22/04/2024
იწყება პროექტის „მისი ხმა“ (Her Voice) განხორციელება.
🎙ინიციატივა ითვალისწინებს 12 სათემო ქალთა რადიოს შექმნას საქართველოს რეგიონებში.
🎙სათემო რადიო ქსელის მიზანია ხელი შეუწყოს ქალთა გაძლიერებას, მათ ჩართულობას თემის ცხოვრებაში, ეკონომიკურ საქმიანობაში, პოლიტიკაში, კულტურულ ცხოვრებაში.
📟რადიოებს საგანმანათლებლო მიმართულება ექნებათ - ისინი მნიშვნელოვანი ცოდნის, ინფორმაციის მიწოდებასა და საჭირო უნარების განვითარებაზე იქნებიან ორიენტირებული, რათა აამაღლონ ქალთა (და თემის სხვა წევრების) ცნობიერება მათ როლზე საზოგადოებაში, მათ უფლებებზე, პრობლემებზე და გამოწვევებზე.
📟პროფესიონალი სცენარსტების მიერ ქალთა საკითხებზე შექმნილი რადიოპიესა ყველა რადიოგადაცემის ნაწილი იქნება.
ასევე ადგილი დაეთმობა:
ფსიქოლოგის კონსულტაციებს; ბიზნესში, კულტურაში, პოლიტიკაში და სოციალურ აქტივობებში ჩართულ და წარმატებული ქალბატონების ისტორიებს; მუსიკას;
ლიტერატურულ კლუბს, სადაც ქალი პოეტები საკუთარ შემოქმედებას გააცნობენ საზოგადოებას და ა.შ.
📟პროექტის პარტნიორია გერმანული სათემო რადიო - Radio Z, რომელიც ქართულ სათემო რადიოებს კონსულტირებას გაუწევს.
📟რადიოების დაფუძნება მოხდება ზრდასრულთა განათლების/სათემო განათლების ცენტრებში რომლებიც შეიქმნა გერმანიის მთავრობის ხელშეწყობით. გარდა
რადიოპროგრამებისა, ეს ცენტრები გაუძღვებიან მრავალფეროვან სათემო აქტივობებს,
რომლებიც ასევე ქალთა გაძლიერებას ისახავენ მიზნად. პროექტის ფარგლებში ჩატარდება საჯარო ლექციები, ფილმების ჩვენებები, დისკუსიები გენდერისა და ქალთა
საკითხებზე. ამ აქტივობების ჩატარების პროცესში ცენტრები ითანამშრომლებენ ადგილობრივ აქტივისტებთან, ინფლუენსერებთან, თემის ლიდერებთან. ყველა ცენტრში გენდერის ბიბლიოთეკა შეიქმნება.
✅პროექტის პარტნიორია ახალქალაქის ზრდასრულთა განათლების ცენტრიადგილობრივი ხელისუფლების მხარდაჭერით.
#ახალქალაქი #ზრდასრულთაგანათლება #გენდერი #გენდერულითანასწორობა
