23/02/2026
راح احجيلكم تفاصيل عن لسان الطفل مصطفى
عنده ام واب
عنده خالو اسمه مصعب
وعنده عمو اسمه وعد
وعنده عمه دوم يردد وديني لعمه بس مايذكر اسمها
يعرف مسميات الاشياء
بابا عندو سيارة
ويحب يكعد بحضن السايق
يعني اكيد متعلم يكعد بحضن ابوه من يسوق
الحمام الغربي
الثلاجة
المجمدة
وهذا دليل على وضعهم وبيئته
من طلعنا دنسوك
كال انطيني علاكة اشتري عنب ويعرف شلون يختار الاشياء الي يحبها
ذكر اسم روضه / وردة/ زهره
يعرف شلون يطلع حفوضة لنفسه ويكلي لبسيني ومن ابدله يكلي اني اذبها بالزباله
ميحب يمشي حافي يحب الا حذاء
من ياكل ابد ابد ميوسخ نفسه استخدامه للملعقه وطريقه اكله مرتبه
ميعرف يستخدم تليفون
فقط يكلي طلعيلي لولو فديوات للاطفال
يسمع الكلام وميعاند
ينام باعتدال ويكعد باعتدال الصبح يعني ميسهر ومن يريد ينام يكلي شيليني نوميني
او حضنيني وبنص اليل يفز يشبكني وينام
كل هاي التفاصيل داجمعها يوم بعد يوم
دل على ان الطفل عايش حياة بوسط عائلة
يبقى السؤال
هل الطفل فعلاً مفقود عن اهله وتيهه ولحد الان ماوصلتلهم منشوراتنا واعلامنا
هل تم اختطافه منهم وتعرضوا لاذى
هل تم التخلي عنه
؟؟؟
ممكن يكون من محافظات بعيدة جداً ولذلك ماوصلتلهم منشوراتنا
ياريت الي من اي محافظة تنشرون عنه ولا توقفون البحث عن اهله🙏 لان هو محتاجهم
بنات هواي نشرت عليه بكل الكروبات متابعه الباحثه بس لحد الان مااحد اجه عليه انشروا بكل الكروبات بلكت احد يعرف اهله او اقاربه
#اكسبلور
