18/10/2025
وحد النهار روحت من لقراية نص نهار ايا لحقت لدار لقيت سونلغاز قطعولنا تريسيتي باسكو ما خلصناش وفات الديلي ودراهم ما عندناش باش نخلصو وكانت الشتاء خيط من السماء ايا عاودت لبست قشي ورحت لسونلغاز لقيت واحد يخدم تما قتلو بلي راه ما عندناش دراهم ديرو فينا مزية زيدونا سمانة
قالي ما نقدروش بصح كاينة حاجة نعطيك دراهم خلصي تريسيتي فالقيشي الاخر ونعطيك نيميرو تاعي مين توجديهم عيطيلي نجي نديهم ايا عطاني خلصت وروحت كي قعدت عيطتلو شكرتو وكل شي كلمة تجيب كلمة قالي دراهم هذوك كي يوجدو اشري بيهم جبة وكي تشري جبة عيطيلي كيما كان الحال وجدو دراهم رحت شريت جبة عيطتلو قتلو راني شريت قالي غدوة البسيها باسكو غدوة نجي نخطبك تشوكيت انا حسبتو يتمسخر ايا فاتت الليلة هذيك غدوة جاب يماه وباباه وجا خطبني صح وقريب العرس ان شاء الله الحمد الله تريسيتي زوجتني😁 العاقبة ليكم يقطعولكم الماء 😂😂
#شدة
