𝗪𝗼𝗿𝗱𝘀

𝗪𝗼𝗿𝗱𝘀 Contact information, map and directions, contact form, opening hours, services, ratings, photos, videos and announcements from 𝗪𝗼𝗿𝗱𝘀, Cairo.

بوكس الآيس كوفي التريندي وبسعر فكة حرفيا أقل من أي حدددد 🩷محتوياته..مضرب نسكافيه، دوخت عشان الاقي مضرب نسكافيه زيه بجد ي...
04/08/2026

بوكس الآيس كوفي التريندي وبسعر فكة حرفيا أقل من أي حدددد 🩷
محتوياته..

مضرب نسكافيه، دوخت عشان الاقي مضرب نسكافيه زيه بجد يكون للنسكافيه فقططط متبقيش مضطرة تشتري التاني اللي معاه مضرب بيض كمان..

مج فراشة كيوت اوي ومعاه شاليموه

مج تاني هو من غير شاليموه بس ممكن تستخدمي معاه الشاليموه بتاعة المج التاني زي مانا مصوراه كده تحفة

قالب تلج قمر ولونه قمرين 🩷🩷

البوكس كله سعره خطييير والله بسمع فيه ارقام خزعبلية

متاح كل قطعة لوحدها عادي.

قبل ما تشتكي من أي ابتلاء، جرّب تقول: "الحمد لله إنها جت على قد كده".الكلمة دي مش مجرد جملة بنقولها وخلاص، دي معناها إنك...
03/08/2026

قبل ما تشتكي من أي ابتلاء، جرّب تقول: "الحمد لله إنها جت على قد كده".
الكلمة دي مش مجرد جملة بنقولها وخلاص، دي معناها إنك شايف لُطف ربنا حتى وسط الشدة، وعارف إن اللي حصل كان ممكن يبقى أصعب بكتير..

سيدنا عمر بن الخطاب كان بيقول: "ما أصابتني مصيبة إلا حمدت الله على أربعة أشياء" من ضمنهم: "أنها لم تكن أكبر منها".. يعني بيحمد ربنا إن المصيبة مكانتش أكبر من اللي أصابته..

نعمة كبيرة، إن ربنا يرزقك قلب راضي، يشوف رحمته في كل موقف، حتى لو الوجع موجود..
فلو خرجت منك الجملة دي من قلبك، احمد ربنا عليها كمان.. لأن الرضا رزق، ومش أي حد ربنا بيدّيه نعمة إنه يشوف اللطف وسط الابتلاء.

موضوع إن الآلام النفسية بتتحول لآلام جسدية موضوع مُقرف بجد، يعني تنام متضايق، تصحى متضايق وكتفك واجعك.
02/08/2026

موضوع إن الآلام النفسية بتتحول لآلام جسدية موضوع مُقرف بجد، يعني تنام متضايق، تصحى متضايق وكتفك واجعك.

لحظة إدراك إن لسه ٥ شهور على ٢٠٢٧ !!
31/07/2026

لحظة إدراك إن لسه ٥ شهور على ٢٠٢٧ !!

والله اشتقنا لمنخفض جوي عميق وكتلة هوائية باردة مصحوبة بأمطار رعدية وحلة شوربة عدس.
26/07/2026

والله اشتقنا لمنخفض جوي عميق وكتلة هوائية باردة مصحوبة بأمطار رعدية وحلة شوربة عدس.

لأ كملوا انتوا أغسطس بقى ..
26/07/2026

لأ كملوا انتوا أغسطس بقى ..

الأيام دي الحر صعب على الكل..لو عايز تعمل صدقة جارية أو تهدي ثوابها لحد بتحبه، حط طبق صغير فيه ماية على البلكونة للعصافي...
23/07/2026

الأيام دي الحر صعب على الكل..

لو عايز تعمل صدقة جارية أو تهدي ثوابها لحد بتحبه، حط طبق صغير فيه ماية على البلكونة للعصافير، وحط شوية رز أو قمح أو فتات عيش جنبها.. هتتفاجئ قد ايه الطيور هتيجي وتشرب وتاكل..

ولو نازل، خليك معاك علبة زبادي فاضية أو طبق صغير، وحط فيه ماية لأي قطة أو كلب تقابلهم في الشارع.. حاجة بسيطة جدًا بالنسبة لك، لكنها ممكن تكون سبب في إنقاذ حياة..

