25/09/2025
ُقْدِم_على_ الانتحار
- اوعى تفكر إنك لما تمشي هترتاح.
- إنت مش عارف إيه اللي ممكن يكون منتظرك لو عملت كده!😢
- الفعل ده من أكبر الكبائر؛ لأنك بتبادر بنفسك، وبتستعجل ساعتك، وبتنازع ربك في اللي مش مِلكك.
مش خايف يحبط عملك؟
مش خايف إنه يع.ذ.بك؟
مش خايف إنه يحرمك من الجنة؟
ليه تعمل في نفسك كده؟!
طيب لو نَفسَك مش فارقة معاك إيه ذنب اللي وراك؟!😢
- إيه ذنب أمك وأبوك؟!
-إيه ذنب زوجتك وولادك؟!
-إيه ذنب إخواتك؟!
ليه تك.سر قلوبهم؟!
ليه تخليهم العمر كله عايشين مي.تين؟!😢
حرام عليك، متبقاش أناني.
كل مشكلة وليها حل بإذن الله
وعمر ما كان استعجال الم.و.ت هو الحل
ارجع عن اللي في دماغك، ربنا يهديك، ويشرح صدرك، ويريح بالك، ويهديلك نفسك.
: كل اللي له قريب يشوفه مكتئب، أو يحس إنه ممكن يعمل حاجة زي دي، ميستناش عليه، ميسيبوش يقعد لوحده، يروحله، ويتكلم معاه، ويسمع منه، ويحاول يخفف عنه.
وميستهزأش بمشاعره، ولا يقلل من أحاسيسه، وميسيبوش إلا لما يحس إنه طلع الفكرة دي من دماغه.
كتبه: هاني الشربيني
