ვინ ვართ ჩვენ?
სამყაროში ყველაზე თვალსაჩინო და ლამაზი მეტამორფოზა ჭუპრიდან პეპლის დაბადებაა. ეს არის პროცესი, როდესაც არასრული ფორმიდან სრულყოფილ, ულამაზეს ფორმაში გადასვლა ხდება.
ცხოვრება ხომ მუდმივი ცვლილებების პროცესია და ჩვენც არაერთხელ ვიცვლებით ფორმით, შინაარსით, თუ დამოკიდებულებით სამყაროს მიმართ.
ერთადერთი, რაც ჩვენი განვითარების ნებისმიერ ეტაპზე რჩება უცვლელი - ქაოსურ, სწრაფად ცვალე
ბად სამყაროში, ხელოვნურობისგან დაცლილ, მყუდრო და კომფორტულ გარემოში დროდადრო თავის შეფარებისა და დასვენების მოთხოვნილებაა.
სიმყუდროვის განცდას კი, ქმნის კონკრეტული გარემო, ადგილი, მოგონება და გარკვეულ ნივთთან დაკავშირებული შეგრძნებები.
და რადგან Cocoon-ი (კოკუნი) ანუ ჭუპრი სიმყუდროვის, გარდასახვის, სიახლის და ბუნებრივობის სიმბოლოა, ჩვენს სურვილს შევქმნათ თქვენთვის სიმყუდროვის შეგრძნება, სწორედ კოკუნი დავარქვით.
როგორი გულმოდგინებითაც ლარვა აბრეშუმისგან ქსოვს პეპლისთვის ჭუპრს, ისეთივე მონდომებით ვქმნით ჩვენ თქვენთვის ნივთებს მყუდრო შეგრძნებებისთვის.
ვფიქრობთ ყველა დეტალზე იმისთვის, რომ ჩვენს მიერ შექმნილმა ნივთებმა მოგცეთ საშუალება გამოხატოთ საკუთარი ხასიათი, გამორჩეულობა, დახვეწილობა და ამასთან ერთად, სიამოვნებით და კომფორტულად ატაროთ ისინი.
ჩვენი ბრენდიც ჭუპრია და თქვენთან ერთად გაივლის სრულყოფილების ეტაპებს.
სიმყუდროვეში, ერთად მოვემზადოთ სიახლეებისთვის.
