https://www.facebook.com/475084529351031/

Ema Bride - اتيليه قصر العرائس -, Cairo (2026)

01/02/2026

https://www.facebook.com/share/1AT44paqX1/

نحو حياة أفضل ، اسعد ، أكثر استقرارا

22/10/2022

زمان وأنا لسه صغيرة كانت أمى هى اللى بتفصللى هدومى...❤
وكل مرة تصمملى حاجة تسيب مساحة من القماش متنية من الداخل.
ولما أسألها بكل برائة ... ليه؟
تقولى يمكن تطولى أو جسمك يتغير فنعرف نظبطه بعد كده.
وكبرت ؛
ولما بدأت أخد بالى من تفاصيل الهدوم "الجاهزة" ،
ماكنتش بلاقى المساحة دى ولا حتة القماش الزيادة اللى هتسعفنى لو الطقم ضاق أو قصر عليا...!

ف حياتنا ناس وعلاقات جميلة زى قماش وتفصيل أمى...

علاقات مش بتبوظ لو إتغيرنا وكبرنا
ومش بتتقطع ولا تتمزع لو إتفردنا فيها شوية أو شدناها.
علاقات بتسيب لينا مساحات للوقت والظروف تتحمل تغيرنا وتقلبنا وضيقنا وإتساعنا.
علاقات هاند ميد
إتعملت بهدوء وإتكونت بجهد وتعب.

وفى ناس وعلاقات تانية زى الهدوم الجاهزة،
تبان شيك جدآ وعلى قد مقاسنا بالظبط بس مافيهاش سنتيمتر واحد زيادة برة حدودنا !
يادوب على قد الوقت والحالة اللى إحنا فيها !
يوم ما هنتغير هتتفرتك وتتمزع !

أنا كبرت وعرفت إن التفصيل أفضل مليون مرة من الجاهز ،
وعرفت إن أمى عندها حق
وعرفت إنى لازم أتعب ف تكوين العلاقات عشان تعيش.
وإنتو كمان إتعبوا ف علاقاتكم وإبذلوا فيها الجهد ،
وإدوا فيها المساحة المستخبية لتحمل التغيير،
الجاهز بيليق عليك وعلى غيرك
لكن التفصيل إتعمل علشانك إنت👍 إنت وبس❤
اتيليه قصر العرائس MY QUEEN
فن التفصيل ودقه التفاصيل