Antiques in Batumi

Antiques in Batumi Antiques shop is located in Batumi, near Piazza square and St. Nicholas Church. The shop offers a wi

Antiques shop is located in Batumi, near Piazza sqaure and St. The shop offers a wide selection of rare items of silver, porcelain, wood.

იყიდება მონუმენტური იტალიური ფარნების წყვილი, შესრულებული ხელით მოჩუქურთმებულ და მოოქროვილ ხეში.სიმაღლე: 263 სმ. კომპოზი...
30/08/2026

იყიდება მონუმენტური იტალიური ფარნების წყვილი, შესრულებული ხელით მოჩუქურთმებულ და მოოქროვილ ხეში.
სიმაღლე: 263 სმ.
კომპოზიციის ზედა ნაწილი დასრულებულია გვირგვინის ფორმის მოჩუქურთმებული დეკორით, რაც თითოეულ ფარანს განსაკუთრებულად საზეიმო და მონუმენტურ იერს ანიჭებს.
ზედა ნაწილებში განთავსებულია მინის პანელები, რომლებიც ხაზს უსვამს ფარნების კლასიკურ არქიტექტურულ ხასიათს. საჭიროების შემთხვევაში შესაძლებელია მათი ელექტრო განათებისთვის ადაპტირება.
263 სმ სიმაღლის გამო ეს წყვილი განსაკუთრებით ეფექტურად გამოიყურება სასახლის ტიპის ინტერიერში, დიდ საზეიმო დარბაზებში, სასტუმროების ფოიეებში, ისტორიულ შენობებსა და მაღალი ჭერის მქონე კლასიკურ სივრცეებში.
ეს არის წყვილი, რომელიც სივრცეში მხოლოდ განათებას კი არ ქმნის, არამედ თავად ხდება ინტერიერის ერთ-ერთი მთავარი არქიტექტურული აქცენტი.
დამატებითი ინფორმაციისთვის დაგვიკავშირდით:
📞 595 22 92 10

იყიდება მე-19 საუკუნის საუკუნის ფრანგული ხელოვნების გამორჩეული წყვილი.წარმოდგენილია ორი დახვეწილი ხოხბის ქანდაკება, შესრ...
30/08/2026

იყიდება მე-19 საუკუნის საუკუნის ფრანგული ხელოვნების გამორჩეული წყვილი.
წარმოდგენილია ორი დახვეწილი ხოხბის ქანდაკება, შესრულებული მე-19 საუკუნის ფრანგული ანიმალისტური სკულპტურის ტრადიციაში.
ოქროსფერი ხოხობი
Clovis-Edmond Masson (1838–1913)
სიმაღლე: 55 სმ
სიგრძე: 83 სმ
მეორე ხოხობი
Jules Moigniez (1835–1894)
სიმაღლე: 52 სმ
სიგრძე: 50 სმ
ორივე ნამუშევარი გამოირჩევა განსაკუთრებული დეტალიზაციით. ფრინველების ბუმბულის, სხეულის ანატომიის, მოძრაობისა და ბუნებრივი პოზის დამუშავება ქანდაკებებს განსაკუთრებულ რეალიზმს ანიჭებს.
ეს არის ორი ცნობილი ფრანგი ანიმალისტი მოქანდაკის ნამუშევრების გამორჩეული წყვილი, რომელიც საინტერესო იქნება როგორც კოლექციონერისთვის, ევროპული ხელოვნების მოყვარულისთვის.
დამატებითი ინფორმაციისთვის დაგვიკავშირდით 595 22 92 10

ვიქტორიანული ეპოქის ქალბატონები - Ernest Rancoulet ( 1842-1918 ).სახელგანთქმული ფრანგი მოქანდაკის მიერ შესრულებული მე-1...
29/08/2026

