أزٍيَآء ريَنِوٌ لَلَآلَبًسِةّ آلَنِسِآئيَةّ

22/08/2026

يانسا واش هوما صوالح لي شريتوهم في كوزينتكم ولقيتيها زيادة برك خسارة دراهم بلافايدة

22/08/2026

#رميتلو خاتمو و بطلت قبل العرس بشهر جات يماه و باباه و جابو الجاه و انا نقول لهم غير لا يقعد هو فالرجال منزوجش بيه سقساتني جداه و قالتلي وليدي راجل نجيبلو الشابة فالنسا نزوجهالو ايا راحو كي خرجو ريحت حسيت بالحرية بصح بابا توسوسلي جا وحد السلافي يدور زوجني ليه بالسيف فتحنا و نهار العقد هربتلهم من الدار رحت لدزاير بعت الخاتم لي دارهالي السلافي جابتلي 12 مليون كريت شهر و ممبعد رحت لفرنسا زوجت بڨاوري قيس ما صنعلي كواعطي قتلو تربح وليت لدارنا وقفلي خويا فالباب قلي متدخليش ض.ربت الباب بكراعي و قتلو دار بويي دخلت للدار يما تعنق و تسلم و جبتلهم الريحة و الكسوة غير المركا كان عندي 9 سنين مشافونيش ولي قالتلي نزوج وليدي لشابة فالنسا قعد باير حتى وحدة ما رضات بيه جا يجر فكرعيه لدارنا مع جداتو باه يخطبوني كي سمعو بلي درت كواعط و جيت ايا طردتهم قعدت شهر و طلعت لفرنسا خويا لي كان مش.بعني هرا.وة طلعتو و زدت طلعت خياتي ولينا ليزيميڨري شكون لي يلحقنا ولاو الناس يقولو كي كانو و كي ولاو الفيلات و الطونوبيلات بعد ما كنا عايشين فالطولا ايييه دنيا لوكان ماري.سكيتش لوكان ني نط.لب
الـــزُّمُـرُّد

21/08/2026

#رسائلكم
ما..تت ماما عندها 6 اشهر لوستي خت راجلي تلفون مرفداتوش تعزيني انا سكت ماقلت والو بصح حلفت لوكان هي تمو ت مانسمع بيها لمهم هي كانت اونسانت ولبارح طاحلها لبيبي ديالها ربي يرحمو ويعوضها نشاله انا صراحة معيطتلهاش راجلي راح ليها شافها انا مروحتش معاه وعلبالو وش كاين لمهم عجوزتي عيطتلي تعرشلي قاتلي كيفاش مجيش تشوفي لوستك قتلها منجيش متهمنيش انا تان يما ماتت محوستش تعزيني قاتلي تحاسبيها وهي في هاد لحالة قتلها انا تان قريب هبلت فالموت تاع ماما كامل خسرنا روح عزيزة قاتلي غدوة جي طلي عليها ولا تصرا هدرة وحدوخرة قتلها نشالله وكوبيت وحلفت ما نروح وهدرت مع راجلي قالي دبري راسك لي تساعدك ديريها جيكم نورمال لبنات حابة نسمع رايكم وربي يرحم ماما ويرحم جميع الامهات وربي يخليلكم ماماكم تهلاو فيهم ❤️

