02/08/2025
- وأنا صغير كنت الدغ في حرف الكاف، كنت بقولها "ت"، يعني مثلًا بدل ما أقول "كلب"، أقول "تلب"… كانت لدغة معاقة بجد!
= يعني كنت بتقول "التلب" بدل "الكلب"؟
- أيوه، كنت عايش في "التويت"!
= اهلا 😂
- وكنت بروح المدرسة معايا "التتاب" و"التراسة"، بصراحة كانت لدغة صعبة جدًا.
= عَ بركة الله يا ابني 😅
- المشكلة إن اللدغة كانت بتغيظ ماما جدًا، بابا كان شايفها عادي، بس ماما كانت بتقوله: "اتصرف! وديه لدكتور، اعمل أي حاجة!"
= طبيعي
- اللي زاد الطين بلّة إن المشرفة الاجتماعية في المدرسة، وكانت مصرية، قالت لبابا – وانا سمعهم –:
"ما تشد عليه يا بشمهندس! ده ابنك بيدلع، شد عليه واديله على دماغه كده وهيبقى زي الفل!"
يعني ست ما تعرفش لا منطق ولا علم ولا درست تخاطب حتى!
= يا نهار أبيض
- بعدها بيومين كده، لقيت بابا فجأة زعقلي وقاللي:
"انت بقالك ساعة تقول التويت! اسمها الكويت يا بني آدم!"
ورفع إيده عليا كأنه هيضربني، خوفت جدًا وقلتهاله بسرعة كده:
"الكويت يا طاطا!"
= يا طاطا؟!
أيوه، ماما بصّتلي وقالت: "إيه طاطا دي؟!"
راح بابا قالها: "ما هو ال ب شكلها ضربت، صلحنا الكاف،
ال ب باظت!" 😭
©︎حسام داغر _ فايق و رايق 🎙
