17/08/2022
وصفة سويسرول الياباني الرائع مكتوبه لاصحاب الزيرو و في صورة كذلك .صدقة على شيخ اختي الشاف سميه ربي يرحمو ويصبر اهلو وخاصة زوج اختي الغالي .عالم أسماء يوميات جزائريه ❤️❤️❤️
سويسرول ياباني من أروع ما جربت الوصفة من قناة عالم أسماء يوميات جزائريه
في إناء نحط كاس غير ربع فرينه (5 ملاعق كبار فرينه او 100 غ )+5 ملاعق كبار زيت نباتي(60 غ) +80غ حليب اي 5 ملاعق كبار+فانيلا نخلطوهم مع بعض بالفوي حتى ينسجموا نضيف صفار 6 بيضات ونبقى نخلط بالفوي والبياض نطلعو ونضيفلو 5 ملاعق سكر عادي تدريجيا حتى يطلع مليح مليح هنا نضيف البياض للخليط ونحرك غير بشوي
نجيب بلاطو مقاس 40/25مدهون بالزبده والفرينه او ورق الطهي وندخلو للفرن على 170° مدة 20 او 25 د نشعلو من التحت كي نشوفو بدا يحمار نطفي ونشعله من الفوق حتى ياخذ اللون الذهبي الغامق (متخليوهش يطيب بزاف)
نخرجو نخليه يدفى ونحشيه بمربى المشمس او الفروله او كريمة الزبدة ونروليه نخليه يبرد و نقطعو.انا حشيتو بالكريمه تاعهم بذوق الجبن ليحب هاذ الذوق يديرها ولميحبش غير ميديرهاش
100 غ جبن طازج+1 ملعقة كبيره ونصف سكر عادي فانيلا عصير الليمون (اختياري)120 غ كريمة ثقيله انا استعملت صافيلي خلطت بالفوي برك و خدمت بيها
(ملاحظة الرولي هذا مترشيهش بالسكر الناعم من الفوق .يجي رووووعه.لاتنسوا دعم صفحتي وقناتي عالم أسماء يوميات جزائريه
