09/01/2026
所以，我覺得保險公司賠到嘅，唔使閃閃縮縮，大大聲聲講出嚟話畀人聽保險係真係危難時幫到人，就好似藍十字咁，畀更多信心個市場。Justice should not only be done but should be manifestly seen to be done；理賠一樣——Claims should not only be done but should be manifestly seen to be done。
Well said👍🏻👍🏻
保險就係保障你一但發生唔好嘅事, 倒如疾病、災難、意外, ie. 意外=意料之外🛡️
1. 之前成功幫一位災民獲得安聯家居保嘅保障上限賠償，以為事件告一段落，點知到今天仍然不斷收到災民圍繞住家居保嘅故事。
2. 首先就係，原來仲有居民同保險公司糾纏緊家居保嘅賠償金額，包括要7字頭嘅長者業主去list out間屋有啲咩，仲未肯願意上限賠償。呢啲保險公司如果繼續同居民講數，都值得再開post「表揚」下。
3. 但亦有一啲令人鼓舞嘅故事。話說宏福苑住戶冇咗間屋當然係慘——佢哋真係失去咗家園；但有啲宏福苑業主只係將單位放租，即係身份係投資者，有保險公司竟然都賠盡home content上限畀個業主！因為佢哋出租時係連傢俬。
4. 仲有，宏志閣雖然未有受到火災牽連，但居民亦未能上樓，有保險公司竟然亦盡最大限度，酌情賠盡臨時居所租金。
5. 不過，有未受災嘅宏志閣居民問保險公司可唔可以賠埋home content保障上限？我意見係屋企完全冇燒毁情況下，保險公司只能酌量賠償，呢啲位真係要體諒下保險公司。
6. 整體而言，我覺得保險業喺今次火災真係好幫得手，亦體現到保險嘅意義，好應該出嚟拎呢個credit。
7. 例如藍十字好主動公開講會就保障項目上限作全數賠償，成功聯絡接近所有嘅客戶，而接近9成相關理賠亦已經完成。當時火災發生翌日，佢哋喺現場設立支援服務站，協助同即時發放緊急應用開支現金畀受影響嘅客戶，可以話做到「有買有賠，要賠快賠」嘅宗旨。
8. 好多保險公司擔心宏福苑嘅酌情賠償個案一旦講出去，會成為先例，以及有道德風險，我唔係好認同——首先今次事故非常大規模，而且歷史罕見，保險業先要特事特辦，所以唔會spill over去其他事故——呢個防火牆係好實在的。
9. 所以，我覺得保險公司賠到嘅，唔使閃閃縮縮，大大聲聲講出嚟話畀人聽保險係真係危難時幫到人，就好似藍十字咁，畀更多信心市場。Justice should not only be done but should be manifestly seen to be done；理賠一樣——Claims should not only be done but should be manifestly seen to be done。
