09/05/2022
சிறுநீரகத்தை சுத்தம் செய்யும் 2 நாள் திட்டம்! பலனளிக்குமா?
ஒழுங்காக செயல்படும் சிறுநீரகங்கள் ஒரு நபரின் ஒட்டுமொத்த ஆரோக்கியத்துக்கு இன்றியமையாதவை. சில உணவுகள், பானங்கள் மற்றும் மூலிகைளை உட்கொள்வது சிறுநீரகத்தை
சுத்தப்படுத்த உதவும்.
உடலை ஆரோக்கியமாக வைத்திருக்கும் அத்தியாவசிய செயல்பாடுகளை சிறுநீரகங்கள் செய்கின்றன. இரண்டு சிறிய பீன் வடிவ உறுப்புகள் இந்த இரத்தத்தில் இருந்து நச்சுக்களை வடிகட்டுகின்றன.
தாது அளவை சமன் செய்கின்றன. மேலும் இரத்த அழுத்தத்தை கட்டுப்படுத்த உதவுகின்றன.
பெரும்பாலான மக்கள் நீரேற்றத்துடன் இருப்பதன் மூலமும் ஆரோக்கியமான உணவை எடுத்துகொள்வதன் மூலமும் சிறுநீரகங்களை ஆரோக்கியமாக வைத்திருக்க முடியும்.
சிறுநீர் சுத்திகரிப்பு என்றால் என்ன, அது எப்படி செயல்படுகிறது என்பதை இப்போது பார்க்கலாம்.
world malaria day 2022: மலேரியா காய்ச்சல் குணப்படுத்தவும், தொற்றை தடுக்கவும் டயட்டீஷியன் சொல்லும் டயட்!
சிறுநீரகத்தை சுத்தம் செய்வது என்றால் என்ன?
சிறுநீரக சுத்திகரிப்பு என்பது சிறுநீரகத்திலிருந்து நச்சுகள் மற்றும் கழிவுகளை அகற்ற உதவுவதற்காக குறிப்பிட்ட உணவுகளை உட்கொள்வதை உள்ளடக்குகிறது. சிறுநீரகங்கள் உடலின்
இயற்கையான வடிகட்டுதல் அமைப்பாக செயல்படுகின்றன. இரத்தத்தில் இருக்கும் கழிவுகள், நச்சுகள் மற்றும் அதிகப்படியான தண்ணீரை நீக்குகின்றன. உடல் போதுமான
அளவு திரவத்தை எடுத்துகொள்ளும் போது சிறுநீரகங்கள் தங்களை தாங்களே சுத்தப்படுத்துகின்றன.
சிறுநீரக சுத்திகரிப்பு என்பது குறிப்பிட்ட உணவுகள் மற்றும் மூலிகைகள் உட்கொள்வதை உள்ளடக்கியது. இது உடலில் நச்சுக்களை அகற்றவும், சிறந்த சிறுநீரக ஆரோக்கியத்தை மேம்படுத்தவும்
உதவும்.
சிறுநீரக சுத்திகரிப்பு திட்டங்கள் மாறுபடும் ஆனால் இது பல நாட்களுக்கு கட்டுப்படுத்தப்பட்ட உணவை உட்கொள்வதை உள்ளடக்குகின்றன. இந்த உணவில் ஸ்மூத்தி, பழச்சாறுகள்,
தேநீர்கள், மூலிகைகள் மற்றும் உணவுகள் ஆகியவை உடல் நச்சுத்தன்மையை நீக்கி ஒட்டுமொத்த ஆரோக்கியத்தை மேம்படுத்த உதவும்
சில உணவுகள், பானங்கள் மற்றும் உணவுகள் சிறுநீரகத்தையும் உடலையும் நச்சுத்தன்மையாக்கலாம் என்கிறார்கள் சிறுநீரக சுத்திகரிப்பு ஆதரவாளர்கள். இதை ஆதரிக்க சிறிய அறிவியல்
ஆராய்ச்சியும் உண்டு.
நேஷனல் செண்டர் ஃபார் காம்ப்ளிமெண்ட்ரி அண்ட் இண்டக்ரேடிவ் ஹெல்த் டிரஸ்டெட் சோர்ஸ் The National Center for Complementary and Integrative HealthTrusted Source (NCCIH) கூறுகிறது. டிடாக்ஸ்
அல்லது சுத்திகரிப்பு என்பது உண்மையில் உடலில் இருந்து நச்சுக்களை நீக்குகின்றன என்பதற்கு ஆதாரம் இல்லை.
