04/09/2026
විශ්ව,
මමත් එක ගැහැණියක් ප්රේමයට ලොබ බැන්ද
පුරපෝය හඳ වගේ නුඹ නමට පේවිච්ච
දන්නවද දන්නෙ නෑ නුඹ තවම මං ගාව
ප්රේමයක් තියෙනවා ගල් වෙලා අළුපාට
හඳ ළඟම පාළුවට නිවි නිවී දැල්වෙච්ච
තරුවකට ඕන නෑ හඳ එක්ක නැලවෙන්න
හඳ ඇතුලේ හාවෙක් ය ලෝකයට කීවාට
දන්නවද ඒ තමයි නුඹම ඇඳි ආවාට
පින්තාරු කාමරේ එක පෙළට හිනැහිච්ච
පාට ගෑ නුඹෙ හීන විකිණුනේ ලංසුවට
නුඹ එක්ක හිනැහෙන්න මඟ බලපු මගෙ හීන
විත්තියක හිරවුණා පැමිණිල්ල නුඹ ගාව
සම්මතය හංගලා අසම්මත රාමුවක
හිර කරපු චිත්රයයි මම නුඹට වැරදිච්ච
රාමාගෙ සීතාද නුඹට පෙම්කල මාද
පෙම් කලා නම් කලේ හිතකටයි ගල්වෙච්ච
-සමාධි-
✍️Just In Case
Akhila Dhanuddhara
Dusheni De Silva
