03/05/2024
الشارع ده مش فى منطقة عشوائية او فى قرية ده أرقى وأعرق وأفخم شوارع إسكندرية - شارع سعد زغلول. ايوا حضراتكم قرأتوها صح وده حال اغلب شوارع وميادين اسكندرية .الأسوأ فى ميدان المنشية وحول القنصلية الفرنسية و المحاكم .
شوارع إسكندرية أستولوا عليها باعة الأرصفة والطريق لم يكتفوا بالاستيلاء على الأرصفة واستولوا على الطريق من الجانبين ويتصرفوا بأريحية تامة ولا أحد من المسؤؤلين يهتم او يمنعهم . فى بعض المناطق لا يمكن السير فى الشارع أو الإنتظار فى أماكن أنتظار السيارات لأنها تحت سيطرتهم ( مثال وليس للحصر : شارع خالد ابن الوليد - ميدان المنشية - شارع سعد زغلول - شارع الجلاء - شارع اللاجيتيه - محطة قطار سيدي جابر و الشوارع المتفرعة منها ). الباعة دول بيفرشوا أمام المحلات و أصحاب المحلات مستحملة و بتدفع ضرائب وتأمينات وأجور وكهرباء ومصاريف اخرى اما هم لا تتحمل بضاعتهم أى تكاليف ( سوق موازية خارج السوق الرسمية خارج المنظومة الاقتصادية للدولة. مفيش عدالة لأن المحلات تدفع ضرائب وخلافه وهم لا شىء) . العشوائيات أصبحت ملازمة لكل شوارع إسكندرية وده بيحصل أمام أعين المحافظ والأحياء وإدارة المرور وإدارة المرافق . نسبة كبيرة من اهل إسكندرية والاسكندرانية اليونانيين هجروا إسكندرية إلى القاهرة و خارج مصر . وباقى اهل إسكندرية الراقيين عايشين مكتئبين لما وصل إليه حال الإسكندرية.
