28/07/2026
⚠️ 再次提醒｜近日出現假冒帳戶，請大家千祈小心 ⚠️
呢幾日已經係第三個假冒帳戶。對方盜用其他店舖嘅名稱、地址，同埋我哋嘅產品相片，聲稱免費送鎖匙扣，引導大家私訊。
有客人同朋友提醒我哋，懷疑私訊之後，對方會再傳送不明連結，要求大家填寫個人資料、銀行卡資料，甚至支付費用。
我哋只係一間用心經營嘅小店，見到有人利用我哋嘅作品去呃人，真係好唔開心，亦好擔心大家會因為信任我哋而中招。
我哋想真心同大家講：
寧願你有懷疑時先唔好落單，亦唔好回覆對方，都唔想你因為信任我哋而受騙。如果有任何疑問，歡迎先問清楚我哋，我哋永遠都唔會嫌麻煩㗎。🙇🏻♀️🫶🏻
請大家記住：
❌ 唔好撳任何不明連結
❌ 唔好提供個人資料、銀行卡資料或驗證碼
❌ 唔好支付任何「運費」、「訂金」 等等
如有任何疑問，請直接私訊我哋嘅官方帳戶查詢。亦請提醒屋企人，尤其係長輩，小心受騙。
多謝大家一直幫忙通知、舉報同分享提醒。💛🙏🏻