சிறுநீரக ஆரோக்கியத்தை மேம்படுத்தும் மூலிகைகள் மற்றும் உணவுகள் சிறுநீரக ஆரோக்கியத்தை மேம்படுத்த உதவும் பண்புகளை கொண்டிருக்கலாம்.சிறுநீரகத்தை சுத்தப்படுத்துவது
உடலில் இருந்து நச்சுக்களை அகற்ற உதவும். பின்வரும் இந்த எளிய குறிப்புகள் சிறுநீரக ஆரோக்கியத்தை மேம்படுத்தவும் சிறுநீரக அபாயத்தை குறைக்கவும் உதவும்.
ஒவ்வொரு நாளும் போதுமான திரவத்தை குடிப்பது ஒரு நபரின் ஒட்டுமொத்த ஆரோக்கியத்துக்கு அவசியம். உணவை ஜீரணிக்கவும் ஊட்டச்சத்துக்களை உறிஞ்சவும் கழிவுகள் மற்றும்
நச்சுக்களை அகற்றவும் சருமத்தை ஆரோக்கியமாக வைத்திருக்கவும் மற்றும் உடல் பலவித செயல்பாடுகளை செய்யவும் தண்ணீர் முக்கியமானது. போதுமான தண்ணீரை உட்கொள்வது
சிறுநீரக கற்கள் போன்ற சிறுநீரக பிரச்சனைகளை தடுக்க உதவும்.
நீரிழிவு மற்றும் செரிமான மற்றும் சிறுநீரக நோய்களுக்கான தேசிய நிறுவனம் ஆதாரத்தின் படி பல சுகாதார வல்லுநர்கள் நாள் ஒன்றுக்கு ஆறு முதல் 8 அவுன்ஸ் தண்ணீர் குடிக்க
பரிந்துரைக்கிறார்கள்.
சிறுநீரக ஆரோக்கியம் மற்றும் பொது ஆரோக்கியம் ஆகிய இரண்டையும் மேம்படுத்த சில எளிய உணவு மாற்றங்களை செய்யலாம்.
பதப்படுத்தப்பட்ட உணவுகள்
சுத்திகரிக்கப்பட்ட கார்போஹைட்ரேட்டுகள்
சர்க்கரை மற்றும் செயற்கை இனிப்புகள்
மாட்டிறைச்சி, பன்றி இறைச்சி, உறுப்பு இறைச்சி போன்ற விலங்கு புரதங்கள்
அதிக சோடியம் உணவுகள்
மது
காஃபின்
போன்றவற்றை கட்டுப்படுத்துங்கள்.
உணவில் சேர்க்க வேண்டியவையாக
பெர்ரி
எலுமிச்சை
எலுமிச்சை மற்றும் ஆரஞ்சு போன்ற சிட்ரஸ் பழங்கள்
ஆப்பிள்கள்
குறைந்த கொழுப்பு பால் பொருள்கள்
காய்கறிகள்
பார்லி
பழுப்பு அரிசி
ஓட்ஸ் போன்ற முழு தானியங்கள்
கோழி மற்றும் கடல் உணவு உட்பட ஒல்லியான இறைச்சிகள்
சிறுநீரக சுத்திகரிப்பில் 2 நாட்கள்
உங்களுக்கு சிறுநீரக சுத்திகரிப்பு திட்டம் இருக்கும் போது சிறுநீரக நோய் அல்லது சிறுநீரக கற்கள் இருந்தால் இந்த திட்டத்தை தொடங்குவதற்கு முன்பு மருத்துவரை அணுக வேண்டும்.
இது உடல்நல பாதிப்புகளின் அபாயத்தை குறைக்க உதவும்.
சிறுநீரக பிரச்சனைகள் இல்லாதவர்கள் பின்வரும் 2 நாள் சிறுநீரக சுத்திகரிப்பு திட்டத்தை முயற்சிக்கலாம்.
நாள் - 1
டோஃபு சாலட் என்பது சிறுநீரகத்தை சுத்தப்படுத்தும் உணவு. சுத்தம் செய்ய விரும்பும் முதல் நாள் உங்கள் உணவு முறை இப்படி இருக்கட்டும்.