ვიქტორიანული ეპოქის ქალბატონები - Ernest Rancoulet ( 1842-1918 ).
სახელგანთქმული ფრანგი მოქანდაკის მიერ შესრულებული მე-19 საუკუნის ორიგინალი მონუმენტური ბრინჯაოს წყვილი, მასიურ მარმარილოს სვეტებზე.
ორი ელეგანტური ქალის ფიგურა წარმოდგენილია მდიდრულ, დეტალურად დამუშავებულ სამოსში - დახვეწილი თავსაბურავებით, რთული დრაპირებითა და დეკორატიული აქსესუარებით. მათი იერსახე გადმოსცემს ევროპული არისტოკრატიული კულტურისა და ვიქტორიანული ეპოქის ფუფუნების ესთეტიკას.
ქანდაკებები შესრულებულია მასიურ ბრინჯაოში, თითოეულის სიმაღლე 105 სმ-ია, მკაფიოდ იკითხება Rancoulet-ის ავტორის ხელმოწერა.
ქანდაკებები დგას 120 სმ სიმაღლის მასიურ მარმარილოს სვეტებზე, რის შედეგადაც თითოეული კომპოზიციის საერთო სიმაღლე დაახლოებით 225 სმ-ს აღწევს.
იშვიათი მონუმენტური წყვილი — ფრანგული XIX საუკუნის ბრინჯაო, ავტორის ხელმოწერა და მასიური ბუნებრივი მარმარილო ერთიან, შთამბეჭდავ არქიტექტურულ ანსამბლში.
დამატებითი ინფორმაციისთვის დაგვიკავშირდით 595 22 92 10

იყიდება მე-19 საუკუნის იტალიური ნეოკლასიკური სტილის მარმარილოს ქანდაკება კვარცხლბეკით.მოქანდაკე: G. Faggioni - იტალიური ...
28/08/2026

იყიდება მე-19 საუკუნის იტალიური ნეოკლასიკური სტილის მარმარილოს ქანდაკება კვარცხლბეკით.
მოქანდაკე: G. Faggioni - იტალიური სკოლა,
დასახელება: Figure of a Goddess, ქალღმერთის ფიგურა.
თარიღი: 1876 წელი, უკანა მხარეს ამოკვეთილია ხელმოწერა და თარიღი: „G. Faggioni 1876“
მასალა: თეთრი კარარას მარმარილო
ქანდაკების სიმაღლე: 100.3 სმ
კვარცხლბეკი: მწვანე მარმარილო, სიმაღლე: 90 სმ
სრული ექსპოზიციური სიმაღლე:190.3 სმ
წარმოშობის ისტორია:
ეს კონკრეტული ნამუშევარი გამოირჩევა დადასტურებული საერთაშორისო აუქციონური ისტორიით, რაც მის ავთენტურობას, კოლექციონერულ მნიშვნელობასა და კომერციულ მიმზიდველობას მნიშვნელოვნად აძლიერებს.
1. ქანდაკება ათწლეულების განმავლობაში ინახებოდა კერძო კოლექციაში აშშ-ში, 2017 წლამდე.
2. Christie’s - ნიუ-იორკი;
ნამუშევარი წარმოდგენილი იყო Christie’s-ის 19th Century European Art, Auction 14994-ში, Lot 30, 2017 წლის 31 ოქტომბერს.
3. Christie’s-ის აუქციონზე ნამუშევარი შეიძინა ცნობილმა ევროპელმა კოლექციონერმა Yvon Vanseer.
ამჟამად ეს ულამაზესი ქანდაკება ამშვენებს ჩვენს გალერეას.
თეთრი კარარას მარმარილოს მაღალი ხარისხის კვეთა, მწვანე მარმარილოს კვარცხლბეკი, ავტორის ხელმოწერა და 1876 წლით ზუსტი დათარიღება ნამუშევარს განსაკუთრებულ ისტორიულ მნიშვნელობას ანიჭებს.
ეს არ არის უბრალოდ დეკორატიული ქანდაკება - იგი წარმოადგენს დოკუმენტირებული აუქციონური ისტორიით, ავტორის ხელმოწერითა და თარიღით დადასტურებულ იტალიური ნეოკლასიკური სტილის ქანდაკების მნიშვნელოვან ნიმუშს.
დამატებითი ინფორმაციისთვის დაგვიკავშირდით 595 22 92 10

რატომ უნდა იყოს ეს ანსამბლი თქვენს კოლექციაში?ეს არ არის უბრალოდ ძველი საათი და ორი შანდალი. თქვენ იძენთ 1840 წელს დამზ...
27/08/2026

