05/09/2024
終於終於都到我囡開學喇💕要恭喜一下我自己先😆
今個暑假係我哋喺英國嘅第三個暑假 一路都冇分享
過自己喺英國嘅生活 除咗係因為覺得自己啱啱嚟到
一個新環境冇資格講任何嘢 驚會講錯野誤導左人 另
一個主要原因係因為頭果1年幾其實我真係好抑鬱心
情好差 我估我既抑鬱係來自於完全唔同嘅生活模式
同埋天氣（其實我係一個好怕轉變既人）嗰段時間
我每日就係接女返學放學買餸煮飯清潔屋企 完全無
左正常社交 又好掛住香港既屋企人同朋友 直到啱啱
呢個3月我同個囡返左香港我先發覺原來自己將香港
最美好嗰一面留咗喺心入面 返到香港先發覺各方面
都有落差 尤其是係天氣 我真係好怕濕濕漉漉既天氣
今個夏天 我真真正正去感受呢個地方 當然有好有唔
好喇 唔好既地方又係一匹布咁長 要講真係有排講😂
但呢刻嘅我至少唔抗拒試著慢慢融入 之前頹廢到兩
年幾無揸車 最近操返 想試下挑戰一個人帶個女出去
玩 仲要的起心肝溫書嗱嗱聲考咗個life in the uk
😂😂😂我會認真蒲頭等你日日見到我
(by the way 人人感受唔同 我抑鬱唔代表你都會抑鬱 抑唔抑鬱都真係好睇人 我身邊就有好多香港人長期開心mode😂）
