04/12/2025
يا جماعة… الجَدّ جِه، والفُرصة الحقيقية بانت لينا،
وبقينا نقدر نقول كلمتنا بضمير ومن غير ما حد يِفرض علينا رأيه ولا يِوجّه خطوتنا.
بس اللي باقي علينا… إننا نثبت إننا موجودين، وإن صوت كل واحد فينا له قيمة ومعنى.
وانتوا وشطارتكم… اختاروا الطريق اللي يريح قلبكم،
اللي يوافق الحق اللي جواكم…
لإن الحق دايمًا راجع لأصحابه، والعدل عمره ما بيضيع.
وأنا بقولها من القلب:
أنا مش فرحان لنفسي… ولا مبسوط علشاني،
أنا فرحان علشان كلمة الحق رجعت،
علشان يبقى في عدل ومساواة بجد،
ويبقى عندنا طريق نمشي عليه بصدق،
ويبقى لكل واحد رأيه ورؤيته،
والبلد تكبر وتبقى أحلى وأجمل.
ويا أهل ملوي…اهلي وناسي وعزوتي ووطني
اسألوا، واعرفوا، ودوّروا…
اعرفوا مين اللي واقف معاكم بجد،
ومين اللي بيحطّ مصلحته فوق كل شيء.
وأنا واحد منكم، ولَكُم…
لو أستاهل مكان بينكم يبقى خير وبركة،
ولو ما أستاهلش… يبقى لازم تختاروا اللي ينفعكم،
لإن التغيير الحقيقي دايمًا بيبدأ من ناس واعية،
ناس قلبها صاحي، وعارفه طريقها.
إسأل… ودوّر…
وبإيدينا—وبس بإيدينا—نخلي بكرة أرحم وأعدل وأجمل.
اسامه كرم عزب
عن دائرة 🇪🇬
بندر ومركز ملوي
رمز العقرب ٢٢ 🦂
موعدنا في الخارج 8&9ديسمبر الجاري
وداخل مصر 10&11 ديسمبر الجاري
