أمنيتي

21/10/2025

21/02/2025

و الآن مع التحفة الثانية
(حسيت روحي في مزاد علني ههههه و تفكرت مي كنت صغيرة نقول مزاد عالمي 👀 متضحكيش عليا نزعل 🤣)
جلباب قطعة واحدة مربع
كم الزهرة البهيون
قماش كريب تركيش ها ذالقماش مظلوم ميستعملوهش الخياطات بزاف لكنو جميل جدا فالصيف بارد و فالشتاء دافئ (كيما مناخ الجزائر كي قريناه معتدل غير سطيف فيها البررررررد يقتل)
منعرف لاه راني نكثر فالهدرة ايه وين عدت
عرض القماش 1,5 م
و اللون رمادي قاتم جميل جدا
مع قفازات رمادية
و يزيدك رونقا و جمالا

21/02/2025

🌹و ها قد بدأ معرض التحف الفنية
نبدأ بأول تحفة فنية (هههههه صدقت روحي و فعلا تحفة مكذبتش)
جلباب قطعة واحدة مربع
كم الزهرة الجميل جدا
قماش برج دبي خفيف و رطب و سوادو قاتم
عرض 1,7 م
السعر نقلكم و لا نخليه للخاص ؟!
خلي منقولش
ولا خلي نقول نحكيلكم هذي و مبعد نقلكم السعر لي نقلها سعر جلابيبي و ستاراتي تقولي صح ؟! نجاوبها نعم هذا هو السعر
و فعلا السعر غير متناسب مع الجلباب
لماذا ؟!
لأني احتسبت عملي هذا تجارة مع الله عز و جل و أرغب أن يبقى صدقة جارية حتى بعد وفاتي
مشروعي لا ارجو أن استغني به في الدنيا و إنما ارجو به الأجر في الآخرة
هو أمنيتي لآخرتي
و الحمد لله الذي هدانا لهذا و ما كنا لنهتدي لولا ان هدانا الله
طولت عليكم و في جعبتي كلام كثير...............
(السعر تجدينه في الصورة ابحثي عنه ههههه)
و التصوير راه على قد الحال و بالطبع فالواقع أبهى بكثييييير✔️

20/02/2025

🌹كي نخيطو منصوروش من برا برك زيدو اضربو طلة لداخل 👀
يقول المثل" يا لي مزوق من برا وش احوالك من داخل "❌
عند أمنيتي حتى من داخل مزوق ✔️

09/02/2025

🌹 الكتب المتوفرة حاليا

09/02/2025

🌹القفازات المتوفرة حاليا
مكة : أزرق ليلي، باج، بنفسجي، رمادي، بني، وردي »»» 40 الف
مريم: الأسود فقطط »»» 40 الف
بيبي bb: الأسود فقطط »»» 45 الف
قفازات صينية »»» 20 الف
الجوارب: bb فقطط »»» 35 الف

06/02/2025

🌹السلام عليكم و رحمة الله و بركاته
و الآااااان مع المفاجأة الكبرى
مولودي الجديد ههههه
لباس ختان
يتوفر حسب الطلب
الألوان متوفرة احمر اسود ازرق ليلي ازرق ملكي اخضر عنابي
و السعر جميييل

04/02/2025

🌹السلام عليكم و رحمة الله و بركاته
هذه الألوان المتوفرة في البرادا
طلبيات العيد مفتوحة الآن في رمضان بإذن الله منخيطش
جلباب قطعة واحدة 290
جلباب قطعتين 390
عباءة كتف و إسدال 450

31/01/2025

🌹السلام عليكم و رحمة الله و بركاته غالياتي
بزاف مفهموش المبادرة لي درت هيا بنا نشرحها

مثلا 5 اخوات من ولاية سطيف حبو يخيطو جلباب قطعتين بقماش برادا 🧶🪡

رولو قماش 30 م يخيط 5 جلابيب قطعتين
سعرو مثلا مليون مع التوصيل 🧵

✔️مليون على 5 يساوي 200 الف

✔️هكذا كل اخت تسااهم ب 200 للقماش

يبقى حق الخياطة نحسبلهم جلباب قطعتين ب 100 🎊🎉

يعني جلباب قطعتين يخرج سعرو 300 🎈🎈

بالنسبة للتوصيل نبعثلهم مع بعض و يتقاسمو سعر التوصيل مثلا التوصيل ب 50 كل اخت تخلص 10

في النهاية كل اخت تعيد بجلباب قطعتين ب 🌹 310 🌹

25/01/2025

🌹السلام عليكم و رحمة الله و بركاته
اني جيتكم بمبادرتي بمناسبة اقتراب شهر رمضان المبارك 🤲🕋🕌

✔️ الفكرة هي انو مجموعة من الأخوات لي يكونو من نفس الولاية يجمعوا مبلغ حق رولو قماش جملة يبعثولي نخيطلهم بسعر رمزي ميفوتش 1000 دج و لي فعلا محتاجة حق الخياطة عليا

✔️هذا يناسبني لاني في بداية مشروعي و يساعدهم الجلباب يكون بسعر مناسب

✔️الآن نحتاجكم تساعدوني و تنشرو الفكرة على اوسع نطاق هدفي نفرح اكبر عدد ممكن من الاخوات قبل رمضان

🌹و الحمد لله الذي هدانا لهذا و ما كنا لنهتدي لولا ان هدانا الله 🌹