20/08/2026

20/08/2026

#رسائلكم
لبنات عندي عامين زواج كي تزوجت ماحوست ماوالو ديراكت جابني لدار مكانش عندو دراهم خسرهم في العرس وزيد كان عندو دين قالي نعوضك في الصيف الجاي المهم في الصيف تاع لعام لي فات مقدرتش نروح بيسك كنت قريب نزيد مالا قالي ليامات هاذو نروحو انا فرحت راح نوجد حوايجي وحوايج وليدي مبعد قالي متكثريش حوايج قوتلو علاش قالي راح تروح معانا يما وختي ولادها انا لثم خبطوني لجنون قوتلو بطلت مانروحش نقص عليكم لاشارج تاع طومبيل تروح يماك وختك ولادها بصحتهم قالي وجدي روحك بركاي من تمسخير غدوة صباح وراء صلاة الفجر نمشيو سكت مجاوبتوش هو خرج راح عند يماه وختو تبالو راني نتمسخر كي قوتلو مانروحش عامين هو يقولي نعوضك ونديك وتتمتعو ومعلابالوش واش مبعد جاب معاه جيش وجاء كيفاش راح نتمتع كيفاش راح نلقى راحتي معاه نتمنى نهار واحد برك نخرجو وحدنا ديما لاصقين فينا وعجوزتي هذيك دارو رحلة اونفامي قالولها تروحي معانا قاتلهم مريضة منقدرش لطريق ومبعد قاتلهم انا نعاف لبحر وبحر حرام ومعرف واش بصح كي نروح انا ترجعلها صحتها والبحر حلال معايا وختو هذيك راهي براجلها ديما لاصقة فينا وين نروحو تروح راجلي ديما يقولي رجالها مسكين مايخدمش ومنا يغيضوني ولادها قوتلو ماركيهم معانا في كارني وخلاص والله كرهت راني عيطت لخويا نقولو يجي يديني خليهم يروحو هوما بصحتهم ولي تقولي واش فيها يماه وختو مكلاه تلعبوها لوكان تصيبو كامل تخرجو وحدكم واحد مايلصق فيكم وزيد من نهار عرسي وانا نستنا نهار لي نخرجو فيه وحدنا وتتمتعو وحدنا ديجا مزالني عروسة جديدة وعدني قالي كي تكون فرصة نديك هوما عاشو حياتهم وتتمتعو وباغيين يعيشولي حياتي اول خرجة لينا نورمالمو يفهمو رواحهم لالا هوما غير يتلاصقو المهم نروح لدارنا وتخليهم يتمتعو كيما جات تجي بيسك خلاص كرهت حياتي معاهم

19/08/2026

مرت بابا بعد ما توفات يما بشهرين و حنا كنا مزال مخرجناش من صدمة تع يما كي توفاة عماتي زوجو بابا و جابوها للدار .. انا عندي 15 سنة و خاوتي صغار وحدة 10 وواحد 6 سنين زعما باش تهتم بينا ايا ضرك عندها 5 اشهر راهي عندنا تخيلو نهار الموت تع يما عماتي قبل ميدفنو يما راحو لمو كسوتها كامل فشكارة و داتها عمتي ايا و صباط مخلاوهش تعها تخيلو حتى ذهب داوهلها تعها عندها 4 سلاسل و 8 خواتم و مسايس و برا صلي و ساعة تع ذهب و 4 زواج مناڨش و خلخال تع جدة أم يما تخيلو ممبعد الموت قلتلهم وينهم حوايج ماما قالولي وش دخلك ايا كي جات مرت بابا بعدها بسمانة قلتلها واش دارولنا تخيلو حكمت بابا هدرت معاه فذيك دقيقة راح بابا لعندهم جاب ذهب تع ماما كامل و جاب حتى كسوتها ايا كسوة صدقناها و ذهب بابا دسو فالكوفر عندو ايا و ضرك حمدلله مرت بابا تنوض صباح طيبلنا قهوة تبدل لخاوتي صغار كنت منعرف والو راهي تعلم فيا طياب قاطو وو شحال طيبة معانا دوش لخاوتي صغار عندها سمانة راحت مع بابا و كساوهم و انا قتلي فرمضان نخرج معاك و اشري واش تحبي و ضرك رمضان قرب دارت ميناج للدار جبدت نفس ماعن لي كانت يما تجبدهم و توجور تقولنا واش تحبو نطيبلكم واش كانت يماكم طيبلكم مسكينة طيبة بزاف مالغري منسيناش يمانا بصح هي حنينة مخلاتناش وحيدين ربي يسترها نعم النساء
👇👇👇تابعونا هنا فصفحتنا الثانية 👇

19/08/2026

العادات لي لازم توالفيهم

19/08/2026

5خمس نصائح احفظيهم يحفظوك

19/08/2026

🔴🔴للمهتمين بمسابقة التوظيف في البلديات، من بين الوثائق التي قد تُطلب في ملف الترشح:
📌 طلب خطي
📌 نسخة من بطاقة التعريف الوطنية
📌 استمارة معلومات
📌 بطاقة أو شهادة الإقامة
📌 نسخة من الدبلوم أو الشهادة المطلوبة إن كانت وظيفة بالديبلوم
📌 شهادة طبية عامة وخاصة
📌 وثيقة تثبت الوضعية تجاه الخدمة الوطنية
⚠️ ملاحظة1: هذه الوثائق أولية، والملف النهائي وشروط الترشح تُحدَّد رسميًا عند صدور الإعلان الرسمي للمسابقة.
⚠️ ملاحظة 2 : لم يتم تحديد الملف ولم تفتح المسابقة بعد ولم يتم الاعلان عنها بعد لكن هذه الوثائق دائما تطلب في جميع مسابقات
✅ تابع الصفحة ليصلك كل جديد حول مسابقة البلديات.