Möstäfä möñër

13/06/2017

12/05/2017

كل سنة وأنتو طيبين .. فاضل أسبوعين على رمضان 😍😍😇

كلنا بتيجي ف بالنا أسئلة زي : هنظبّط أكلنا إزاي ؟؟ .. هنغيّر روتين التمرين ؟؟ .. ولا هنفضل ماشيين على جدولنا ؟؟ أنهي أحسن وقت للتمرين في رمضان ؟؟ .. أخلي هدفي تنشيف ولا تضخيم ف رمضان ؟؟ .. طب أتصرف إزاي ف العزومات ؟؟ .. و حلويات رمضان مقربلهاش خالص !! :( :/

دلوقتي هنجاوب ع الأسئلة دي واحدة واحدة .. 😍😍

1- أول حاجة خالص المفروض تحدد هدفك .. عشان على أساسه هتحدد وجباتك وأكلك .. ولو محتار تنشّف ولا تتضخّم .. ف رمضان عشان وقته قليل .. يناسب أكتر التنشيف .. عشان عدد ساعات الفطار قليل على وجبات التضخيم الكبيرة نسبيا اللي بتحتاج كام ساعة بين الوجبة والتانيه عشان تلحق تهضم .. 😋😋😋

2- بعد ما حددت هدفك .. شوف نظام أكلك كان ماشي ازاي قبل رمضان .. لو كنت ماشي بنظام السعرات وبتحسب سعراتك كل يوم .. الفرق إنك هتقلل عدد الوجبات بس شوية عشان تقسمهم على الوقت من المغرب للفجر .. وتقسم سعراتك عليهم عادي جدا .. لو هتاكل تلت وجبات كبيرة مثلا .. وبتاخد بروتين .. ممكن تاخده بين الوجبات .. ويفضّل أول وجبتين يكونو كارب وبروتين .. والدهون و البروتين بطئ الامتصاص زي اللي ف الجبنة القريش أو الفول .. تخليهم لآخر وجبة اللي هي السحور .. عشان هتاخد وقت أطول ف الهضم .. 😋😋😋

3 - وطبعا متنساش المية .. يعني المفروض تشرب كمية مناسبة من المياة تقسمها على عدد الساعات من المغرب للسحور .. 🥛🥛🥛🥛

4 - نيجي بقى لأهم حاجة وهي وقت التمرين : قبل الفطار هيكون صعب جدا عشان المية والحر اللي احنا فيه ده .. حتى الناس اللي كانت متعودة تتمرن كارديو أول ما تصحى من النوم بتكون محتاجة مية .. ف كده قدامك تلت اختيارات : تفطر على مية ومصدر كارب زي موز أو تمر وتشرب قهوتك المتينة .. وتروح تتمرن .. وتيجي بقى تاكل وجبتك الأولى .. أو تفطرعلى وجبتك الأولى .. وبعد ساعتين أو بعد التراويح تتمرن .. .. أو تاكل وجبتك الأولى وتصلي تراويح وتاكل وجبتك التانيه .. وتتمرن قبل السحور على طول اللي هو المفروض هيكون متأخر بقى يعني تتسحر قبل الفجر بنص ساعة مثلا ولا حاجة .. 💪💪💪

5- طبيعة التمرين بقى نفسه : هيتحدد برضه على حسب هدفك .. بس أهم حاجة ميكونش وقته كبير .. يعني ساعة .. ساعة ونص بالكتير .. وتقدر تحافظ على جدولك اللي ماشي عليه عادي .. يعني مفيش داعي تغيره .. غير لو فيه تغيير ف هدفك أو خطتك .. بس اتفقنا إن أهم هدف عندك تحافظ على كتلتك العضلية .. ف لو جسمك تعبان من الصيام .. مفيش داعي تحاول تتحدى نفسك أو تضغط على نفسك ف التمرين وتحاول تحقق سكور جديد .. يعني لو حاولت تحافظ على مستواك .. او تتمرن على حسب قدرتك .. هيكون عظيم جدا .. أحسن ما تبطل تمرين خالص !! .. بس بخصوص الكارديو .. مفيش داعي يكون أكتر من تلت ساعة أو نص ساعة .. أعتقد هيكونو كافيين جدا .. وممكن مش كل يوم كمان عادي جدا حسب هدفك .. 💪💪💪

6 - أكتر نقطة حيوية : العزومات و الحلويات .. رمضان طبعا فرصة عظيمة جدا لصلة الرحم والصحاب .. وبتكتر العزومات وكده .. ف لو عامل لنفسك وجبة فري .. ممكن تعتبر العزومة دي هي الوجبة الفري بتاعتك .. ومش لازم تخلص ع السفرة كلها يعني :D .. ممكن تحط ف طبقك اللي يناسب احتياجك بس وتلتزم بيه .. وبخصوص الحلويات .. مش لازم تحرم نفسك منها .. ممكن تخليها مرة واحدة ف الأسبوع مثلا .. ومش بكمية كبيرة برضه .. 😋😋😋

يعني نخلي هدفنا كلنا على المستوى البدني : إن محدش يخرج من رمضان زايد دهون ولا خسران عضل .. 💪💪💪

02/05/2017

لو عايز تنجح خليك لوحدك ❤️

30/04/2017

20/03/2017

اسباب ثبات الوزن✋
- الموالح والمخللات .......وخاصة الليمون والزيتون .🌨
- السكريات ......حتى ولو كانت قطعه صغيره جدا .🍚
- الاعتماد الكلى على الدايت دون ممارسة رياضه منتظمه .🙋
- الامساك والانتفاخات وعسر الهضم وهياج القولون .🏃
- فترة الدوره الشهريه لدى النساء .🙆
- تبديل الايام أو الوجبات اثناء الرجيم .🙎
-عدم كسر روتين التمرين او الدايت🙋
-عدم النوم 8 ساعات يوميا في الليل😴
- حذف وجبة الافطار .🙍
- شرب كميات كبيره من الكافيين قهوه ونسكافيه والشاى .☕️
- تناول وجبة العشاء فى اوقات متاخره او النوم مباشرة بعدها حتى ولو كان نوع الطعام صحى مثل الفاكهه او الزبادى يجب تنولها قبل النوم بساعتين على الاقل .🍏🍎
- عدم تنويع الانظمه الغذائيه الاشكال الثابته من الرجيم فتره طويله .😇
- عدم تناول السلطه لانها تزود الحرق بنسبة 30 % .🍄🍆
- عدم تناول الفاكهه تحتوى على بعض العناصر الهامه لتنشيط الحرق مثل مجموعة فيتامينات ب وبعض الاملاح المعدنيه .🍓🍎🍐
- عدم تناول الاسماك والماكولات البحريه نظرا لاهمية الاوميجا 3 فى تقليل الدهون وخاصة دهون الدم وتقليل اكسدة الدم وتنشيط الحرق🐋🐟
- عدم تناول منتجات الالبان نظرا لاهمية بعض البكتيريا النافعه التى ترفع مستويات الحرق وتحسين عسر الهضم والانتفاخات

18/03/2017

2016/2015

31/10/2015

احلى دعوة
فى #الصبح
اغلب نااس

21/10/2015

#ادمن

08/10/2015

يا #جـــــــزمــــة