04/05/2025
من يوم 15/7/2022 وبدأنا حلم اسمه "ببلاش للأحذية"
حاولنا على قد ما نقدر نوصللكم أحسن حاجة بأقل سعر
مكنّاش بندوّر على مكسب قد ما كنا بندوّر نرضيكم.
اشتغلنا بإيدينا، تعبنا، فرحنا، زعلنا، بس كنا دايمًا مبسوطين بوجودكم حوالينا
وكل يوم كان لينا معاكم قصة… وضحكة… ودعوة حلوة.
بس للأسف… الشهر ده هيكون آخر شهر لينا
الظروف غصب عننا ومبقيناش قادرين نكمّل.
شكراً من قلبنا لكل حد شرفنا واشترى مننا أو حتى دخل وسأل
والله العظيم حبكم لينا كان هو المكسب الحقيقي.
وإحنا ماشيين النهارده… بنقولكم "ده مش وداع"
بإذن الله هنرجع… هنقوم تاني، بس مش دلوقتي.
ادعولنا وربنا يسهل.
وبدأنا تصفية المحل من دلوقتي
أي قطعة كوتشي (رجالي - حريمي - أطفال) بـ150 جنيه بس! لحد يوم15/5 اخر يوم لينا
#شكراً_من_القلب
#دعواتكم