რატომ უნდა იყოს ეს ანსამბლი თქვენს კოლექციაში?
ეს არ არის უბრალოდ ძველი საათი და ორი შანდალი.
თქვენ იძენთ 1840 წელს დამზადებულ ფრანგული ხელოვნების სრულ, მონუმენტურ ანსამბლს, რომელიც აერთიანებს რამდენიმე უმნიშვნელოვანეს ფაქტორს: ცნობილ მოქანდაკეს, სახელოვან პარიზულ ფირმას, ისტორიულ ეპოქას, მაღალი კლასის ბრინჯაოს ოსტატობას, შთამბეჭდავ მასშტაბსა და სრულ კომპლექტაციას.
Charles Cumberworth-ის სახელი ამ ნამუშევარს სრულიად სხვა კატეგორიაში აყენებს. ეს არის ავტორი, რომლის ნამუშევრები დაცულია საფრანგეთის მუზეუმებში.
მეორე მნიშვნელოვანი ფაქტორი Susse Frères - À Paris.
Susse Frères მე-19 საუკუნის საფრანგეთში მაღალი კლასის საათების და მდიდრული დეკორატიული ბრინჯაოს ნამუშევრების ერთ-ერთი ყველაზე სახელგანთქმული პარიზული მწარმოებელი იყო. როდესაც ერთ ანსამბლში ერთმანეთს ხვდება Cumberworth-ის მოდელი და Susse Frères-ის პარიზული წარმოება, მყიდველი უკვე იღებს კონკრეტულ ისტორიულ და მხატვრულ წარმომავლობას და არა უბრალოდ ლამაზ საგანს.
ყველაზე დიდი უპირატესობა ამ კომპლექტის სრულყოფილებაა.
ცენტრალური 85 სმ-ის სიმაღლის საათი და ორი 115 სმ-იანი ფიგურული შანდალი შექმნილია როგორც ერთი არქიტექტურული კომპოზიცია. მათი განცალკევებით ყურება შესაძლებელია, მაგრამ მათი ნამდვილი ძალა სწორედ ერთად დგომისას ჩანს. ასეთი სამეული ინტერიერში არ იკარგება — ის ხდება სივრცის მთავარი აქცენტი, ნივთი, რომლის გარშემოც ინტერიერის მთელი ხასიათი შეიძლება აშენდეს.
მყიდველი ასევე იღებს იმას, რასაც თანამედროვე ბაზარი ვერ შექმნის:
ნამდვილ ასაკს, ნამდვილ მასალას, ნამდვილ ოსტატობას, ნამდვილ ისტორიას.
დღეს შესაძლებელია ძალიან ძვირად შეიძინოთ ახალი, მაღალი ხარისხის დეკორატიული ნივთი, მაგრამ მას ვერ ექნება ის, რაც ამ ანსამბლს აქვს - 180 წელზე მეტი ისტორია და ფრანგული ოსტატობის ხელშესახები კვალი.
კარგი ანტიკვარიატი დროთა განმავლობაში მხოლოდ უფრო ფასეული ხდება. მისი ისტორია თავად იქცევა მთავარ ღირებულებად. თუ თქვენ ეძებთ ნივთს, რომელიც უბრალოდ ლამაზად გამოიყურება, ბაზარზე ათასობით არჩევანია. თუ ეძებთ ნამუშევარს, რომელსაც აქვს სახელი, ეპოქა, წარმომავლობა, მხატვრული მნიშვნელობა, იშვიათი მასშტაბი და კოლექციონერული პერსპექტივა - მაშინ Cumberworth–Susse Frères-ის სრული ანსამბლი უკვე სრულიად სხვა კატეგორიაშია.
ინფორმაციისთვის დაგვიკავშირდით 595 22 92 10
(დამატებითი ფოტოები იხილეთ კომენტარებში)

არის ნივთები, რომელთა შეფასება ძალიან რთულია, რადგან ისინი ხელოვნების ნამდვილი შედევრებია.ეს Sèvres წყვილი სწორედ ასეთი ...
26/08/2026

