17/07/2026
عارف يعني إيه طفل يخسر رجله ..؟!
مش بس يفقد ساقه…
يفقد جزء من طفولته
ده الطفل راتب
طفل المفروض أكبر همّه يبقى لعبة ناقصة، أو واجب مدرسي مأجلوش
لكن الحرب كان ليها رأي تاني
الحرب أخدت منه ساقه
وأخدت أمه
وأخدت أخوه
وسابت البيت اللي اتربى فيه ركام
وفي لحظة… بقى طفل بلا بيت، بلا أم، وبلا ساق
نزح لخيمة… والخيمة في الحروب مش “مأوى” زي ما الناس بتحب تسميها
الخيمة مجرد محاولة مؤقتة جدًا… علشان الإنسان يفضل على قيد الحياة يوم كمان
ولما ملقاش طرف صناعي يساعده يمشي…
عمل حاجة تقطع القلب
صنع لنفسه ساق بديلة من مواسير وقطع بلاستيك
تخيل المشهد
طفل بدل ما يمسك لعبته…
قاعد يحاول يركّب لنفسه رجل
بدل ما الكبار يبنوا له مستقبل…
هو بيبني لنفسه وسيلة يعرف بيها يقف
وده يمكن أبشع ما تفعله الحروب
إنها لا تقتل الناس فقط
أحيانًا تسرق منهم أبسط الأشياء…
المشي
الأمان
الإحساس الطبيعي بالحياة
راتب النهارده مش محتاج شفقة
راتب بيفضح العالم كله
لأن وجود طفل مضطر يصنع ساقه بإيده…
مش مأساة طفل
دي إدانة كاملة لعالم فقد إنسانيته
ما خفي كان أعظم… لأن أقسى الحروب ليست التي تترك الجثث، بل التي تترك الأطفال مضطرين ليكملوا الحياة بأشلاء أحلامهم 🤍🙏🏽
كامل الاحترام لتصوير المصور ومجهوده Fadi A Thabet
