15/08/2024
السلام عليكم اقراوها مليييييح هاذ الحكاية جاتني كي شغل رسالة لهاذوك اللي يقولو الخياطة ساهلة
أنا كل صباح انوض نخرج لحديقة منزلي المليئة بالأشجار ..نقطف منهم قطع قماش فخمة في غاية الروعة والجمال ..
ندخل نحط القماش ونجيب المسطرة والمقص و..و... ونقلهم نروح نوجد فطور أولادي نلقاكم مفصلين و واجدين
نكمل نفطر أولادي ونرجع نلقاهم واجدين مستفين ونبدا نخيط مباشرة ..نريڨل الماشينة ونقلها خيطيلي حوايج الناس نروح نوجد لغداء ونرجع نلقاهم كامل مخيطين
نكمل غدايا نلقاهم مخيطين واجدين 😍 نديهم للحديد ونقلو نروح نڨيل شوية نرتاح نلقى كل القطع محددين وواجدين
نكمل القيلولة نقلهم نوجد قهوة أولادي نتاع لعشية نجي نلقى كل قطعة حكمت بلاصتها باه نصور كم ونستمتع بالتقاط أجمل الصور نشاركهم مع زبوناتي ومتابعاتي الرائعات
نشرب قهوتي رفقة أولادي ..و نروح نلقاهم حاكمين بلايصهم ..نصورهم ليه ليه
ومن بعد نقلهم ..نروح نوجد لعشاء نلقى كل قطعة خرجت من بلاصتها وطبقت روحها بروحها ومن بعد نجي نغلفكم ونحط كارت ڥيزيت ونتصل بالزبونة تجي تستلم طلبيتها في اليوم الموالي
#توضيح القماش ما نخلصوش .. نعس العين كل ما تجي نسقي شجرات حديقتي والقماش نلقاه واجد نقطف من كل شجرة لون وشكل
تحية لكل حرفية تشقى وتخدم بضمير وتقد م عمل يستحق التقدير
وتحية لكل زبونة راقية تحترم جهد الناس وتقدره وتستلم بحب 💕ما يصنع من أجلها بكل حب 💕.