არის ნივთები, რომელთა შეფასება ძალიან რთულია, რადგან ისინი ხელოვნების ნამდვილი შედევრებია.
ეს Sèvres წყვილი სწორედ ასეთი განსაკუთრებული ნამუშევარია. დახვეწილი ფორმით, უმაღლესი ოსტატობით შესრულებული დეკორით, ფაქიზად მოხატული სცენებით, მოოქროვილი დეტალებით და თითოეული ელემენტის საოცარი სიზუსტით.
ამიტომ, როდესაც ნივთის ფასს ვადგენთ, მხოლოდ ვიზუალური შთაბეჭდილებით არ ვხელმძღვანელობთ. ვეყრდნობით ისეთი ცნობილი საერთაშორისო აუქციონის სახლების შედეგებს, როგორიცაა Sotheby’s, Christie’s და სხვა წამყვანი აუქციონები. ვეძებთ მსგავს ან მაქსიმალურად ახლო ანალოგებს, ვადარებთ მათ ფასებს და ამის საფუძველზე ვადგენთ საშუალო და რეალისტურ საბაზრო ღირებულებას.
მაგალითად, დაახლოებით ასეთი ტიპის წყვილი ვაზები იგივე ავტორის, Ch. Labarre-ის მიერ შექმნილი სევრის ფაიფურისა და მოოქროვილი ბრინჯაოს ვაზები Sotheby’s-ის აუქციონზე შეფასებული იყო 90 000 - 120 000 აშშ დოლარად.
ეს მაგალითი კიდევ ერთხელ გვიჩვენებს, რამდენად მნიშვნელოვანია ნივთის ავტორი, პერიოდი, შესრულების ხარისხი, რარიტერულობა, მდგომარეობა და ისტორიული მნიშვნელობა.
ნამდვილი შედევრის შეფასებისას მთავარი კითხვა მხოლოდ „რა ღირს“ კი არ არის არამედ „რამდენად უნიკალურია ის?“
ანტიკვარიატის ბაზარზე ნამდვილი კოლექციონერი მხოლოდ ფაიფურსა და ბრინჯაოს არ ყიდულობს ის იძენს ისტორიულ ეპოქას, ნატიფ ესთეტიკას, ოსტატის გენიალურობასა და იმ უნიკალურ ისტორიას, რომელსაც ნივთი საუკუნეების განმავლობაში ატარებს. სწორედ ასეთი ნამუშევრებია, რომელთა ღირებულებას დრო არ ამცირებს - პირიქით, ისტორიული მნიშვნელობისა და იშვიათობის მატებასთან ერთად, ისინი სულ უფრო ძვირფასი ხდება.
დამზადებულია: 1870-1880 წლებში
სიმაღლე: 95 სმ.
ავტორი: Ch. Labarre
დამატებითი ინფორმაციისთვის დაგვიკავშირდით 595 22 92 10

იყიდება სევრის ვაზების წყვილი (1800 $) შესრულებული საფრანგეთის მეორე იმპერიის, ნაპოლეონ III-ის პერიოდისთვის დამახასიათებ...
20/08/2026

იყიდება სევრის ვაზების წყვილი (1800 $) შესრულებული საფრანგეთის მეორე იმპერიის, ნაპოლეონ III-ის პერიოდისთვის დამახასიათებელ მდიდრულ სტილში, მე-19 საუკუნის მეორე ნახევარში.
ვაზები დამზადებულია ღრმა კობალტისფერი სევრის ფაიფურისგან და მდიდრულად არის გაფორმებული მოოქროვილი ბრინჯაოს დეკორატიული დეტალებით. კორპუსზე შესრულებულია დახვეწილი ფერწერული კომპოზიციები, რომლებიც ასახავს ფრანგული პასტორალური სცენებით შთაგონებულ პერსონაჟებსა და ლანდშაფტს.
განსაკუთრებულ ეფექტს ქმნის ვაზების გვერდებზე განთავსებული დეკორატიული სახელურები, ზედა ნაწილში ცეცხლის ალის ფორმის ორნამენტები და გადაჯვარედინებული დაფნის ტოტები, ხოლო ქვედა ნაწილი დასრულებულია მდიდრულად ორნამენტირებული მოოქროვილი ბრინჯაოს საფუძვლით.
ეს არის ნაპოლეონ III-ის ეპოქის დეკორატიული ხელოვნებისთვის დამახასიათებელი წყვილი, რომელიც ინტერიერში განსაკუთრებით შთამბეჭდავად გამოიყურება.
პერიოდი: XIX საუკუნის მეორე ნახევარი, მეორე იმპერია - ნაპოლეონ III-ის ეპოქა
მასალა: სევრის ფაიფური, მოოქროვილი ბრინჯაო
სიმაღლე: 55 სმ
დამატებითი ინფორმაციისთვის დაგვიკავშირდით 595 22 92 10

