04/06/2026
🚨هام جدا‼️
حبيت برك نهدر بإحترام على حوايج كل مرة يتعاودو ونطيشوهم ورانا بسبب حسن المعاملة لكن الاحترام لازم يكون متبادل 🤨
1-السليبات مايتبدلوش هذه نورمالمون بلا مانهدرها معروفة فالعالم كامل حاجة انتيم ديتيها ماجاتش قدك أمورك ماكالاه تجي تقلي بدلي لانو مستحيل تتبدل حتى أنا مولات لمحل كي نديه مايجيش قدي يا نصدقو يا نطيشو بصح مايتبدلش لانو مبدأ عندي عن قناعة 👌كون نبدلك ماتزيديش ديري فيا ثقة 😑
2-العاملات لي معاي قدرهم من قدري و لي يمسهم ولو بكلمة ولا جاسث مسني أنا شخصيا و راهم ماشاء الله قراية و تربية و ظرافة مالة كيما أنا نحرص اني نخير بنات فاميلية انتومة احرصو تاني على معاملتكم معاهم راهم في مقام خواتاتي 😍
3-كيما تشكيو من سكيكدة فالمعاملة من لحوانت نحب نقلكم بلي حتى بعض لي كليون (اكيد قلة قليلة جدا )0تربية و معاملة كيما تحب تتعامل مليح لازم تبدأ منك
4- 99.99% من لي كليون تاعي نحكي شخصيا محلنا نعم الناس اخلاق و تربية و ظرافة و مستوى عالي جدا نحمد ربي على هذه نعمة ماعندناش الهيشر 😘 لي يشري من عندنا هوما النخبة تاع الولاية ♥️و هذا شرف ليا 😘
لكن مايمنعش انو مرة فالفال تخرج وحدة عشور و على هذا حطيت هاذ المنشور باش لي يجي عندنا نحطوه فوق الراس لكن ينتبه تاني لنفسو 😡
و مرحبا بالجميع 😘
