14/09/2022
(منقول من الجميله داليا كشك🌺🌺 مصاص الطاقه الخفي)
كتير سمعنا عن مصاص الطاقه اللي بيشتكي ويشيلك همه لكن ده نوع واضح وسهل تتعامل معاه
انما مصاص الطاقه الخفي ده😎
خلي بالك جدا منه لانه بيسحبك من غير ما تاخد بالك
من صفاته
-دايما عنده الايجو مرتفع جدا
-مبيغلطش ابدا يموت اهون من ان حد يقله انت غلط😃
-بيعمل جيش حواليه يعني اشخاص بيوريهم وشه المزيف عشان لما يحتاجهم هما اللي يدافعو عنه وهو ورا الستار(بيكون غلبان جدا قدامهم)
-(انا ومن بعدي الطوفان) لو حس انك فهمت الاعيبه وهتطلع من تحت سيطرته في الاول هيقلك انت فاهمني غلط ،وبعدها هيهددك ويخوفك واخر اساليبه هيطلق جيشه عليك عشان تخاف وترجع
-دايما هيحسسك انه صاحب فضل عليك ومن غيره انت ملكش قيمه
-عايز يكون هو الking في اي مكان ولو حس بغير كده هياخد نفسه ويمشي(وده يبينلك مدي هشاشته النفسيه)
-مسيطر جدا بس كانه عاملك تنويم انت بتفذ اوامره وانت مغمض🤓
-بيستحل وقتك ومجهودك ومش بعيد ينسبهم لنفسه
-لوالشخص ده من المقربين ليك سواء زوج او زوجه او اخ او مدير هتلاقي نفسك فجاه طاقتك بقت صفر بعد فتره من الزمن ومجهوداتك كلها انتسبت ليه
بس رغم كل ده متقلقش طالما عرفته كل اللي عليك تعمله انك
-تحطه في مكانه الحقيقى متديلوش اهتمام
-شوفه بعين الحقيقه بافعاله مش بكلامه عن نفسه
-متخافش من تهديداته(لانه اضعف مما تتخيل)
-لو حد من الجيش الوهمى اللي حواليه قام عليك ابتسملهم وامضي بسلام(انتو صح)
-زود ثقتك بنفسك واعرف مهاراتك و طورها
-متجادلش كتير معاه لانك هتستنزف طاقه عالفاضي
-انجح -انجح-انجح-انجح-انجح
-متندمش علي طاقتك اللي راحت وحافظ عاللي جاي
واخيرا خليك متاكد ان محدش بياخد طاقتك انت اللي بتسلمهاله علي طبق من دهب
دمتم سالمين💕💕