იყიდება მე-19 საუკუნის მეორე ნახევრის ფრანგული სტილის საათი. ( 1 700$ )ნივთი შესრულებულია მოოქროვილი ბრინჯაოსა და მარმარ...
19/08/2026

იყიდება მე-19 საუკუნის მეორე ნახევრის ფრანგული სტილის საათი. ( 1 700$ )
ნივთი შესრულებულია მოოქროვილი ბრინჯაოსა და მარმარილოს კომბინაციით. საათის კომპოზიცია განსაკუთრებით შთამბეჭდავია: წარმოდგენილია ყმაწვილის ფიგურა კრავითა და ჯვრით. ზედა ნაწილი გაფორმებულია ნეოგოთიკური არქიტექტურული მოტივებით, ღია წიგნითა და მცენარეული ორნამენტებით. საათის საფუძველი განსაკუთრებით შთამბეჭდავია — მდიდარი როკაილისებრი დეკორი, ხვეული ფორმები, ყვავილოვანი მოტივები და დახვეწილი ორნამენტული დეტალები.
შთამბეჭდავი დეკორატიული ნამუშევარი, რომელიც განსაკუთრებით ეფექტურად გამოიყურება კლასიკურ და მდიდრულ ინტერიერში.
ზომები: 40/40 სმ
დამატებითი ინფორმაციისთვის დაგვიკავშირდით 595 22 92 10

იყიდება სევრის სტილის საათი — XIX საუკუნის შუა პერიოდი. ( 2 200$ )მოოქროვილი ბრინჯაოსა და ფაიფურის ბუხრის საათი, Japy Fr...
18/08/2026

იყიდება სევრის სტილის საათი — XIX საუკუნის შუა პერიოდი. ( 2 200$ )
მოოქროვილი ბრინჯაოსა და ფაიფურის ბუხრის საათი, Japy Frères, დაახლოებით 1855 წელი.
XIX საუკუნის შუა პერიოდის გამორჩეულად მდიდრული ფრანგული ბუხრის საათი, შესრულებული მოოქროვილი ბრინჯაოსა და მხატვრული ფაიფურის დახვეწილი შერწყმით. საათი შექმნილია იმ ეპოქისთვის დამახასიათებელი მაღალი დეკორატიული კულტურის შესაბამისად და გამოირჩევა როგორც სკულპტურული ფორმების, ისე ფერადი ფაიფურის ელემენტების განსაკუთრებული სიუხვით.
კომპოზიციის ცენტრალურ ნაწილში მოთავსებულია საათის მრგვალი ციფერბლატი, რომლის ორივე მხარეს განთავსებული ორი ქერუბიმის ფიგურა კომპოზიციას საზეიმო და რომანტიკულ ხასიათს ანიჭებს. ფიგურები შესრულებულია დეტალურად დამუშავებულ მოოქროვილ ბრინჯაოში და შემკულია ყვავილოვანი გირლანდების მოტივებით.
საათის ქვედა ნაწილი განსაკუთრებით მდიდრულადაა გაფორმებული. აქ წარმოდგენილია ლურჯი ფერის ფაიფურის დეკორატიული პანელები, რომლებზეც შესრულებულია ნატიფი პოლიქრომული ყვავილოვანი მხატვრობა და მოოქროვილი ორნამენტები.
სევრის ფაიფურის ტრადიციით შთაგონებული მდიდრული დეკორი, მოოქროვილი ბრინჯაოს სკულპტურული გადაწყვეტა და ცნობილი ფრანგი მწარმოებლის მექანიზმი ამ საათს აქცევს XIX საუკუნის ფრანგული ინტერიერის ხელოვნების გამორჩეულ კოლექციურ ნიმუშად.
ზომები:
• სიმაღლე — 35 სმ
• სიგრძე — 42 სმ
დამატებითი ინფორმაციისთვის დაგვიკავშირდით 595 22 92 10

იყიდება ამერიკული მასონური ორგანიზაციის „პითიას რაინდების“ (Knights of Pythias) საძმოს რაინდის, J. S. Melown-ის, Waltham...
09/08/2026

