Itrina's handmade

31/01/2025

💚🌿🍃

14/01/2025

سنة جديدة.. امنيات و اهداف متجددة..
و امتنان دائم
انتي ممتنة لإيه الفترة دي؟

15/12/2024

في لحظات التوتر أو الضغط، ساعات بنلاقي نفسنا بنتصرف بسرعة وبعدين نندم. جربي تدي نفسك فرصة تهدي وتفكري قبل ما تاخدي أي خطوة.

أول خطوة هي إنك تهدي. لما تحسي إنك متوترة أو متسرعة، خدي نفس عميق، وقولي لنفسك: "اهدي شوية كل حاجة تمام". اللحظة دي هتساعدك تخرجي من دوامة المشاعر وتبصي للموقف بشكل أهدى.

بعد ما تهدي، فكري في اللي بيحصل حواليكي. اسألي نفسك:
إيه المشكلة الحقيقية هنا؟
أنا عايزة أوصل لإيه؟
إيه أكتر حاجة هتساعدني دلوقتي؟
إيه الخيارات اللي قدامي؟
القرار ده هيأثر عليا أو على اللي حواليا إزاي؟
لما تفكري كده، هتقدري تشوفي الأمور بشكل أوضح وتلاقي حلول أهدى وأذكى.

اختاري
دلوقتي، اختاري الخطوة اللي هتحسسك إنك بتتصرفي بوعي. خدي قرار يكون نابع من قيمك وأهدافك، مش مجرد رد فعل للموقف.

13/12/2024

اعتبري البوست ده رسالة ليكي 💖

09/12/2024

دي رسالة ليكي.. خدي وقت راحة ❤💖

19/11/2024

من أهم علامات العلاقة الصحية هي القدرة على انه الطرفين يكونوا بيلبوا احتياجاتهم و أولوياتهم في العلاقة ان كانت علاقة عائلية او صداقة او علاقة عاطفية او في الشغل وفي الحياة بشكل عام..

العلاقة اللي مبنية على توافق و تناغم وتلبية لإحتياجات كل شخص ثابتة و صحية اكتر بكتير من العلاقة اللي قائمة على "هي بتئذيني .. و لكن نيتها كويسة/ بتحبني/ مهتمة بمصلحتي"

الحب الصح بيقوي مش بيئذي

18/11/2024

معلومات مغلوطة عن الطاقة الانثوية

11/11/2024

إزاي ممكن أوقف الأفكار اللي بتخوفني وتسبب لي القلق؟
جربي الطريقة دي اسمها "De-Catastrophizing" هتساعدك تشوفي الأمور بواقعية وتقللي من الأفكار الكارثية.

10/11/2024

اعتبري اليوم ده هو دعوة ليكي علشان تركزي على جوانب معينة في حياتك وتبدأي التغيير حقيقي من جواكي. الأرقام دي مجرد تذكير إنك قادرة على التغيير، لكن الفرق بيجي من اختيارك الشخصي للعمل والتركيز على أهدافك.

💫 تأملي، دوّني نواياك، واستعدي لفتح أبواب جديدة في حياتك. الفرق الحقيقي بيجي لما تشتغلي على نفسك وتختاري التركيز في الأولويات اللي بتهمك.

28/10/2024

٥ طرق بسيطة عشان تحددي حدودك مزبوط

استخدمي جمل تبدأ بـ "أنا" عشان تعبري عن احتياجاتك بوضوح وحزم:
لما تتكلمي مع الآخرين وتحددي حدودك، حاولي تستخدمي جمل تبدأ بكلمة "أنا". يعني بدل ما تقولي "إنتي دايمًا بتاخدي وقتي"، ممكن تقولي "أنا محتاجة شوية وقت لنفسي". التعبير ده بيقلل الإحساس باللوم، وبيخلي الشخص التاني أكتر قابلية إنه يسمعك.

كوني واضحة ودقيقة في اللي محتاجاه من الناس
لما بتحددي احتياجاتك بوضوح، ده بيساعد الناس التانية يفهموا إنتي محتاجة إيه بالظبط. حاولي تتجنبي الكلام العام وكوني محددة. يعني بدل ما تقولي "مش بعرف ارتاح ودايما بتطلب مني حاجات كتير"، ممكن تقولي "محتاجة أكون لوحدي ساعة بعد الشغل عشان أرتاح قبل ما نبدأ نتكلم عن أي حاجة تانية".

كوني حازمة لكن بهدوء لما تدافعي عن حدودك
من المهم تكوني حازمة لما تدافعي عن حدودك، لكن ده مش معناه إنك تكوني قاسية. استخدمي نبرة صوت واضحة وثابتة، وجمل زي "بقدر دعمك، لكن مش قادرة أعمل كده دلوقتي" بتعكس الاحترام وتأكد على احتياجاتك.

