29/06/2026
Nan kad angajman Mis Sen Jan pou garanti yon konkou ki chita sou transparans, merit ak kredibilite, Komite Òganizatè a atravè selil kominikasyon an pote presizyon sa yo sou fason nòt final kandida yo te kalkile.
Pou faz final MSJ2026 la, rezilta final chak kandida te baze sou de (2) eleman:
1. Evalyasyon kat (4) dènye seyans ofisyèl yo: 67,74 % nòt final la.
2. Vòt piblik peyan : 32,26 % nòt final la.
Vòt piblik la te òganize atravè yon sistèm vòt peyan, ki te pèmèt piblik la sipòte kandida yo pandan y ap respekte règ ak mekanis konkou a.
Rezilta vòt sa a te entegre nan nòt final la selon pwopòsyon ki te fikse davans.
Kidonk, klasman final la se rezilta yon konbinezon ant pèfòmans kandida yo pandan evalyasyon ofisyèl yo ak sipò yo te resevwa nan men piblik la.
Komite Òganizatè a remèsye tout kandida yo, patnè yo, sipòtè yo ak tout moun ki te patisipe nan pwosesis la. Nou rete angaje pou kontinye òganize yon konkou ki baze sou transparans, merit ak ekselans.
Selil kominikasyon MSJ
