشة في الفرن بالدجاج بتتبيلة رائعة سهلة
4 حبات بطاطا نقصوهم مكعبات كبار
حبة طماطم نقصوها دوائر
حبة بصل نقصوها دوائر
فلفل حلو وحار
توابل:
فلفل عكري
فلفل اسود
توابل دجاج
ملح موتارد يمكن تعوضيه بمغرف خل
نص ملعقة صغيرة كركم
ورقة رند
زعيترة
3 ملاعق زيت
نخلط مليح تتبيلة مع بعض ونتبلو دجاج من بعد نتبلو البطاطا والطماطم والفلفل نخليهم مدة ساعة يتشربو مليح ونغلفها بورق طهي من بعد ورق المنيوم

ندخلها الفرن 30 د تكون طايبة نحيلها ورق طهس ورق المنيوم ونخليها تاخد تحميرة من فوق وبصحتكم شهية طيبة مع السلامة
@الجميع

03/06/2026