10/11/2025
പാലം കടക്കുവോളം നാരായണ
പാലം കടന്നാൽ കൂരായണ
▪️▫️▪️▫️▪️▫️▪️▫️▪️▫️
‘നിങ്ങളെ സേവിക്കാൻ
ഞാൻ ഉണ്ടെന്നാണ് മോഡി പറഞ്ഞത്’
സിറോ മലബാര് സഭ - പ്രധാനമന്ത്രി കൂടിക്കാഴ്ച്ചയെക്കുറിച്ച്
2025 നവംബർ 04 ചൊവ്വ
ബി.ജെ. പി.അധ്യക്ഷൻ
രാജീവ് ചന്ദ്രശേഖർ നടത്തിയ
സ്റ്റേറ്റ്മെന്റാണ് ഇത്.
ഇത് കണ്ടപ്പോൾ ഒരു പഴയ
കഥയാണ് ഓർമ്മ വന്നത്.
ഒരാൾ ഒരു പെരുമ്പാമ്പിനെ
തലോലിച്ച്വളർത്താൻ തുടങ്ങി..
പലരും അയാളെ വിലക്കി...
അയാൾ പറഞ്ഞു:നിങ്ങൾക്ക്
അവനെ അടുത്ത് അറിയാഞ്ഞിട്ടാണ്;
ആ പാമ്പ് ഒരു പാവത്താനാണ്..
കുറച്ച് കാലം കഴിഞ്ഞപ്പോൾ
പാമ്പ് തീറ്റ നിർത്തി..
പാമ്പിന് എന്തോ അസുഖം
വന്നു എന്ന് കരുതി
അയാൾ ഈ കാര്യങ്ങളിൽ അറിവുള്ള
ഒരു വ്യക്തിയെ സമീപിച്ചു.
അയാൾ പറഞ്ഞു:
“ഈ പാമ്പ് വയറൊക്കെ കാലിയാക്കി
നിങ്ങളെ വിഴുങ്ങാൻ ഒരുങ്ങുകയാണ്;സൂക്ഷിക്കണം”
അയാൾ അതും അവഗണിച്ചു..
അയാളുടെ മുന്നിൽ
അത് തളർന്ന് ഉറങ്ങിയും
സ്നേഹം നടിച്ചും ദിവസങ്ങൾ
കഴിച്ചു കൂട്ടി.
ഒരു ദിനം..അവസരം
വന്നപ്പോൾ അത്
അയാളെ വിഴുങ്ങി..
പ്രഖ്യാപിത അജണ്ടയിൽ നിന്ന്
RSS ഒരിക്കലും പിന്നോട്ട്
പോകില്ലെന്ന് എല്ലാ ദിവസവും
ഓർമ്മിപ്പിക്കുന്ന അനുഭവങ്ങൾ
നിരന്തരം ഉണ്ടായിട്ടും
ക്രൈസ്തവ സമൂഹത്തിന്
എന്ത് കൊണ്ടാണ് ഇനിയും
ബോധം വരാത്തത്.
ഇനിയും അവരുടെ
സേവയും കാത്ത് ഇരിക്കുന്നുവെങ്കിൽ
കഷ്ടം എന്ന് മാത്രമേ പറയാനാകൂ.
ഇനി ആ പറഞ്ഞ സേവിക്കൽ
എങ്ങിനെയാണ്?
മണിപ്പൂരിലെ ക്രൈസ്തവരെ
സേവിച്ചപോലെ ആണോ?
അതോ വായോധികനായ
സ്റ്റാൻ സ്വാമിയെ കുടിവെള്ളം
പോലും വിലക്കി
സേവിച്ചപോലെയാണോ?
ചാണ്ഡിഗഡിൽ സിസ്റ്റർമാരെ
സേവിച്ചപോലെയാണോ?
United Christian Forum (UCF)
സുപ്രീം കോടതിയിൽ
സമർപ്പിച്ച ഹർജി
പ്രകാരം ചർച്ച് ഉൾപ്പെടെ,
642 ആരാധനാലയങ്ങൾ
നശിപ്പിക്കപ്പെട്ടതായി
രേഖപ്പെടുത്തുന്നു.
ഈ സേവനമാണോ?
അവർക്ക് തിരഞ്ഞെടുപ്പ്
രാഷ്ട്രീയമാണ് ലക്ഷ്യം..
പാലം കടക്കുവോളം നാരായണ
പാലം കടന്നാൽ കൂരായണ.
കെ.താജുദ്ദീൻ സ്വലാഹി
