Roaa Elghetany

Roaa Elghetany Contact information, map and directions, contact form, opening hours, services, ratings, photos, videos and announcements from Roaa Elghetany, Port Said.

🔴 الغريب إن الظلم اللي اتعرض له منتخب مصر امبارح، وصل صداه للعالم كله ....الفرنسيين عملوا أغنية كاملة عن اللي حصل في الم...
09/07/2026

🔴 الغريب إن الظلم اللي اتعرض له منتخب مصر امبارح، وصل صداه للعالم كله ....

الفرنسيين عملوا أغنية كاملة عن اللي حصل في الماتش، وبدأوها بجملة مؤثرة ....

"Moi, je suis français… mais ce soir, je me sens égyptien"
"أنا فرنسي... لكن الليلة دي حاسس إني مصري"

لما اللي برا بلدك يشوف الظلم ويعترف بيه... يبقى أكيد إحنا مش بنتخيل 🙂

🎵 كلمات الأغنية والفيديو في أول تعليق.

🔴 فتحت يوتيوب... لقت نفسها تريند بعنوان ...."أقبح امرأة في العالم"سنة 2006، وصلت لـ"ليزي فيلاسكويز" رسالة فيها لينك يوتي...
09/07/2026

🔴 فتحت يوتيوب... لقت نفسها تريند بعنوان ....

"أقبح امرأة في العالم"

سنة 2006، وصلت لـ"ليزي فيلاسكويز" رسالة فيها لينك يوتيوب
دخلت وهي فاكرة إنه فيديو عادي... لكن أول ما فتحته، حياتها اتشقلبت
الفيديو كان عنوانه "أقبح امرأة في العالم"

الصورة اللي في الفيديو كانت هي... والفيديو وقتها كان متشاف أكتر من 4 مليون مرة
لكن اللي كسرها فعلًا، مكانش العنوان... كان التعليقات
آلاف الناس كانوا بيتريقوا على شكلها، وفي ناس كتبت لها صراحة "انتحري."

ليزي اتولدت سنة 1989 في ولاية تكساس الأمريكية، قبل ميعادها بـ4 أسابيع، وكان وزنها حوالي كيلو و200 جرام
الأطباء وقتها قالوا لأهلها إنها غالبًا مش هتعيش حياة طبيعية.

وبعد الفحوصات، اكتشفوا إنها مصابة بمتلازمة نادرة جدًا... لدرجة إن عدد المصابين بيها في العالم كله وقتها كان 3 أشخاص بس

المتلازمة دي بتمنع جسمها من تخزين أي دهون
عشان كده وزنها فضل طول حياتها حوالي 29 كيلو، رغم إنها بتاكل يوميًا بين 5000 و8000 سعر حراري علشان تقدر تعيش

وكمان كانت بتشوف بعين واحدة بشكل محدود، وعندها هشاشة عظام وضعف في المناعة
ورغم كل ده... أهلها عمرهم ما حسسوها إنها مختلفة
كبرت وهي فاكرة إنها طفلة عادية، لحد ما دخلت المدرسة

هناك بدأت تلاحظ إن الأطفال بيبعدوا عنها، ومحدش عايز يلعب معاها... من غير ما تكون فاهمة السبب
لكن أصعب لحظة في حياتها كانت الفيديو
بتقول إنها فضلت تقرأ التعليقات واحدة واحدة...

وكان عندها أمل تلاقي تعليق واحد بس يقول لها كلمة حلوة
لكن على حد وصفها ...
"قرأت آلاف التعليقات... ولم أجد شخصًا واحدًا يدعمني"

اليوم ده دمّرها.
لكن بعد فترة، قررت تعمل حاجة محدش كان متوقعها
قررت إن الفيديو اللي كان المفروض ينهي حياتها... يكون هو بداية حياتها
بدل ما تستخبى...

