14/04/2023
📍الشوز المناسب لرجلك أهم حاجة تركز عليها لأنها ممكن تسبب ليك أضرار صحية كبيرة على المدى البعيد. علشان كدا هنديك شوية نصايح تعمل بيها وانت بتشتري اي شوز جديدة 👇
⛔ راعي وانت بتشتري الشوز انك تشتريها في أخر اليوم بعد ما تكون مشيت كتير لأن وقتها مقاس رجلك بيكون أكبر حاجة بسيطة وهو ده المقاس اللي المفروض تشتري الشوز عليه مع مراعاة وجود 1 سم فاضي في مقدمة الشوز
⛔ لازم تبقا عارف ان زي ما الشوزات مختلفة في شكلها الخارجي ومقاساتها، هي كمان مختلفة في شكلها الداخلي، والمصنعين بيعملو ده علشان يراعو اختلاف اشكال أقدامنا، فلازم تاخد بالك عند اختيارك للشوز ان تصميمها الداخلي يكون مناسب لرجلك زي ما واضح في الصورة، بمعنى ان مينفعش تكون الشوز بتجبر رجلك تاخد وضعية معينة غير الوضعية الطبيعية بتاعتها ومتكنش ضاغطة على رجلك من أي اتجاه، ولا تكون واسعة بزيادة خصوصا منطقة انحناء بطن الرجل والأصابع
⛔ ضهر الشوز لازم يكون طري من جوة وقوي من برة علشان ميأذيش ضهر رجلك ويساعد على اتزان المفصل
⛔ بطانة الشوز لازم تكون ناعمة ونعل الشوز يكون فيه تضاريس علشان رجلك ميحصلهاش التهابات او بثور
⛔ ارتفاع كعب الشوز مينفعش يزيد عن 4 سم (بلاش نمشي ورا الترندات)
⛔ لو عندك رجل اكبر من التانية زي أغلب الناس، اختار الشوز على حسب الرجل الأكبر
⛔ لو متعود تلبس نوع شرابات معين لازم تقيس الشوز بيه
⛔ وأهم حاجة .. مفيش حاجة اسمها الشوز هتريح معاك او حط فرش علشان تضيقها او شيل الفرش علشان توسعها، كل دي حاجات هتسببلك مشاكل انت في غنى عنها، اختار الشوز المناسب ليك من البداية
🚩 وعلشان تعرف تعمل كل ده، يفضل تشتري شوز من براندات معروفة لأنهم بيكونو مراعيين كل الكلام ده، واحنا في leaps مش بنبيع غير منتجات البراندات الكبيرة، مش بس كدا احنا كمان بنختار الموديلات المجربة اللي خدت تقييم عالي علشان نضمنلك راحة رجلك 🦶
