04/07/2023
مساء الخير ❤️
محتاجه احكي موقف حصل لينا النهارده في الاتيليه كان نتيجته الكومنتات ديه الي كان ممكن نمسحها ببساطه بس احنا مبنجبش نعمل كده
يا ريت تستحملونا و تقروا للاخر ❤️❤️
اولا : في كلينت هي و مامتها و اختها شرفونا قبل العيد بكام يوم عشان يحجزوا في مناسبه في العيد في وقت العروض الي كنا عاملنها اليوم الي جم فيه اتاخروا جدا علي معادهم لدرجه اننا قاعدنا نستناهم بعد معاد الاتيليه ساعه كامله و مردناش نقفل و استنناهم لان مينفعش يبقي حد جايلنا و منستناش مع ان كان في تأخير اكتر من ساعتين
وصلوا و البنت قاست الفستان و خدنا مقاسات عشان تستلمه متظبط عليها و بلغناها ان التسليم هيكون قبل العيد عشان احنا هناخد اجازه و هيرجع بعد العيد
ثانيا :يوم الاستلام اتصلوا بينا عايزين ننزل نسلمهم في اجازتنا عشان عندهم ظرف بلغناها ان ممكن اي حد يستلم و تم التأخير علي معاد الاستلام اكتر من ساعتين بردو و تم الاستلام و التبليغ علي معاد تسليم الفستان يوم التلات بعد العيد الساعه ٦
ثالثا: النهارده كان معاد الاستلام تم التواصل مع العميله امبارح و التأكيد علي تسليم الساعه ٦ و تم الموافقه علي المعاد
المشكله بقي هنا 😕اتصلت بيا الام الساعه ٥ و نص عشان عايزه ترجع الفستان بكره مش النهارده …اعتذرنا ان الفستان لازم يتسلم لان هيطلع لعمليه بكره و لازم ياخد الدوره بتاعته في التظبيط و الدراي كلين عشان العميله تستلم بكره
كان الرد ان في حاله وفاه و مش هينفع تجيبه و لما قولنا مش هينفع تم تأخير الفستان لحد الساعه ٨ و نص و كل ما نكلمها تقول في الطريق و طبعا الوقت اتزنق معانا جدااا
جت الام و حاولنا نفهمهما ان لو مكنش عليه حجز بكره كنا مافيش مشكله يرجع امتي نظرا لحاله الوفاه بس الغريب ان الام جايه المفروض من العزا بلبس ملون و قولنا معلش محصلش حاجه …مع ان من تعليمات خلف الوصل بتقول لو الفستان اتأخر يتم خصم التأمين
لكن احنا معملناش كده و رجعنا الفلوس و كمان اعتذرنا عشان موفقناش يرجع تاني يوم
لان كل الي اتعامل معانا عارف ان احنا اكتر اتيليه بيظبط الظروف جدااااا للبنات و ساعات بيبقي علي حسابنا
النتيجه كانت حمله كومنتات بتعيب فينا من ناس غريبه جدا
احنا معمناش حاجه غلط و مش خايفين من الحمله ديه و راعينا الظروف الي كل شويه كانت تطلع لحد اخر لحظه و ديه كانت النتيجه
يا ريت كل بنت اتعاملت معانا تقول رأيها في المعامله و الاتيليه ❤️❤️ شكرا ليكوا جدا
