ACentral Folque

ACentral Folque Centro Galego de Música Popular, organización arredor das músicas tradicionais e do patrimonio or

Centro Galego de Música Popular, organización arredor das músicas tradicionais e do patrimonio oral e inmaterial sonoro cunha perspectiva contemporánea

🗿 Contra o desencantamento do mundo, esta programación de Rupestre Sonoro.☄️ Ao longo de setembro, embarcarémonos nunha ...
02/09/2026

🗿 Contra o desencantamento do mundo, esta programación de Rupestre Sonoro.

☄️ Ao longo de setembro, embarcarémonos nunha exploración de varias Pedras que Falan, diseminadas ao longo da provincia da Coruña. Tras a conversa inaugural do xoves 10 en Compostela, viaxaremos a 4 enclaves, deixándonos guiar en 4 roteiros rupestres, con 4 intervencións artísticas creadas para a ocasión. Seguimos a ensaiar outra relación co mundo rupestre que habitamos a través de prácticas pequenas, situadas e atentas.

Son artífices e cómplices nestas travesías asociacións, profesionais e artistas coma o Colectivo A Rula, Xabier Maceiras, Clube Espeleolóxico Maúxo, Asociación Cultural Pedra Faladora, David Bellas. Músico Galego, Quico Cadaval, Xurxo Souto (Laura Rabizal), Xoán-Xil López, Alba Cid, roteiros.es etc.

Todas as actividades son de balde. Info detallada (e inscricións para o bus do 13 de setembro en Mañón) na web www.folque.com
Aquí as datas:
📌 12 set. Loureda-Arteixo. Con Xabier Maceiras e Xurxo Souto.
📌 13 set. Mañón. Con Magdalena Fdez. Rubido e David Bellas.
📌 19 set. Luou-Teo. Co Colectivo A Rula, Asociación Cultural, Alba Cid e Xoán-Xil López.
📌 27 set. Monzo-Trazo. Co Clube Espeleolóxico Maúxo e Quico Cadaval (Francisco Cadaval Quico Cadaval)

“Rupestre Sonoro. A Pedra que Fala” recibiu un dos premios a Proxectos Culturais Singulares para a Mellora Social 2026 da Deputación da Coruña.
Co apoio de Cultura da Deputación da Coruña
Coa colaboración do concello de Mañón (Omix Mañón)

✨ Na primeira imaxe, devólvennos a mirada Miguel Torga e Andrée Crabbé, na proa dun penedo. Na terceira, uns versos de Emilio Araúxo.

📷 Imaxes e texto: Alba Cid

Desde o ano 2000 aprendendo música! Máis un novo ano académico para o curso 2026-27 na Escola de Música de aCentral Folq...
02/09/2026

Desde o ano 2000 aprendendo música! Máis un novo ano académico para o curso 2026-27 na Escola de Música de aCentral Folque (EMaCF) desde Santiago de Compostela. 26 anos no ensino da música popular especializada e individualizada para cada persoa que quere un ensino personalizado e específico das formas da música patrimonial galega. Podes atopar toda a información e facer a preinscrición na nosa páxina web:
https://www.folque.com/01.140415wp/novo-curso-da-emacf-2026-27/
Pazo de Raxoi Centros Socioculturais Santiago de Compostela Cultura da Deputación da Coruña

Concerto de presentacion de Santo Mandil de As Tareixas na Biblioteca Municipal de Ponte Caldelas , mércores 26 ás 19:00...
24/08/2026

Concerto de presentacion de Santo Mandil de As Tareixas na Biblioteca Municipal de Ponte Caldelas , mércores 26 ás 19:00. Un concerto a non perder!
Con cancións orixinais que falan da infancia, das relacións humanas e da natureza, As Tareixas ofrécennos un concerto familiar cheo de emoción. Un repertorio coidado e entrañable, pensado para nenos e nenas… e para g***r en familia.

A Belén Bermejo escribe en Nós Diario sobre Ecléctica Ensemble, un grupo nacido arredor do Conservatorio de Música Tradi...
16/08/2026

A Belén Bermejo escribe en Nós Diario sobre Ecléctica Ensemble, un grupo nacido arredor do Conservatorio de Música Tradicional e Folque de Lalín e que abriu un camiño innovador dentro da música electrónica galega.

