08/02/2026
مساء الورد ❤️
اولاً أنا يعتذرا جدا جدا علي كل التأخير دا سواء فان الصفحه ينزل عليها شغل جديد او الرد علي الرسايل او الحجوزات الي اتلغت والي مقدرتش اقبلها أصلا
من آخر ديزاين نزل عالصفحه عندي كان في كوليكشن كامل جاهز ومتصور وبس عالنشر وربنا أراد انه يرزقني ببدايه شغل جديده او طريق حابه ابدأه بره مصر تحديدا فالسعوديه والحمد لله كميه الحماس والرغبه الي كانت جوايا وجوا
كل الي شاف شغلي فمصر وبره مفجأتنيش أبدا لأني دايما واثقه فاختيارات ربنا ومن غير ما ادخل فتفاصيل كتير أنا اول مره دخلت السعوديه كان فرمضان وقررت اني اول حاجه هعملها العمره وبعدين اركز فالباقي و أنا بعمل العمره طلبت من ربنا اولاً انه يرزقني بنونو ربنا يرزق كل مشتاق يارب وبعدها ان ربنا هو الي يختارلي السكه الائمن لقلبي ولحياتي وشغلي وبيتي وربنا اختار او أنا كنت فاهمه ان ربنا اختار وكملت ورجعت ارتب حياتي وشغلي بين هنا وهناك وفنص السكه عرفت ان ربنا شايلي اول دعوه دعيتها وكمان جابر بخاطري اوي الحمد لله رزقني باجمل تؤام فالدنيا “ روح و نوح “ ربنا يحافظ عليهم ويباركلي فيهم قررت ساعتها ان كل شئ يؤجل لجل عيونهم ولأن حملي كان شبه مستحيل انه يكمل مشوفتش ايام سهله خالص من يوم ما عرفت لحد فتره قريبه مكانتش فتره سهله خالص .. تقريبا كدا مفيش دكتور نسا او أطفال بره او جوه مصر مبقاش عارفني 😂 المهم أنا بحكي كل دا ليه عشان أنا ممتنه جدا لكل العملاء الي دخلو مكاني من و وثقو فيا من اول يوم اشتغلت فيه ممتنه لكل عروسه قررت تعمل فستان فرحها عندي ممتنه لكل عروسه اختارت انها تعمل فستان الخطوبه وقالتلي أنا فستان فرحي عندك بكل ثقه و أمان ولأن حقكو عليا تعرفو حصل ايه الفتره دي من غير تفاصيل عشان في عملا زعلت مني اني مردتش وناس مكانتش تعرف أصلا اني مش فمصر وقتها وناس اتصلو واترد عليهم ان المكان مش شغال حاليا بدون ما أوضح أسباب وناس قررت انها تختار زملاء تانيين علي عيني وراسي وناس أنا رفضت شغلها وناس لحد دلوقتي لسه بتسأل هبدا استقبل مواعيد تاني امتي فأنا بكتبلكو دا دلوقتي عشان اقولكو اني قريب اوي اوي ان شاء الله هفتح الحجز ومش هيكون في تنويه قبلها بفتره بالمكان والمواعيد المتاحه ❤️
كل العملاء الكرام الي ميأسوش يبعتو من آخر فستان نزل لحد دلوقتي دول ليهم خصم مدي الحياه ❤️ ودمتو فعز وامان و راحه بال وحب وربنا جابر بخاطر كل بنوته بكل الي بتتمناه ❤️
وتذكرو دائما ان الصفوف الاخيره ليست صفوفنا نحن أينما نقف يبدأ العد 🦋