காலை
ஒரு டம்ளர் வெதுவெதுப்பான நீரில் 1 டீஸ்பூன் புதிய எலுமிச்சை சாறு கலந்து தொடங்குங்கள்.
காலை உணவு
காலை உணவுக்கு 12 அவுன்ஸ் (1 அவுன்ஸ் என்பது 28 கிராம்) ஸ்மூத்தியை சேருங்கள்.
பீட்ரூட்- 1
வெள்ளரிக்காய் - பாதி
ஆப்பிள்- 2
எலுமிச்சை சாறு -
இஞ்சித்துருவல் - 1 அங்குலம்
இதை ஸ்மூத்தியாக்கி எடுக்கலாம்
மதிய உணவு
ஒரு பெரிய கப் பச்சை சாலட் சாப்பிடுங்கள்.
வறுக்கப்பட்ட கோழி அல்லது டோஃபு
சிவப்பு வெங்காயம் நறுக்கியது - கால் கப்
ஆப்பிள் நறுக்கியது - 1 கப்
திராட்சை - கால் கப்
பாதாம் நறுக்கியது - மேல் டிரஸ்ஸிங் செய்ய,
ஒரு கப்பில் 3-ல் 1- பங்கு அளவு - யோகர்ட்
கடுகு - 1 டீஸ்பூன்
எலுமிச்சை சாறு - 1 டீஸ்பூன்
உப்பு மற்றும் மிளகு சுவைக்கு
இரவு உணவு
8 அவுன்ஸ் ஸ்மூத்தி உருவாக்கவும்.
இளநீர் - 1 கப்
ப்ளூபெர்ரி - 1 கப்
மாம்பழம் - ஒன்றரை கப்
காலே கீரை - 1 கப்
எலுமிச்சை சாறு - 1 டீஸ்பூன்
ஆளிவிதை பொடி - 1 டீஸ்பூன்
நாள் - 2
இரண்டாவது நாளில் மதிய உணவு மற்றும் இரவு உணவை உண்ணலாம்
காலை
1 டீஸ்பூன் எலுமிச்சை சாறு கொண்ட ஒரு கப் க்ரீன் டீயுடன் தொடங்குங்கள்.
காலை உணவு
8 அவுன்ஸ் ஸ்மூத்தியை உருவாக்க
பாதாம் பால் - 1 கப்
கீரை - ஒன்றரை கப்
பெர்ரி - கால் கப்
வாழைப்பழம்- 1
ஆளிவிதை பொடி - 1 டீஸ்பூன்
மதிய உணவு
பின்வரும் பொருள்களை ஆலிவ் எண்ணெயில் ஒன்றாக வதக்கவும்
பழுப்பு அரிசி - 1 கப்
பீன்ஸ் வேகவைத்தது - கால் கப்
பச்சை ப்ட்டாணி- கால் கப்
கேரட் நறுக்கப்பட்டது - கால் கப்
பூண்டு நறுக்கியது - 1- 2 டீஸ்பூன்
இரவு உணவு
காய்கறி சூப்
இனிப்பு உருளைக்கிழங்கு -1
கேரட் - 1 கப்
செலரி தண்டுகள்- 2
வெங்காயம்- 1
தக்காளி - 1 கப்
சிறுநீரக பீன்ஸ் - கால் கப்
வோக்கோசு - கால் கப்
நறுக்கிய பூண்டு - 2 டீஸ்பூன்
குறைந்த சோடியம் கொண்ட காய்கறி - 4 கப்
காய்கறிகள் நறுக்கி நீரில் சேர்க்கவும் முழுவதுமாக வேக வைத்த பிறகு வோக்கோசு சேர்த்து கிளறவும் .சுவைக்கு ஏற்ப உப்பு மற்றும் மிளகு சேர்க்கவும்.
பக்கவிளைவுகள் உண்டா
அதிகமாக இதை பின்பற்றும் போது சோடியம் அளவு குறையும். சிறுநீரக சுத்திகரிப்பு திட்டங்கள் பொதுவாக பழங்கள் மற்றும் காய்கறிகள் போன்ற ஆரோக்கியமான உணவுகளை
உட்கொள்ள ஊக்குவிக்கப்படுகிறது. சிறுநீரக சுத்திகரிப்புக்கு இவை உதவினாலும் இது பல நன்மைகளை வழங்குவதாக கூறினாலும் ஆதரிக்க சிறிய அறிவியல் ஆராய்ச்சி உள்ளது.