طلعت تواجه العالم.
بقت واحدة من أشهر المتحدثين التحفيزيين في أمريكا، ولفّت جامعات ومؤتمرات في العالم كله، وكتبت كتب ساعدت آلاف الشباب اللي بيعانوا من التنمر أو فقدان الثقة بالنفس

وساهمت كمان في دعم حملات وتشريعات لمواجهة التنمر
والأغرب...
إنها بعد سنين قالت إنها بتشكر الشخص اللي نشر الفيديو...
لأنه، من غير ما يقصد، كان السبب الحقيقي في إنها تكتشف قوتها وتغير حياتها بالكامل

أوقات أكتر حاجة بتوجعك... هي نفسها اللي بتبقى سبب في إنك تبقى أقوى 💙

🔴 7 مليارات دولار... وماتش واحد قلب الدنيا ..؟!لو أنت فاكر إن اللي حصل في ماتش مصر والأرجنتين مجرد جدل تحكيمي... استنى ش...
09/07/2026

🔴 7 مليارات دولار... وماتش واحد قلب الدنيا ..؟!

لو أنت فاكر إن اللي حصل في ماتش مصر والأرجنتين مجرد جدل تحكيمي... استنى شوية

لأن المباراة دي ما كانتش مجرد 90 دقيقة كورة
بحسب بيانات منصات المراهنات العالمية، مباراة مصر والأرجنتين كانت من أكتر مباريات كأس العالم تداولًا، وقيمة المراهنات عليها وصلت لحوالي 7.3 مليار دولار

قبل بداية اللقاء، كل التوقعات كانت بتقول إن الأرجنتين هي الأقرب للفوز، وفرص مصر كانت ضعيفة جدًا

لكن فجأة...
منتخب مصر يسجل هدفين، والمشهد كله يتقلب
في لحظات، احتمالات الفوز اتغيرت بالكامل، واللي راهنوا على مصر بقوا على بعد دقائق من مكاسب ضخمة، بينما منصات المراهنات كانت قدام خسائر بملايين، وربما مليارات

وهنا... بدأت المباراة تاخد منحنى تاني
هدف لمصر يتم إلغاؤه بعد الرجوع لتقنية الـVAR، في قرار أثار عاصفة من الجدل، مش في مصر بس، لكن كمان بين عدد من خبراء التحكيم ووسائل إعلام رياضية خارجية، خصوصًا بسبب الرجوع لبداية الهجمة بعد مرور وقت طويل

وبعدها...
الأرجنتين ترجع للمباراة، وتسجل، ثم تخطف الفوز
من هنا... الأسئلة بدأت

هل كانت مجرد أخطاء تحكيمية ..؟؟
ولا حجم الأموال اللي كانت بتتحرك حوالين المباراة خلّى الناس تربط بين اللي حصل وبين سوق المراهنات ..؟!

الجدل لسه مستمر
والانتقادات للتحكيم والفيفا لسه موجودة
والأسئلة لسه بلا إجابة واضحة
يمكن الحقيقة أبسط مما يتخيل البعض...
ويمكن أعقد بكتير

لكن المؤكد إن مباراة واحدة كانت كفاية تخلي ملايين الناس حول العالم يسألوا السؤال نفسه...
إزاي 90 دقيقة كورة... تسيب كل علامات الاستفهام دي ..؟!

🚨 الكوبرا نزلت من الجحور... وفيه ناس ماتت فعلًاإيه اللي بيحصل في الشرقية.....؟!خلال الأيام اللي فاتت، محافظة الشرقية عاش...
08/07/2026

🚨 الكوبرا نزلت من الجحور... وفيه ناس ماتت فعلًا
إيه اللي بيحصل في الشرقية.....؟!

خلال الأيام اللي فاتت، محافظة الشرقية عاشت حالة رعب بعد زيادة مفاجئة في لدغات الثعابين، وبالتحديد الكوبرا المصرية، واحدة من أخطر الثعابين السامة في مصر

البداية كانت من قرية القراقرة التابعة لمركز منيا القمح

سهام، سيدة عندها 37 سنة، كانت بتشتل الرز مع جوزها في الأرض الزراعية، وفجأة اتلدغت حالتها ساءت بسرعة، وقبل ما تلحق توصل للعلاج... توفيت

بعدها بأيام...
طفل في رابعة ابتدائي اسمه عبد الرحمن نزل يساعد والده في الأرض، واتلدغ هو كمان. حاولوا ينقذوه، لكن للأسف فارق الحياة