قال رسول الله ﷺ: "في كل كبدٍ رطبةٍ أجر."
يعني أي مخلوق حي تحسن إليه، ليك عند ربنا أجر وثواب.
خلّوا لكم صدقة يومية في الحر ده.. يمكن ده يكون سبب في رحمة ربنا ليكم. 🤍

يارب كل أم عندها طفل صغير، تؤجر في الجو الصعب ده..الحر بيخلي العيال متضايقة، زن وعياط طول اليوم، ولزقة في أمهاتهم ليل ون...
22/07/2026

يارب كل أم عندها طفل صغير، تؤجر في الجو الصعب ده..

الحر بيخلي العيال متضايقة، زن وعياط طول اليوم، ولزقة في أمهاتهم ليل ونهار، والأم بتحاول تستحمل وتطبطب وتهدي وهي نفسها مرهقة وتعبانة..

يارب اربط على قلوب كل الأمهات، وقوّيهم، وباركلهم في صحتهم وصبرهم، وخلي تعبهم في ميزان حسناتهم، وارزقهم راحة من عندك.❤️

الحمد لله على نِعمة كفّ الأذى..إنك تقدر تسيب الإساءة وماتردهاش بإساءة، وتختار تعفو حتى لو اللي قدامك مايستحقش..الحمد لله...
21/07/2026

الحمد لله على نِعمة كفّ الأذى..

إنك تقدر تسيب الإساءة وماتردهاش بإساءة، وتختار تعفو حتى لو اللي قدامك مايستحقش..

الحمد لله على نعمة إننا نعامل الناس بأصلنا وتربيتنا، مش بالطريقة اللي شوفناها منهم..

مش كل تصرف غلط لازم نقابله بغلط زيه، ومش كل قسوة لازم نرد عليها بقسوة..

فيه ناس أخلاقها بتتغير على حسب اللي قدامها..
وفيه ناس أخلاقها ثابتة لأنها بتعمل ده لله قبل أي حد..

اللهم ارزقنا حُسن الخُلُق، وكفّ الأذى، وأعنّا أن نكون سببًا في راحة الناس لا في وجعهم. 🤍

في مثل قديم بيقول: الطِّباع سرّاقة.. ودي من أكتر الجمل اللي هتحس إنها حقيقية لما تعيشها.لما تصاحب حد دايمًا بيشكر ربنا ع...
20/07/2026

في مثل قديم بيقول: الطِّباع سرّاقة.. ودي من أكتر الجمل اللي هتحس إنها حقيقية لما تعيشها.

لما تصاحب حد دايمًا بيشكر ربنا على أقل نعمة، هتلاقيك مع الوقت بقيت تبص للي عندك برضا بدل ما تفضل باصص للي ناقصك.

ولما تقرب من شخص هادي، بيعرف يحتوي المواقف ومبيكبرش المشاكل، هتلاقيك بقيت أهدى وبتعدّي حاجات زمان كنت بتقف عندها.

ولو حواليك حد كريم في كلامه، بيشجع الناس ومبيوجعش حد بكلمة، هتلاقي لسانك اتعود يقول الحلو بدل النقد والتجريح.

لكن لو فضلت مع شخص مبيشوفش غير الوحش، ودايمًا بينتقد ويشتكي ويتصيد أخطاء الناس، للأسف مع الوقت هتلاقي نفسك بقيت زيه من غير ما تحس.

ولو صاحبت حد بيحب ينقل كلام ويوقع بين الناس، أو دايمًا بيحكم على النوايا، هتلاقي قلبك بقى أتقل ونظرتك للناس اتغيرت.

علشان كده... اختار مين يقرب منك، لأن اللي بتقضي معاهم وقتك بيأثروا فيك أكتر ما انت متخيل.. قرب من الناس اللي وجودهم يطمن، وكلامهم يهون، وقلوبهم صافية، لأن الطبع بيتنقل قبل الكلام.

اللهم ارزقنا صحبة صالحة تعينّا على الخير، وارزقنا نقاء القلب، وسلامة الصدر، وحسن الظن بك وبعبادك.

Address

Cairo

Website

Alerts

Be the first to know and let us send you an email when 𝗪𝗼𝗿𝗱𝘀 posts news and promotions. Your email address will not be used for any other purpose, and you can unsubscribe at any time.

Shortcuts

Share