كريز وبندق

16/07/2024

23/03/2024

كحك العيد الدايب 🫓🫓🫓 بأسهل طريقة من غير حورات ولا افتكاسات 💪💪
لكل كيلو دقيق وبتضاعفي الكميه زي ماتحبي
نص كيلو سمنه ولو عيزاه دايب اكتر زودي معلقتين كمان
ربع كوب سكر +معلقة صغيرة خميرة
معلقة كبيرة محسن كيك
رشة ملح مع الدقيق
3معالق كبار سمسم محمص على خفيف
تلت كوب لبن حليب
تلت كوب ماء دافئ
ممكن تضاعفي الكميات لو اكتر من كيلو دقيق🫓🫓🫓
اول حاجه ارفعي السمنه ع النار تسخن جامد
ضيفي الاضافات الجافه على الدقيق ماعدا الخميرة ضيفيها للمايه مع معلقة سكر واركنيها تتخمر،،وقلبيها كويس
ضيفي السمنه على الدقيق شويه شويه ،، وقلبي كويس هتلاقي الدقيق معجون بالسمن وهتحسي انه مش محتاج سوايل متقلقيش ،، ضيفي الحليب تكون درجة حرارته بدرجة حرارة المطبخ وقلبي كويس لحد ما الحليب يختفي وسيبيه يهده اول لما يبقا دافي ضيفي الخميرة وقلبي كويس وسيبيه يبرد تماما لو مستعجله دخليه تلاجة لما تحسي انه برد وجمد بسي العجينه بإيدك هتلاقيها بتنعم معاكي بسهوله شكليها زي ماتحبي ،، والكحك بيستوي على نار هاديه سيبي السمنه هي اللي تسوي الكحكه من جوه هيبقا دايب وزي الفل 🌷🌷
#اللهم ديم علينا النعم واحفظها من الزوال
#كحك العيد
#الكحك الدايب
#الكحك الناعم #الكحك على الساخن
#نواعم العيد

18/03/2024

جربوا الكيك بالطريقة دي 👇 صدقوني هتتاكل اكتر من الكنافه والقطايف 🤗🤭
3 بيض + ڤانيليا
علبتين ذبادي
كوب الا ربع سكر
كوب الا ربع زيت
كيس بيكنج بودر او تلات معالق كبار
معلقة دقيق بسبوسه + معلقة نشا
الدقيق على حسب ماتاخد منك ممكن كوب ونص
كله مع بعضه ف الخلاط ماعادا الدقيق انزلي عليه بالسوايل ف اى بوله اول ما العجينه تظبط معاكي نزليها بصينيه وسط وضيفيلها من فوق زبيب وفول مفروم سويها على نار هاديه
#اللهم ديم علينا النعم واحفظها من الزوال
#الكيكه #كيكة

https://youtube.com/shorts/DfLrxlDmmKE?si=
2X6XTB0ifzAaQ_X6

13/03/2024

بما إن الفراخ 🍗 🍗 اللي كان زمان أهالينا بيتكسفوا يعزموا ضيوف عليها بقى ليها قيمة وسعر وبورصة 🤔😆
إعملوا اجنحتها ياجماعه مش لازم الفرخه 🤭 طريقة مختلفة و لذيذه لأجنحة الدجاج جربوها هتعجبكم جدا 🔥🔥🔥🔥
#اللهم ديم علينا النعم واحفظها من الزوال


#رمضان
#مصر #القاهرة

02/03/2024

نصائح ممكن تستفادي بحاجه منها 🌹♥️
💢💢💢💢💢💢💢💢💢💢💢💢💢

💢 أهم نصيحة نتيجتها مضمونه انك تسمي الله اول ماتحطي ايدك على اي حاجه ف بيتك دايما قولي بسم الله

💢 وانتي بتعملي اى حاجه فيها بيكنج بودر ضيفيه على السوائل قبل الدقيق بيندمج اكتر وبيكون مفعوله أحسن

💢 اي كيك ساده مش بني الافضل انك تستبدلي معلقتين دقيق ب معلقتين نشا بيخلي الكيك ف حته تانيه

💢 وانتي بتعملي الكيك متسيبهوش ف الفرن كتير مجرد ما الحروف تحمر بسكينه رفيعه لو مطلعش معاكي عجين يبقا استوت لو وشها محمرش شغلي عليها الشوايه دقيقه واقفلي النار لو زاد عليها السوا لونها بيغمق

💢 وانتي بتعملي اي وصفه بتعايري بنفس الكوب كل المقادير

💢 وانتي بتعملي كيك وناويه هتحطي عليه كريم شانتي لازم تسقيه اي حاجه من دول 👈 لبن أو شربات حلويات خفيف أو مربى متخففه بمايه

💢 اى حاجه على النار عاوزين تزودوها ميه لازم الميه تكون سخنه جدا

💢 قبل ماتحطوا الكاكاو للكيك انخليه علشان مايعملش تكتلات

💢 لو بتعملى الكيك بالسمنه اضربى السمنه مع السكر وبعدين ضيفى بيضه بيضه

💢 لو بتعملى الكيك بالزيت اضربى السكر مع البيض الاول وبعدين ضيفى الزيت

💢 وانتي بتعملي البسبوسه متعجنيش كتير عشان متطلعش ناشفه ،، وقللي سوايل وزودي السمنه او الذبده ، وكمان متحطيش بيكنج بودر كتير لانه لو زاد بتبقى زي الكيك وتفك منك ومتبقاش قطعه واحد

💢 وانتي بتعملي الكنافه لما تضفيلها السمنه عشان تفركيها بيها ضيفي معاها ڤانيليا بتخلي ريحتها زي بتاع المحلات 👌

💢 محلول النقع بنحط لمون ماينفعش خل
الخل بيخلى الفراخ تشد بيفرتك الفراخ لكن بتشد

💢استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش

💢 قبل ماتحطى اللبن فى الحله على النار حطى معلقتين ميه لا يمكن يلزق ابدا.

💢ورق اللورا بيساعد على تفتيح لون انسجة الفراخ وانتى بتسلقيها

💢 لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل

💢 فى اكلات ماينفعش نغطى الحله بعد مانسويها زى الملوخيه والسبانخ نوارب الغطا لغاية ما يطلع البخار

💢 متكتريش بهارات وتوابل وانتي بتعملي لحوم بتضيع طعمها
💢 لو وصلتي لحد هنا صلي على سيدنا ونبينا محمد عليه افضل الصلاة والسلام
واعملي شير يمكن غيرك يستفاد 🌹

#طريقة
#مقادير

01/03/2024

😂😂😂