იყიდება ამერიკული მასონური ორგანიზაციის „პითიას რაინდების“ (Knights of Pythias) საძმოს რაინდის, J. S. Melown-ის, Waltham Watch Company-ის 1913 წელს დამზადებული, ღრმად მოოქროვილი ჯიბის საათი.
ეს არის განსაკუთრებული ისტორიულ-კოლექციონერული მნიშვნელობის მქონე ამერიკული ჯიბის საათი, რომელშიც ერთიანდება ამერიკული საათების წარმოების უმაღლესი ტექნიკური სტანდარტი, ძვირფასი ისტორიული სიმბოლიკა და კონკრეტულ მფლობელთან დაკავშირებული პერსონალიზაცია.
Knights of Pythias („პითიას რაინდები“) დაარსდა 1864 წლის 19 თებერვალს, ვაშინგტონში, Justus H. Rathbone-ის მიერ, ვაშინგტონში, ამერიკის სამოქალაქო ომის პერიოდში, თავის ოთხ მეგობართან ერთად. მიზანი იყო ქვეყანაში ძმობის,
და მეგობრობის იდეალების აღდგენა. პროფესიით მასწავლებელმა რათბოუნმა საძმოს რიტუალები და პრინციპები დააფუძნა ძველ ბერძნულ ლეგენდაზე „დამონისა და პითიასის“ ერთგულებისა და თავდადებული მეგობრობის შესახებ. რათბოუნის დამსახურებით, „პითიას რაინდები“ გახდა პირველი საძმო ამერიკის ისტორიაში, რომელმაც ოფიციალური სტატუსი უშუალოდ აშშ-ის კონგრესის აქტის საფუძველზე მიიღო. ამერიკის სამოქალაქო ომის უმძიმეს პერიოდში. მისი ერთ-ერთი მთავარი იდეა იყო მეგობრობის, ურთიერთდახმარებისა და ერთიანობის გაძლიერება ამერიკულ საზოგადოებაში, მათ შორის ჩრდილოეთსა და სამხრეთს შორის დაპირისპირების ფონზე.
ორგანიზაციის სამი ძირითადი პრინციპია Friendship, Charity and Benevolence — მეგობრობა, ქველმოქმედება და კეთილგანწყობა. Knights of Pythias გახდა პირველი ამერიკული მასონთა საძმო ორგანიზაცია, რომელმაც აშშ-ის კონგრესის სპეციალური აქტით მიიღო ფედერალური ქარტია. ორგანიზაციის ოფიციალური ისტორიის მიხედვით, ეს მოხდა პრეზიდენტ აბრაამ ლინკოლნის ეპოქაში, რომელმაც დადებითად შეაფასა მისი პრინციპები და მხარი დაუჭირა კონგრესისგან ქარტიის მიღებას.
შემდგომ ათწლეულებში Knights of Pythias-ის ლოჯები გავრცელდა ამერიკის მრავალ შტატსა და ქალაქში. ეს ორგანიზაცია მნიშვნელოვან როლს ასრულებდა საზოგადოებრივ, საქველმოქმედო და ურთიერთდახმარების საქმიანობაში. მისი წევრები მონაწილეობდნენ საზოგადოებრივ ცხოვრებაში, ხოლო ორგანიზაციის ლოჯები ადგილობრივ თემებში საქველმოქმედო და სოციალური საქმიანობის მნიშვნელოვან ცენტრებს წარმოადგენდა.
სწორედ ამ ისტორიულ კონტექსტში უნდა განვიხილოთ J. S. Melown-ის ეს საათიც. ციფერბლატზე დატანილი Knights of Pythias-ის ემბლემა, F.C.B. ინიციალები და მფლობელის სახელის მითითება გვიჩვენებს, რომ ეს არ იყო უბრალოდ ძვირფასი საათი — იგი წარმოადგენდა მისი მფლობელის საძმოსადმი კუთვნილების პერსონალურ ნიშანს და სოციალური იდენტობის მნიშვნელოვან ატრიბუტს.
საათი იდეალურად მუშაობს.
ღირებულება: 1 500 ლარი.

Address

ზვიად გამსახურდიას ქუჩა 27
Batumi
6010

Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Friday 10:00 - 19:00
Sunday 10:00 - 19:00

Telephone

+995595229210

Website

Alerts

Be the first to know and let us send you an email when Antiques in Batumi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Antiques in Batumi:

Shortcuts

Share

Category