Saias Ledas

28/10/2024

Así foron estes 15 anos de Saias Ledas.
Custou decidirnos, pero aquí vai unha foto por ano de vida da nosa marca:

2024: A última colección fotografada foi a de camisas de liño bordadas

2023: As saias de bambú estampadas son as máis cómodas

2022: Suadoiros bordados para un inverno suave

2021: Bolsos estampados e complementos de liño

2020: Un pequeno outlet de pezas atemporais

2019: En primavera que vivan as cores e os estampados!

2018: Este ano houbo tres coleccións, esta é a de outono/inverno

2017: O outono/inverno máis elegante

2016: Esta fora unha colección variada pero bastante seria

2015: A atemporalidade dos deseños comezou aquí

2014: A única colección como tal para nena

2013: A marca dera un xiro e esta foi a primeira colección de festa

2012: As saias inicialmente levaban nome propio, esta era a de Anxa

2011: A maioría das saias levaban motivos pintados a man

2010: A primeira sesión recén estreada a marca

27/10/2024

Non é un titular para chamar a vosa atención nin unha idea pasaxeira ou para o futuro. Realmente en novembro Saias Ledas pecha definitivamente a súa web e a tenda física. Esta conta de Instagram seguirá aberta, por apego e porque o amor pola moda e a artesanía non se vai nin co tempo nin con nada. Seguiremos compartindo de cando en vez as cousas que nos importan ou que nos gustan.

Foron 15 anos de deseños, de ilusión, esforzo e enerxía posta neste proxecto. Todo chega o seu fin e este é un bo momento para facelo. Pechamos unha etapa para coidar do corpo que traballou toda a vida de pe ou coas cervicais curvadas, para gardar esta idea con cariño. Un proxecto que nunca estivo moi arriba pero tampouco moi abaixo. Co que aprendemos e desfrutamos moito, pero tamén co que nos frustramos.

Moitas grazas a todas as que nos acompañaron, colaboraron, nos axudaron ou nos dedicaron palabras bonitas

22/09/2024

Acaba de comezar outono 🍁 💛

01/09/2024

23/08/2024

A nosa filosofía nunca foi ir á par das tendencias pasaxeiras e a multiplicidade de tempadas, nin da moda nin das redes. E cada vez menos. Preferimos ir ó noso ritmo, disfrutando tamén do camiño, probando e aprendendo con novos procesos creativos.

E así chegamos aos tres novos modelos de bolso, que acaban de saír da costura. Son de liño natural, coas correas e o interior de algodón. O estampado faise directamente coa planta natural, polo que ningún pode ser igual a outro. Artesanía en estado puro!!

Podedes atopalos na tenda en Cangas, ou póndote en contacto con nós.

11/06/2024

Días de luces e sombras

02/06/2024

Liño azul e bordado de petróglifo.

22/05/2024

A camisa de liño para un día especial que logo non vas querer deixar de poñer.

15/05/2024

Camisas listas para ir guapísimos os días de máis calor deste verán. Xa podes encargar a túa favorita na nosa tenda online ou en .

➡️Se non atopas a túa talle contacta con nós, poden encargarse a medida aínda que a tonalidade non vaia a ser exactamente a mesma.

08/04/2024

Con tanta chuvia están os fentos preciosos!