اتكلمي عن حدودك من بدري عشان تتجنبي سوء الفهم
قبل ما تحصل مواقف ممكن فيها تجاوز للحدود، حاولي تتكلمي عن المقبول وغير المقبول. لما الحدود دي تكون واضحة من البداية، الناس كلها بتبقى عارفة إيه المتوقع، وده بيقلل نزاعات كتير.

ثبتي حدودك بالالتزام والاتساق
من أهم الحاجات اللي بتساعد في توضيح وتثبيت الحدود هي إنك تكوني ملتزمة بيها بشكل متسق. يعني، لو حددتي إنك مش هتوافقي على حاجة معينة، حاولي تكوني ثابتة في موقفك عشان الناس تعرف إنك جادة. لو تراجعتي عن حدودك كل مرة، الناس هتعتبر إن حدودك مش واضحة أو قابلة للتغيير. الالتزام بمواقفك بيخلّي الناس تحترم حدودك أكتر ويفهموا إنك بتتكلمي بجدية.

24/10/2024

21/10/2024

طرق إزاي تطبقي المنهجية دي على السيناريوهات المختلفة

السيناريو الأصعب:

تحليل ليه هو الأصعب: اسألي نفسك ليه ده يعتبر الأصعب أو الأسوأ. إيه المشاعر اللي مرتبطة بالسيناريو ده، وإزاي هيأثر عليك في المستقبل؟ هل هو مرتبط بفقدان حاجة مهمة، زي الشغل أو العلاقة، أو شعور بعدم الأمان؟

تقبل السيناريو الأسوأ: حاولي تتقبلي فكرة إن السيناريو الأسوأ ممكن يحصل. التقبل مش معناه الاستسلام، لكن يعني إنك مستعدة للتعامل مع الواقع لو حصل.

تحديد اللي ممكن تتحكمي فيه: بعد ما تفهمي طبيعة السيناريو ده حاولي تحددي الأجزاء اللي ممكن تتحكمي فيها أو تعدليها. هل فيه خطوات معينة تقدري تاخديها عشان تتجنبي أو تقللي من صعوبة السيناريو ده؟

السيناريو الواقعي:

 اسباب منطقية: لما تفكري في السيناريو الواقعي، اسألي نفسك ليه ده أكثر حاجه ممكن تتحقق. مثلاً، هل في دراسات بتقول كده؟ جربتي الموضوع ده قبل كده؟ هل سألتي ناس وقالوا لك نفس الكلام؟ حطي أسباب منطقية تخلي السيناريو ده هو الأكثر احتمالا.

تحليل السيناريو الواقعي: حللي الفرق بين السيناريو الواقعي والأسوأ و الأفضل. السيناريو الواقعي فيه صعوبات ممكن تكون محبطة بس ممكن تتغلبي عليها اسهل كتير من السيناريو الأصعب. ابني توقعات أكثر واقعية عن الموقف، وخليكي مستعدة لنتائج محتملة من غير ما تفضلي بتفكري بس في سيناريوهات سلبية ممكن ما تحصلش أبدًا، أو أحلام وردية مش واقعية ممكن تضرك.

تركيز على الحلول: فهم السيناريو الواقعي هيخيلكي أكثر مرونة في مواجهة التغييرات. كوني واثقة في قدرتك على التكيف مع المواقف المختلفة بدل ما تحسي بالعجز، وده هيعزز ثقتك بنفسك.

السيناريو الأفضل

رؤية واضحة للنجاح: حاولي تتخيلي النجاح اللي بتسعي له بشكل دقيق. فكري في النتائج الإيجابية اللي عايزة تحققيها وإزاي هتحسي لما تحققيها. السيناريو ده هو احسن سيناريو تتخيليه مش اكتر سيناريو واقعي.

استراتيجية التحضير:حددي الخطوات اللازمة عشان توصلي لأهدافك. كلما كنتي مستعدة، زادت احتمالية تحقيق اللي عايزاه من خلال تحضيرك ليه. و بنفس الوقت يكون عندك تقبل لجميع السيناريوهات.

استخدام التصور الإيجابي: خصصي وقت يومي لممارسة التصور الإيجابي. اقعدي في مكان هادي وغمضي عينيكي، وبعدين تخيلي نفسك في أفضل سيناريو ممكن يحصل. ده هيساعد على تقليل رد الفعل العاطفي الناتج عن القلق وهيديكي شعور بالراحة. 

حتى لو ما كانتش النتائج زي ما توقعتي، فكري في الدروس اللي ممكن تتعلميها من التجربة. المرونة دي في مواجهة التحديات هتعزز ثقتكِ بنفسك وتخليكِ أكثر استعدادًا لمواجهة اللي جاي.