Un proxecto que explora o encontro entre a electrónica e a música tradicional galega, respectando os seus elementos fundamentais pero levandoos a novos contextos, ritmos e posibilidades.

🎶 Unha mirada diferente á música galega que segue mantendo toda a forza das súas raíces.

💿 Se queredes descubrir Electronic Galician Grooves, podedes adquirir o vinilo e o CD no posto d’aCentral Folque nas feiras ás que asistimos.

👉 Recomendamos botarlle unha ollada ao artigo de Belén que deixamos no primeiro comentario

Datas do vindeiro festival Zona da Zanfona: 27 ao 29 de novembro, Arzúa. Coma todos os anos desde 2005, Pablo Giráldez '...
11/08/2026

Datas do vindeiro festival Zona da Zanfona: 27 ao 29 de novembro, Arzúa. Coma todos os anos desde 2005, Pablo Giráldez 'O Pastor' é o encargado na imaxe gráfica. Que composición con manivela será para esta 22ª edición do festival. Concello de Arzúa Cultura da Deputación da Coruña

Hoxe ás 23:45 no Casino de Lalín dentro do Galicia Clarinet Fest concerto de Pablo Sanmamed
08/08/2026

Hoxe ás 23:45 no Casino de Lalín dentro do Galicia Clarinet Fest concerto de Pablo Sanmamed

07/08/2026

O Fechiño Analóxico é un proxecto participativo do festival dirixido polo fotógrafo AGOS, construído a partir das fotografías realizadas polas persoas asistentes con cámaras analóxicas que el mesmo distribuíu ao longo da xornada.

Esta peza audiovisual reúne unha memoria visual colectiva da experiencia do festival, acompañada por unha banda sonora orixinal do músico compostelán Pablo Sanmamed.

Podes asistir e buscarte no peza completa que se encontra na canle de youtube d'aCentral Folque e no comentario fixado a esta publicación.

Hoje é o aniversário 97 do Zeca Afonso o protagonista de "Balada do Desterro" a BD escrita por Teresa Moure e ilustrada ...
02/08/2026

Hoje é o aniversário 97 do Zeca Afonso o protagonista de "Balada do Desterro" a BD escrita por Teresa Moure e ilustrada por Maria João Worm (Laura Weber) na que se narra a infância passada em África, especialmente em Moçambique, até ao seu papel como símbolo da resistência à ditadura do Estado Novo e da Revolução dos Cravos de 1974 e o seu forte vínculo com a Galiza; a BD é um retrato íntimo e humano do Zeca.

30/07/2026

🌿 Pili, en representación das de Díaz de Belén, recibiu o Fechiño de Honra no Fechiño'26, arroupada polo agarimo de toda a veciñanza.
Con este recoñecemento queremos poñer en valor un patrimonio que non se garda nos museos, senón na memoria das persoas. Un patrimonio inmaterial que perdurou grazas ás mulleres que, durante décadas, conservaron e transmitiron a historia, as tradicións e a cultura popular de Santa Cristina de Fecha, moitas veces de forma silenciosa e sen recoñecemento.
No marco do festival tivemos a sorte de compartir unha conversa entre Pili e María Da Pontragha, na que percorremos a memoria da súa familia, da parroquia, das festas e da vida na aldea. Un relato que fala da emigración, da labranza, dos muros de pedra, dos costumes e, sobre todo, do papel esencial das mulleres na construción da nosa memoria colectiva.
🎥 O vídeo, realizado por Aqueladas S. Coop, é unha homenaxe á familia Díaz de Belén e a todas as persoas que fixeron posible que este legado siga vivo.
🎶Abraham Cupeiro: Tocata de corna de castrón Recollida ao sr. Mario de Fecha por Casto Sampedro (séc. XIX) Inédito da Colección Casto Sampedro - Museo de Pontevedra Transcrición: Xavier Groba
O Fechiño é unha iniciativa de aCentralFolque e a Asociación A Pedra que Fala desenvolvida en colaboración coa Concellería de Cultura do Concello de Santiago Pazo de Raxoi Compostela Cultura e o tecido veciñal e asociativo das parroquias de San Xoán e Santa Cristina de Fecha.

Dirección

Rúa Salgueiriños De Abaixo 11 (só Enderezo Postal)
Santiago De Compostela
15703

Página web

Notificaciones

Sé el primero en enterarse y déjanos enviarle un correo electrónico cuando ACentral Folque publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir