https://www.facebook.com/106013848061818/

流動水晶店, Hong Kong (2026)

03/03/2021

拉長石有啲咩功效同能量，依家一齊黎睇下啦！
首先佢係可以幫手清理負能量架啵！咁拉長石係單斜晶系礦石，對應人體嘅喉輪同頂輪，擁有非常溫柔細緻嘅能量，有助消除身體中嘅負面能量，仲會提供正面能量支持，如果成日要出入負能量地方，或者覺得自己累積過多負能量，就特別適合配戴拉長石。
拉長石仲有效守護愛情，同埋有助尋找靈魂伴侶。拉長石被認為係守護愛情嘅晶石，幫助消解情侶之間因情緒衝動、誤會而發生嘅爭執，讓彼此之間可以更理解對方心入面嘅感受，設身處地為對方著想。另外，拉長石都有助令人散發自己潛藏嘅魅力，尤其對比較內向同容易自我否定嘅人，拉長石又可以幫助展現真正嘅自己，咁就可以吸引身邊同自己真正靈魂契合嘅人，就即係「靈魂伴侶」。
五行學入面，拉長石屬水，對於生肖屬鼠、豬、虎、兔的人都十分適合，有助改善氣場，聚集好運。
最後，拉長石其中一個功能係幫助入睡嘅，但係呢就唔建議戴住拉長瞓喎，因為人體瞓覺嘅時候，係對外界警覺性最低嘅時候，尤其對於醒瞓嘅人，晶石嘅能量可能會騷擾住我地瞓覺架，所以呢就會建議瞓覺嘅時候除低拉長石，放係枕頭底，咁都有機會可以幫助容易進入夢鄉架。

01/03/2021

今日繼續同大家講下戴水晶嘅問題先！

最多人問又最大爭拗之一就一定係戴左手定右手啦！首先配戴水晶，最重要就係能夠按照自己嘅需求黎到去調配磁場。因為只有咁先能夠為你，你自己嘅生活作出最適當嘅調劑。

咁究竟係戴左手定右手呢？
其中一個講法就係依照一般人身體周圍嘅「氣」，以左入右出黎運行（左撇就會相反），即係戴左手，水晶磁場會進入你嘅身體；而戴右手，就會將磁場散發出去。換個角度講，戴左手就比喻為健康食品，由內到外調整磁場；而戴右手就等於用化妝品或者噴香水，係向外展示嘅。舉例黎講，粉水晶本身除左招桃花之外，都有柔化性情嘅作用，於是戴左手，令磁場進入身體，可以達到柔化自己心性嘅效果；而戴右手，就係散發磁場黎到招桃花咁用啦。（以上如果係左撇子就會相反呀！）
又有一派嘅人會建議大家戴係「非慣用手」嘅，咁首先，做嘢、寫字都會比較方便，唔會虢住虢住咁；第二，戴係「非慣用手」就係將水晶磁場送入身體，等你由內而外去改變自己磁場，如果由體內開始改變，當然都會顯現到你嘅外表，自然都會有人發現你嘅改變；等到發現自己係個性上有明顯改善嘅時候，再將水晶換返去「慣用手」，等水晶散發你嘅磁場，咁樣就裡裡外外都會兼顧到啦。
按照印度瑜伽脈輪學說，水晶天然石主要係影響人體嘅脈輪能量，從而影響自己嘅心理和生理，只有從內心嘅修行同埋改變，先會影響到身邊嘅人同事物，所以根據呢個講法就無分左右手戴喇。
仲有一派講法就係可以一個禮拜左手、一個禮拜右手來交換戴（一個月為周期又得）。
拿拿拿，左右手議題之中呢，特別需要注意的是「黑曜石」，一般都建議水晶應該戴係左手，唯獨黑曜石係建議戴係右手，右手係你身體入面「氣」排出嘅地方，另外就係黑曜石主要特性就係避邪擋煞，將黑曜石戴係右手，就好似帶住一個隱型防護罩，抵擋負能量。

下星期再講多啲戴水晶嘅問題！

26/02/2021

因為拉長石實在有太多資訊同埋可以講嘅資訊，所以分開兩日，今日講埋下半part啦！
拉長石屬於長石家族，特別適合利用月光去消磁，可以係有月光嘅時候，將拉長石放係窗台上以月光照曬，等佢接觸大自然恢復能量架。但因為未必個個都有天台又或者窗台會見到月亮架，咁所以都可以選擇用消磁石或御守鹽進行消磁淨化，將拉長石放係水晶碎石消磁石上，最小消磁4個鐘以上，簡單啲就係瞓覺擺好，過一晚就搞掂！
拿，拉長石就要避免日光暴曬，如果真係要去曬太陽又戴左佢出去，就可以將拉長石放係防塵袋或手鍊盒入面先啦；另外日常避免掂到一啲化學物質，例如香水、沐浴露、洗頭水等等，以免腐蝕到拉長石外觀表面呀，所以如果沖涼、浸溫泉、游水等等嘅時候，都建議除低拉長石就會好啲啦。
咁下星期三就會講下拉長石嘅能量同功效架啵，記住唔好錯過啦！而下星期五就會有特備節目架啵！記住留意下啦！

24/02/2021

今個星期我地講下另一種好熱門嘅水晶，好多新手入坑都因為佢，佢分級好多，有初階有頂級，有黑有灰，有藍光紫光彩光等等。
無錯，就係拉長石啦！
拉長石嘅英文 Labradorite，源自加拿大嘅Labrador 地區，拉長石最早係係呢個地方發現，所以以呢個地名命名。
拉長石有好多唔同嘅礦物元素，造就左佢層層交疊嘅色彩光暈效果，隨住光線嘅改變會產生唔同嘅色彩光暈，所以拉長石都會稱為「光譜石」。
係印地安人嘅傳說，每年北美洲和南美洲之間都有一群蝴蝶跨越海洋遷徙，隨住氣候轉變而變化佢哋嘅遷徙路線，傳說中有一位蝴蝶女神會帶領蝴蝶遷徙，每當佢同蝴蝶群係中途休息嘅時候，就會釋放出呢啲猶如蝴蝶翅膀顏色嘅礦石，最後就成為拉長石，所以係印地安文化入面，擁有拉長石，就等於得到女神嘅祝福！
市面上拉長石價錢可以相差很大，而分辨拉長石等級可以由以下幾方面觀察架喎，首先晶體，拉長石有唔同顏色，但係同其他晶石一樣，以晶體乾淨為上品，可以睇到晶體內部越少棉絮、雜質、裂紋等，晶石能量就越純淨。
之後到光暈，拉長石（Labradorite) 同月亮石 (Moonstone) 都係屬於長石家族，晶體輕輕轉動都能夠見到靚靚嘅光暈，拉長石嘅光暈顏色又會有以下幾種：藍色光：月亮石最好嘅光就係藍色光，光暈明顯面積大、係正面呈現就為上佳品質；白色光：輕輕轉動就會呈現白色光暈；彩虹光：閃耀黃、綠色等彩虹光。拉長石一般都會混合唔同顏色光暈，例如有藍綠色光、黃綠光等，只俾唔同顏色佔有嘅比例唔同，一般藍色所佔比例越多，就即係品質越好。另外，即使拉長石閃耀漂亮嘅藍光，都同時要留意光暈會唔會非常黯淡，記住晶體嘅光暈越光，品質同能量就越好。
如果拉長石晶體小雜質、棉絮、裂紋等，晶體剔透透光，而且帶有藍色光就可以講係品質好嘅拉長石，能量純淨，加上如果同樣品質的拉長石尺寸越大，價格就會越高。

23/02/2021

早排都同大家分享左好多水晶嘅嘢，呢兩個禮拜就一齊睇下有咩戴水晶嘅常見問題啦！

首先，就係水晶同錶可唔可以共存？有人會話「水晶唔好同手錶一齊戴」，我唔會話啱定錯，就唔使一刀切咁囉。原因係普通錶其實影響唔到水晶磁場乜滯嘅，除非手錶係「鈦鍺鍊」做嘅，咁就有機會做成磁場混亂，所以其他手錶基本上是係OK ！
咁點解好多人都會話唔好將水晶同手錶一齊戴？主要係怕水同同手錶互相碰撞而刮花，咁如果大家唔介意或者唔怕嘅，就無所謂啦，講到尾，水晶同錶花左都唔會影響功能同磁場嘅。

第二個問題就會係，呢條同嗰條會唔會相沖或者互相影響架？其實只要你個人無感到頭暈、唔舒服，基本上就OK嘅。有啲人就會話水晶磁場會抵消，無錯，這種情況係有可能發生，舉例黎講，你配戴紅紋石希望帶黎活躍熱情嘅生活，但又同時配戴虎眼石要求穩定，咁樣嘅組合的確有可能產生能量中和嘅情況；但係咁又並唔代表唔好，又唔代表會無效果嘅。所以會建議大家可以係水晶數量上做調整，例如你希望生活可以有 70% 熱情，但係又唔要太活躍，咁另外30% 就可以用虎眼石黎搭配，咁樣就可以係熱情活躍嘅生活當中，依然有一點點穩定度。

下星期再同大家分享多啲常見問題！最熱門嘅左右手都會同大家講下！

17/02/2021

今日趁仲係新年，大家又岩岩開市，同大家講下職場最炙手可熱嘅水晶 — 綠髮晶
綠髮晶係髮晶嘅一種，包含左針狀礦石內包物嘅天然水晶，呢啲排列組合唔同嘅毛髮針狀礦物質分佈係水晶嘅內部，宏觀咁睇就好似係水晶入面包含住左髮絲一樣。
綠髮晶入面，發晶內部嘅礦物質係電氣石(碧璽)或者係陽起石，而綠光系列水晶都主要針對事業，可以帶黎好運氣同好機會，並且有貴人相助，磁場能量強烈！
綠髮晶嘅價格，相對於其它水晶黎講通常比較高，始終都係相對比較稀少嘅，特別俾無瑕疵同冰裂嘅呢就仲罕見，而賣嘅時候通常都係按重量黎計。
星期五又會再講下佢嘅能量同功效，仲有，大家又可以估下陽起石係代表有咩用喎！

15/02/2021

水晶知識星期一又返黎啦！
成日聽到啲人話帶金鈦招財、天河石好運、綠幽旺事業，咁點解會有呢啲講法，而又係咪亂噏當秘笈呢？
今日就等我地一齊睇下水晶能量嘅一啲根據、理據啦！
首先，有科學家發現如果電流通過由二氧化硅構成嘅晶片時，振頻就會不斷產生，而形成肉眼睇唔到嘅震盪效果，繼而產生傳遞作用。
除此之外，科學證明水晶帶有壓電性 (PIEZOELECTRICITY)，即係係水晶一邊加壓嘅時候，另一邊就會放出電荷，當水晶以交流電通電嘅時候，晶體會以一個非常高速、穩定、而固定嘅頻率膨脹同收縮，亦即係震盪；當水晶體切割到一定嘅大小、厚薄嘅時候，佢嘅震盪頻率就可以受到控制，係呢個情況下又再發現水晶原來有儲存記憶、傳遞、擴大、轉換同聚焦等等嘅功能。
從上個世紀四十年代尾開始，聰明嘅人就開始將晶片運用係各種領域，由石英表內膽、替代真空管嘅電晶體收音機、電視機，仲有最in嘅電腦、各項電子設備、微波控制系統、汽車電子自動燃點火器等等，可以話如果無二氧化硅（crystal），恐怕會好多人都要失業啦！
係生活上，利用水晶產嘅震盪頻率，配合人體磁場，就可以達到改變人嘅心智、體能，從而改善我們嘅生活素質、運氣，使一切美好的事物可以伴隨大家。
水晶（CRYSTAL）係一種有靈性嘅礦物，經過人幾十年黎嘅接觸同體驗，瞭解到其實呢啲所謂嘅靈性功能同命相、星座學一樣，都係一種統計學；好耐好耐之前就有人發現水晶嘅呢個特性，再加上經過世界各地眾人多年經驗嘅累積，就歸納整理出我地依家睇到嘅信息啦。水晶之所以能有避邪化煞嘅作用，就係源自本身產生嘅高頻率震動，而另一個空間裡入面一啲唔乾淨嘅都是一啲頻率低嘅靈體，佢哋唔鍾意逗留係高頻率嘅環境入面，當然就會迴避或者離開啦，所以，水晶係某啲範圍內嘅磁場功能確確實實係存在架！

12/02/2021

今日大年初一！係度同大家講聲恭喜發財！祝大家身體健康！事事順利！晶運日上！
事不宜遲，一齊黎講下金鈦同金髮嘅能量同功效啦！
首先當然同黃晶一樣，當然都係主財啦！不論正財、偏財，都具有極強嘅能量！
除左主財，仲可以當護身符、幸運符使用，尤其經常要夜間工作又或者係出入各種雜氣、病氣重嘅場所，例如醫療場所等等嘅人，都會有辟邪化煞、逢凶化吉嘅效果；對一啲巫術或者係低層次靈體嘅干擾都有化解嘅作用架喎。
另外，對優柔寡斷、猶豫不決、缺乏主見同魄力嘅人，就會有加強自己果斷嘅決策力，仲有增加勇氣魄力嘅功用；對於要做決策嘅領導人物或者高級主管，佩戴鈦晶，並且將佢靠近太陽輪，就會更有領導決策能力，帶領下屬一齊開創新局，係事業上成就非凡成績！
仲有仲有，心腸太軟，經常忍唔住人地嘅懇求、哀求，之後做出有違自身利益承諾嘅人；或容易俾其他人甜言蜜語迷惑嘅人，佩戴金髮晶就有助於堅定自己立場嘅效果，令自己更加踏實，並且無咁易上當俾人呃。
最後，因為黃色色光就對應太陽輪，所以同黃晶一樣，都可以幫助腸胃等嘅消化器官，對胃、十二指腸、肝、膽、胰臟，甚至皮膚、橫隔膜(呼吸系統)都會有幫助架！
金鈦晶、金髮晶就講住咁多先，個一其實仲有其他顏色，紋理嘅鈦晶同髮晶架！睇下之後再慢慢介紹俾大家！
下星期再見！

11/02/2021

上星期講完黃晶，咁今個星期當然走唔甩要講埋金鈦晶同金髮晶啦！佢地都係黃色，都係同黃晶好好朋友架！
首先介紹下鈦晶，佢就係含針狀或者板狀礦物質鈦嘅粗髮絲，鈦晶氧化之後呈現出閃亮的金色，係現今最珍貴的水晶之一，因為外型討人喜歡而又極之稀少，亦都係市場上價位最高的水晶之一；而金髮晶就含髮狀或金狀嘅金色髮絲，髮絲多數會相對圓身，細而多。

鈦晶屬所有水晶之中比較昂貴嘅一種，外觀靚仔嘅有時可以遠遠高過金嘅價錢，直追碧璽嘅價位添。
分辨鈦晶嘅好壞，主要由鈦晶當中所發出黎嘅顏色、發出黎闊度、結板程度同埋晶體通透程度來分級數。
聽日我地就會講下金鈦同金髮嘅能量同功效，記得睇啦！

08/02/2021

大家好，今日又係星期一，就快新年啦！
疫情關係，大家成年都無去過旅行啦⋯
咁今日就等水晶知識星期一帶大家遊歷一下世界，去睇下水晶係世界上有幾多唔同嘅產地，同埋每個產地又有咩特性啦！

世界上好多國家都有水晶，例如：巴西、烏拉圭、美國、南非、贊比亞、俄羅斯、中國、越南、巴基斯坦等等等等，其中巴西水晶最出名！而中國各地經常都有發現水晶嘅報道，江蘇、海南、四川、雲南、廣東、廣西、貴州、新疆、遼寧、湖北等地為主，當中以江蘇省東海縣水晶質量比較高質架喎！

據傳早係公元前3500年，古埃及人就已經係阿斯旺附近開採水晶礦藏。
中國古人知道水晶產於地底，亦都藏於山中，宋代蔡絛係《鐵圍山叢談》中咁樣講過：「政和間，伊陽太和山崩出水晶，以木匣貯進數百匣，據此自是石中所產」。中國更加有水晶「南白北黑」嘅講法，《格古要論》記載：「南方水晶白，北方水晶黑，信州水晶濁。」。當然，到最後真正搞清楚水晶嘅成因同水晶係世界各地嘅分佈還都係交返畀現代人啦。

係中國境內，「中低檔」嘅水晶礦床大概分佈係２８個省、市、自治區之中大概１０９個地方。除左上海、天津、寧夏未見有消息話有出產水晶，幾乎其他各個省區都有出產，但可以作為寶石原料開採嘅呢就唔係太多，主要分佈於江蘇、山東、廣西、廣東、青海、福建、海南、雲南、新疆等。
等我地舉幾個例子啦！
中國嘅茶晶產於新疆花崗偉晶巖中，最大嘅晶體可以去到幾十公斤之重！
海南水晶形成時期屬於中生代白堊紀，距離依家大約有７０００萬年，著名嘅羊角嶺水晶礦，水晶質優量多，主要產於同花崗閃長巖有關嘅矽崑長巖帶內。早前，在河南平頂山境內發現儲量豐富嘅水晶礦，呢度嘅水晶礦藏屬於低溫熱液石英脈型，所形成嘅水晶品種除無色透明之外，仲有紫晶、茶晶同少量黃晶
福建政和縣同廣西凌雲縣主要出產無無」透明水晶、茶晶；廣東雲浮縣出產無色透明水晶、煙晶；雲南富寧縣出產無色透明水晶、茶晶、煙晶。
中國最出名的水晶採坑又會係邊呢？就會係江蘇北部和山東東南部，面積數千平方公里範圍內，以東海縣為中心。
主要礦口有分兩種，原生礦通常呈現短柱狀、長柱狀；砂礦就會為半稜角狀、半滾圓狀晶礫。
水晶尺寸方面，晶體類一般粗５—１０CM，重１００—４００G；大水晶類就粗幾十CM，長１米有多，重幾百公斤什至二、三噸！
水晶中嘅缺陷主要為節瘤、裂隙、包裹體、多綿或者多氣泡；但呢啲水晶嘅儲量大，分佈廣，埋藏淺，民間相對容易開採。

水晶採坑遍佈中國，廣佈世界，巴西、美國、法國、日本、印度、越南、緬甸、意大利、土耳其、加拿大、前蘇聯、危地馬拉、馬達加斯加、澳大利亞等３０多個國家都盛產水晶。
我地又攞幾個國家黎講下啦，首先講下巴西。
巴西係個水晶王國，其水晶儲量、近幾十年嘅產量同埋出口量可以話佔左世界總量的９０％！當地嘅水晶資源主要集中分佈係東南部嘅米納斯吉拉斯地區；而北部的馬巴拉就係紫晶嘅主要來源。
贊比亞嘅喬馬附近同埋納米比亞北海岸嘅紫晶儲量都大，係６０年代，贊比西河沿岸發現咗大量紫晶礦藏。
中國古籍《事物紺珠》記載：「紫水晶出林邑國」，林邑國就係越南嘅古稱。
阿爾卑斯山嘅水晶多得驚人，當地人可以由巖壁上垂直採下，又或者由河底採得。
土耳其嘅小亞細亞，水晶一地都係，農民耕作嘅時候，可以輕而易舉揀到很多水晶。
　　
由於水晶係地下大多數會呈現簇狀、塊狀、粒狀分佈，與岩石為伍，深藏不露，要將佢地「請」上黎其實一啲都唔容易！原始的採掘，打洞放炮，使到晶塊震碎破裂，粒度變小，但咁樣做會令內部產生大量裂紋，既無大作為，又降低咗成品嘅精美價值。近代嘅採掘係國內外一般都採用露天同埋巷道兩種方法挖掘；最普遍嘅方法係露天開採，礦工們採用鐵掀、鎬、鐵鍬挖走表層泥石，然後由上而下修整出一塊塊平地，再用手工工具同汽錘修成台階，最後再由下而上，一級級咁刨土，等上層嘅土石跌落黎，就係呢個過程中就有機會發現礦脈，繼而可以開始採掘。

05/02/2021

又係時候講下今個星期嘅主角-黃晶嘅功效同能量啦！

首先黃晶主力就係增強偏財運嘅，黃水晶發出黃色嘅宇宙能量，俗稱財富之石，可以增強人嘅氣場入面嘅黃光，就係呢種黃光影響到物質生活同財運，令人可以創造到意想不到嘅財富；事業上可以話係從事服務性商業公司同埋商家不可或缺嘅招財寶石；最後好多人都會將黃水晶擺設配合屋企或者辦公室嘅財位擺放，黎大大增強財運架！

另外，溫和嘅黃光可以俾配戴嘅人嘅心靈注入和諧嘅動力、加強靈氣，仲可以令人充滿自信同埋喜悅；除咗咁，黃水晶仲可以結合精神同肉體嘅力量，令人保持精神元氣同時又腳踏實地，最後增強落實能力、減少拖延添。

對身體方面，黃水晶主要應對臍輪，有消解緊張情緒，幫助腸胃等消化系統嘅功能；佢能量嘅震動頻率影響人嘅太陽神經叢，呢個神經叢就屬於理智體而且主財運架。

今日講黃水晶就到呢度啦，同大家預告一下，黎緊農歷新年之後，係Instagram就會陸陸續續有一啲唔同嘅手串呀，擺件呀，飾物呀上架，俾大家去選購！如果大家有啲咩想買，都可以留言問下我哋架啵！

最後最後，記得幫手分享專頁，去like我地嘅Instagram，我地都開左mewe啦！當然仲要like我地嘅post啦！我哋下個星期見！
www.instagram.com/mobile_crystal_store
Mewe search： mobile_crystal_store

03/02/2021

新年將到，今次等我地一齊黎睇下黃晶！
黃水晶嘅形成係由於天然紫水晶受到火山、地熱等嘅因素影響，內部分子發生化學反應慢慢褪色而成。黃水晶係寶石界被稱為「水晶黃寶石」。法語中，黃晶意思係檸檬，大概是話呢種晶體色調接近檸檬色，古羅馬哲學家普林尼曾經用「金色」和「寶石」來讚譽黃晶。黃晶色彩主要係由晶體入面嘅鐵或者鉻元素引起。佢會出現嘅顏色從淺黃、正黃、橙黃、到金黃都會有。
星期五就會睇下究竟黃晶有啲咩功效同能量，既然一開始話同新年有關，就俾大家估下先啦！

流動水晶店

03/03/2021

01/03/2021

26/02/2021

24/02/2021

23/02/2021

17/02/2021

15/02/2021

12/02/2021

11/02/2021

08/02/2021

05/02/2021

03/02/2021

Address

Website

Alerts

Shortcuts

Share

Category