وبعدهم...
بنت اسمها ملك من كفر حسين الطوبجي تعرضت هي كمان للدغة

ومع الأيام، الإصابات بدأت تزيد، ووصلت لأكثر من 20 حالة، أغلبها في الأراضي الزراعية، وبعضها داخل البيوت

طيب... ليه الكوبرا ظهرت فجأة؟
السبب يمكن بسيط

إحنا في عز الصيف، والثعابين من الحيوانات ذوات الدم البارد، يعني جسمها مابيعرفش ينظم حرارته

ولما الحرارة ترتفع...
بتسيب الجحور، وتبدأ تدور على أماكن أبرد أو على فرائس، وساعتها بيزيد احتكاكها بالبشر

كمان فيه سبب تاني...
الأعداء الطبيعيين للثعابين، زي النمس المصري وبعض الحيوانات البرية، أعدادهم قلت، فبقى انتشار الثعابين أسهل من الأول

يعني اللي بيحصل مش ظاهرة غريبة...
لكن الموسم ده الإصابات كانت أكتر من المعتاد

لو - لا قدر الله - حد اتلدغ...
❌ متربطش فوق مكان اللدغة
❌ متشفطش السم بفمك
❌ متحطش تلج
❌ ومتجريش بالمصاب أو تخليه يتحرك كتير

الصح...
✅ حاول تهديه
✅ قلل حركة الجزء المصاب
✅ واتجه فورًا لأقرب مستشفى، لأن الأمصال متوفرة في أماكن كتير، وكل دقيقة بتفرق

ولو قدرت توصف شكل الثعبان للأطباء... هيساعدهم يحددوا العلاج المناسب بسرعة

وربنا يحفظ الجميع، ويبعد عنكم كل سوء 🙏🏽

ما هو كان مستحيل يسيبوك ترفع علم فلسطين مرة تانية... أو حتى تذكرها في مؤتمر صحفي 🇪🇬🇵🇸
08/07/2026

ما هو كان مستحيل يسيبوك ترفع علم فلسطين مرة تانية... أو حتى تذكرها في مؤتمر صحفي 🇪🇬🇵🇸

🔴 وهو الفلسطينيين متجمعين يشجعوا مصر... إسرائيل اغتالت الراجل اللي جمعهم ....في الوقت اللي كنا كلنا قاعدين بنتابع ماتش م...
08/07/2026

🔴 وهو الفلسطينيين متجمعين يشجعوا مصر... إسرائيل اغتالت الراجل اللي جمعهم ....

في الوقت اللي كنا كلنا قاعدين بنتابع ماتش مصر... كان فيه خبر تاني نازل من غزة، وجعُه أكبر من أي نتيجة

الراجل اللي قدامك في الصورة هو محمد فواز الوحيدي، مدير العلاقات العامة باللجنة المصرية في قطاع غزة

بحسب ما تم تداوله، كان من الناس اللي بتنسق أماكن وشاشات عرض مباريات منتخب مصر للفلسطينيين داخل القطاع، عشان يخلق لهم لحظات بسيطة ينسوا فيها الحرب ولو لساعتين ....

وأثناء الماتش... تم استهداف سيارته في حي الصبرة بمدينة غزة، واستشهد

الصور اللي قدامك مش من بلد عايشة حياة طبيعية... دي ناس بيوتها مهدومة، وفاقدة أهلها، ومع ذلك نزلوا يتجمعوا يشجعوا منتخب مصر

ناس شايفة في مصر سند... وفرحتها بمنتخبها جزء من فرحتها هي

لكن حتى اللحظة دي... مقدروش يسيبوها تعدي

مهما اختلفت السياسة، ومهما اختلفت المواقف... استهداف المدنيين، وقتل الناس اللي شغلتهم ينظموا حياة الناس أو يخففوا عنهم، عمره ما هيكون مشهد عادي

رحم الله محمد فواز الوحيدي، ورحم كل المدنيين الأبرياء، وربنا يحفظ أهل غزة وكل الأبرياء، ويفرجها عليهم وعلى الأمة كلها.

Address

Port Said

Website

Alerts

Be the first to know and let us send you an email when Roaa Elghetany posts news and promotions. Your email address will not be used for any other purpose, and you can unsubscribe at any time.

Shortcuts

Share